|
ابي اشتغل تاكسي خاص بسيارتي الخاصة ممكن تفيدوني ؟
السلام عليكم ورحمة الله
كيف حالكم ماودي اطول عليكم بالحديث وكذا بس حبيت اخذ رايكم بموضوعي انا من سكان الدمام وعندي سيارتي الخاصة نوعها هونداي سوناتا موديل 2009 وحاب اترزق الله بس مانيب عارف وين اروح او وين بحصل لي زباين وركاب داخل البلد فكرت اروح للمطار او سكة الحديد بس قالو ان اصحاب التكاسي والكدادة ماراح يخلوني بحالي فاا مدري وين اروح ياليت اللي يعرف لي اماكن بحصل فيها ركاب يدلني عليها واذا عندكم راي او اي اقتراح لاتبخلون علي فيه :confused: |
حاليا بالرياض
حنا الحريم اغلب مشاويرنا نطلبها من تطبيق **** او كريم هذول تطبيقين انت تشترك معهم ويعطونك جهاز تجيك طلبات توصيل من خلاله ويحاسبونك زباين كاش او شبكه وماراح تغير سيارتك لتكسي نفسها سيارتك الخصوصيه بس قبل ماتشترك يطلبون اوراقك شخصيه يوم تسجل يعني اذ بالدمام في **** انصحك وبشده اكتب بجوجل شركة اوبر السعوديه وراسلهم او حمل تطبيقين من الستور الله يرزقك سواء بهل موضوع او تكسي وفيه بعد اذا حاب تحول سيارتك لتكسي حمل تطبيق ايزي تكسي بس انصحك ب اوبر وكريم للتوصيل وان شاءالله باقي الاخوان يجاوبونك على اسئلتك |
اقتباس:
ههههههههه أحبط نفسه وحكم أن الناس ضده قبل أن يبدا يعني بيوقفونك بالعصي والسكاكين ؟ حبيبي إذا أنت جاد في عملك وحاب توجد لك دخل فـ أدخل والا يهمك أحد سيارتك نظاميه والمكان من حقك ومن حقهم والسرا يمشي بدور لكم جميعاً |
الأماكن كثيره وكنت أحمل من عندها ع سيارتي الخاصه
وهي محطات النقل الجماعي لكني غير مستمر متى ما طفرت وقفت عندهم وشلت ثنين او ثلاثه وخذت في جيبي اللي يكفيني يومي كله |
اقتباس:
انا سمعت عن اوبر وعجبتني فكرتة وسجلت فية قبل يومين ووصلتني منهم رسالة الكترونية ع البريد يطلبون حضوري لمكتبهم بالدمام بس الى الان مارحت والحين انتي شجعتيني اكثر اني اروح لهم واكمل باقي الاجراءات شاكر لك جدا على الرد والله يوفق الجميع يارب :w |
اقتباس:
بس كلام الناس احبطني كل مااسال احد قال لي ماراح يخلونك اذا مايعرفونك ومن هالكلام وانا والله اني جاد وصامل وماهمني حتى لو وصلت للعصي والسكاكين :r وربك يكتب للجميع الخير والتوفيق شكرا على مشاركتك يالامير :w |
اقتباس:
حلو ان شاء الله من بكرة بروح اتكي عند النقل الجماعي :) وادعو لي ربي يسهل اموري ويرزقني بحلاله ويبعد عني اولاد الحرام |
شيء جميل موضوع **** صراحه
وبعد كريم رائعين وفي شركه بعد نسيت اسمها الله يوفقك |
اقتباس:
كثر الله من امثالكم :w |
| الساعة الآن 01:47 PM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين