استفسار سبب عدم قبول من تم دعمه من الموارد سابقا
 

السلام عليكم ورحمة الله وبركاته

طابت اوقاتكم بكل خير

عندي استفسار اغلب الشركات تطلب متقدمين للوظائف غير مدعومين من الموارد سابقا

ايش سيئات المدعوم من الواراد عشان مايقبلوا فيه

وايش مميزات الغير مدعوم

بالتوفيق للجميع

وللعلم في دعم من الموارد دعم تدريب ودعم توظيف دعم التدريب ماعندي خلفية عنه يفيدونك الاخوان اكثر

لاكن دعم التدريب 12 شهر يعني مثلا توظفت في شركة 4 شهور واستقلت
اول ماتستقيل تاخذ اخلاء الطرف وتوديه للموارد علشان يوقفون دعمك وتكون عندك من دعم الموارد 8 شهور
تتوظف في اي شركة فيها دعم موارد تدعمك الموارد 8 شهور .

وانا حاب انصح للي طاح في صيدة الموارد وباقي له على الدعم 3 او 4 شهور يكملها 12 شهر
لان الوارد تعطي مكافئة بمقدار راتب واحد للي يكمل الدعم 12 شهر في شركة وحدة
واذا بقى بالشركة لمدة 24 شهر تجيه مكافئة ثانية بمقدر راتبين .

هاذي اغلب معلومتي عن نظام الموارد البشرية انشاء الله اني افدتك واترك المجلال لباقي الاعضاء للتعقيب على كلامي
او لااضافة معلومات اكثر عن نظام الموارد االبشرية .

1- انت عندما تكون مدعوم من الموارد البشرية تقلل من المبلغ الذي ستدفعه الشركة لك 2500 افضل من 5000 من الشركة ولذلك تطلب لم يسبق دعمة لان التاجر يستخسر دفع الراتب لسعودي .
2- فترة الدعم 24 شهر إي سنتين وبعدها يجب على صاحب العمل أن يدفع للموظف المبلغ نفسه بعد سنتين وبما أنه لا يريد الدفع منذ البداية إذن يتعمد طردك من العمل بلا فصل تعسفي حتى يخرب عليك ويربح موظف غير مدعوم جديد (ضحية جديدة)
3- من فوائد الدعم للموظف تقبل الشركات لسعودي وتوظيفة حتى بدون خبرة - تحسين الراتب الضعيف للموظف بما أن صاحب العمل لا يريد زيادة الراتب.
4- بعد 5 سنوات يتم دعم السعودي مرة اخرى وذلك حتى لا يستهتر الموظف ويقول الدعم موجود وساترك العمل واغير كل يوم في عمل لاستهتار الشباب في الفترة الاولى لوضع النظام .

لأن الغير مدعوم من الموارد يتم ربطه بالموارد البشرية ..
والشركة تدفع نصف راتبه .. يعني تعطيه 3000 ريال والموارد يدفع له 2000 ريال ويصير راتبه الاجمالي 5000 ريال لمدة سنتين الى ثلاث سنوات .
فالشركات دايم تطلب هالشيء عشان تقلل مصروفات الرواتب عندها بدل ما تعطيه 5000 مرة وحدة تعطيه 3000 وتوفر وتخلي الباقي على صندوق الموارد البشرية ..

هذا غير التلاعب الكبير اللي صاير من ( المعاهد التدريبية ) ولازم تتنبه منهم .. لأن بعضهم ياخذ اسمك بهدف توظيفك وتدريبك ويجيك 3000 ريال وانت تتدرب والهدف منها الاستفادة من اسمك بالتأمينات لا اكثر .

نفس المشكله انا مدعوم ١٧ شهر و قدمت استقاله لانه كنت احتاج اطبق للدبلوم و الحين كل الشركات اللي اقدم فيها يقولو انت مدعوم ما نقدر نوظفك صار لي سنه على هالحل شوفو لي حل بالله ...

طيب انا شغال بوظيفة 2800 ريال بعد خصم تامينات تنصحوني اكمل فيها ولا اطلع ادور على شركة ثانية ؟؟؟

تقريبا لي شهر وانا مشتغل فيها

طيب اذا كان الشركة مدعومة من قبل الموارد البشرية
واضافت بعض الاسماء فقط والباقي غير مدعومين
هل هذا يعني ان الشركة تتلاعب باسمي ؟؟