اتمنى من الي عنده خبره بالخدمه المدنيه يدخل
 

السلام عليكم ورحمة الله وبركاته

احب اصبح او امسي عليكم اخواني وانا بصراحه من دون اي مقدمات عندي مشكله مع رئيسي المباشر والنائب وكلهم بصف واحد مع بعض وحسبي الله ونعم الوكيل
السالفه يااخوان اني على مسمى كاتب وشهادة ثانويه فقط ودخل علي النائب ويبغى مني اسوي خطاب ومرفق مع الخطاب اشياء كثيره انا بصراحه ماعمري سويت خطاب بحياتي ولا جداول او شي مثل كذا قلت له انا ماعرف للخطابات ولا اعرف جداول وهذا من اختصاص ناسخ اله انا كاتب وماعرف للاشياء هذي وبعدها دخل على المدير وبالعاميه ملى راسه علي وطبعا المدير اصلا ظالم مثله استدعاني المدير وقلت له انا ماعرف اسوي خطابات وجداول وهذي مو من مهام مسمى كاتب طبعا طردني من المكتب للاسف وكتبو خطاب اني رفضت العمل وعطلت العمل ومصلحة العمل وانا شغال بعملي الرسمي بكل اخلاص طبعا انا مادري ايش اسوي بهذي الحاله وابغى مساعدتكم وابغى منكم بعد هل من اختصاص مسمى كاتب نسخ خطابات او كتابة خطابات وجداول واتمنى الرد منكم واسف عالخبطه والاطاله

- استلام المعاملات المطلوب تصديرها أو توريدها وتسجيلها في السجلات المحددة بعد التاكد من اكتمال مرفقاتها
- تسليم المعاملات لموزع البريد لايصالها للجهات المختصة
- موافاة الادارات والاقسام والجهات المختصة بصورة من معاملاتهم التي تم تصديرها
- اعداد الاحصائيات والبيانات والتقارير المطلوبة

- تأدية ما يوكل اليه من مهام من قبل المدير والوكيل

اخوي نصيحتي لك حاول تحل الامور بطريقة ودية .. خصوصا اذا كنت تجهل الانظمة والقوانين والثغرات اللي تخليك تعرف كيف تواجه اي شخص في اطار عملك ..

انا مدري وش الاجراءات اللي راح يتخذونها ضدك وان شاءالله ماتكون اجراءات مضره ولكن انت حاول تحلها بطريقة ودية ..

الله يفرجها عليك ويبعد عنك كل شر ..

امين بس حاولت احلها بشكل ودي بس هم كأنهم ينتظرونها من زمان وشكرا لمرورك

اولاً :سيرسل الخطاب المرفوع عليك لمين؟
ثانياً: انت حكومي أو خاص تابع للحكومي (تسغيل ذاتي ) حتى تطبق النظام حسب الجهة وما هي الجهة مستشفى أو........ ؟
ارجوالاجابة حتى نحاول المساعدة.

حكومي على مرتبه تابع لجامعه ورفعها لعميد الموظفين

انت الان لازم تكتب خطاب للمسؤول الذي رفع له الخطاب من الادارة تذكر به أنك حريص على مصلحة العمل وتنفيذ الاومر الموجه لك وما قمت به لانك لا تريد أن تقوم بالعمل المقدم لك بلا معرفة سابقة من حرصك أن يكون الخطاب بالشكل السليم ولو كنت تعلم كيف اقوم به بالشكل السليم لم تتاخر عن القيام به وحاول تقراء في النت عن طريقة كتابة خطاب حتى لا تكون كاذب فيما يلي من نصيحتى (واكتب بعدها أنك حرصت على معرفة طريقة عمل الخطاب وتطوير نفسك واعتذر لو فهم الموضوع بشكل خاطئ وحاول توضح انك مستعد تصلح الخطأ بالشكل المناسب لك واعتذر لو اردت للمدير والله يعينك لانهم شكلهم حابين يوظفوا واحد من عندهم وادعى الله يحلها ولا تبين إنك فاهم انهم يريدوا توظيف احد حتى لو للمسوؤل المرفوع له الخطاب وإذا تقيمك يخدمك وضحوا للمسؤول .

^
بالطريقة هذى راح يكون فيه تجاوز وثانياً كيف يرسل خطاب والمشرف على الإدارة هو اللي رافع فيه، بمعنى اذا تخاطب ادارة ثانية لازم يوقع عليها المشرف أو مساعد المشرف.
الكلام اللي ذكرته جميل ولكن اذا استدعي من قبل عمادة أعضاء هيئة التدريس وشؤون الموظفين ممكن يكتبه في الإفادة اللي تطلب منه.
أخيراً عزيزي صاحب الموضوع كان بإمكانك تسوى الخطاب مع التقرير بإمكانياتك واتوقع مرة ثانية مراح يُطلب منك الا شي بحدود معرفتك، ولاتشيل هم راس مالها اذا كبرت تنقل إدارة ثانية.

كيف يعتبر تجاوز وهو في الاساس سيرفعها على انها شكوى ليرد على الشكوى وإذا اشتكي احد من شخص يقول له وقع على الشكوى التى سارفعها عليك الله يهديك .

القصد الله يحفظك انه مايقدر يرسل خطاب رسمي للعمادة من إدارته الإ بتوقيع المشرف، ولكن اذا تم استعائه يوضحلهم اللي حصل في الإفادة.
أنا مقدر موقفك مع الأخ السائل ولكن الأمور ماتمشي بهذى الطريقة وأنا شغال في جامعة مثله وتقدر تسأله بنفسك إذا يقدر يكتب شكوى على المشرف ويرسلها من إدارته.
للأخ السائل اتوقع المشرف عليك دكتور، وغالباً لو صعدت الموضوع منت لاقي لا حق ولا باطل من الدكاتره، نصيحتي لك مشى الموضوع زي ماكتبتلك في الرد الأول.
ونضاماً زي ماقالك الأخ ماجد الجهني وركز على إللى كُتب بالأحمر.

مع احترامي لك انت اسلوبك غير لائق.. انت كاتب و اظن هالمهنة الناس فاهمه انه يكتب باليد فقط. المشكلة فيك انت ما طورت نفسك .. و الشي الاخر حتى لو انك ما تعرف لازم تبين له رغبتك في كتابة الخطابات و توضح له انك ما تعرف تستخدم الكمبيوتر... اما انك تسوي انك عندك حق ترفض اوامر المدير اقول لك انت غلطان و هاذي اتوقع فيها فصل او انذار بالفصل.. الخطأ منك انت...