عندي كم سوال عن الكليات العسكريه ياهل الخبره تكفون افيدوني
 

السلام عليكم ورحمت الله وبركاته
مثل ماهو واضح في العنوان انا انسان طموحي كليه العسكريه ومن كثر ماني متحمس للكليه العسكريه جالس احسن لياقتي البدنيه وهاذي انشاء الله اخر سنه لي في الثانويه وانا انسان ابصراحه مابراسي جامعه وقريت عن كليه الحرس و الكليه الحربيه وكل الشروط منطبقه علي والحمد الله وسمعت ان مااقدر اقدم غير علي كليتين فقط فقررت من الحين اختار من الكليتين الكليه الحربيه1 وكليه الحرس * *2 * * * * * * المطلوب منكم حبايبي انكم تفيدوني عن
1. بدايت التسجيل في الكليه *هل استطيع ان اضع نسبه علي كيفي في اختبار التحصيلي اللي هي اعلي من 60 بما انه مراح تطلع انسبه اللي بعد التسجيل.*
2. اختبار الكفايات انا جبت فيه 35 في التسجيل المبدئي احط نفس النسبه اللي جبتها ولا احط اعلي من 60 لا اني سمعت ان اذ حطيت نسبه اقل من 60 يرفضني الكمبيوتر الياء
3. كم عدد اللي ينقبلون في الكليه الحربيه و كليه الحرس كم عددهم لا اني سمعت انه في كليه الحرس ينقبلون بس 250 طالب بس مافهمت كيف طريقتهم هل من كل دفعه ينقبلون 250 طالب او مجموع الطلاب 250 فقط
4. هل الدراسه في الكليه كلها انجليزي وتعقيد ام لا*
5. هل في القبول النهائي اقدر اختار التخصص اللي ابغاه او قبل الدوره ولا غير بعد الثلاث السنوات
6.ايش افضل التخصصات في الكليتين
والله يوفق الجميع وانشاء الله يتحقق كل مانتمناه

الحرس الوطني لو ماعندك واسطة فيها لو تجيب 100% في القياس والتحصيلي وكفايات فوقها ماتدخلها لكن قدم فيها لعلها تصيب وتدخلها

الكلية الحربية ماعرف فيها شيء قدم فيها

نصيحتي لك خش الجامعة اذا جاك قبول في احد الكليتين ادخلها وتوكل على الله لكن اذا ماجاك قبول وش بتسوي بتجلس تدوري تقديم على جندي او جندي اول؟ لازم تواصل بالجامعة وتحقق حلمك بدخول احد الكليات الجامعة بسيطة لو شديت حيلك تخلصها بـ 3 سنوات
ويمر فيك الوقت بسرعة ماتدري الا وانت متخرج

انا عارف ان كليه الحرس يبغالها واو بس ابي اقدم فيها اذ جت فالحمد الله واصلن حاط املي في الحربيه كثير بعدين علا سالفت الجامعه انا ابصراحه مابراسي اكمل دراسه بس اذ ماحالفني الحض ومانقبلت في الكليتين اكيد ابدخل جامعه والله يعينني وارجع اقدم بعد الجامعه بس انشاء الله انقبل علي طول

تكفون ياهل الخبره جاوبو علي اسألتي

فالك التوفيق الحرس واسطات والارقام محجوزه لابناء الضباط الكلية الحربية فيها واسطات بس تقبل عدد كبير والفرصة فالقبول اكبر
واذا لم تقبل انصحك بدراسة الجامعة تخصص تربية بدنية مستقبله قوي فالكليات العسكرية وبالتوفيق

يعطيك العافيه اخوي بس كم يقبلون في الكليه الحربيه هل هي دفعات وكم يقبلون فيها

الكلية الحربية طال عمرك السنة الى عدت قبلوا عدد كبير تقريبا 800 طالب

و القبول دفعة وحدة ماهي على دفعات
والتقديم عن طريق القبول الموحد للكليات العسكرية لوزارة الدفاع التقديم على اربع كليات انت تختار الكلية التي ترغب في التقديم عليها
الكلية الحرببية او الجوية او البحرية او الدفاع الجوي واكثر كلية تاخذ عدد لطلاب الثانوي هي الكلية الحربية وفالك التوفيق والله يكتبلك فيها نصيب.

امين اخوي طيب علي سوالي في اختبار الكفايات واختبار التحصيلي اقدر احط نسبه علي كيفي في التسجيل اللي هي فوق 60

يهوه تكفون جاوبو علي اسالتي