المرتبة السادسة او القطاع الخاص
- السلام عليكم مساكم و صبحكم الله بالخير مثل ماهو واضح بالعنوان ياجماعة انا حاليا موظف بشركة خاصة تبع القطاع الحكومي يعني تقريبا شبة حكومية ( عسكرية بالتحديد ) لكن انظمتها انظمة شركة خاصة .. بشكل اوضح , طبيعة العمل ( حكومية ) لكن حقيقة العمل ( شركة خاصة ) يارب فهمتوا .. و حاليا الحمدلله انقبلت في وظيفة ادارية المرتبة السادسة .. في احدى الجامعات و محتار جدا .. :eek: بحط لكم مقارنة بسيطة بينهم ... ( الوظيفة الحالية ) : الراتب : 7451 ريال الدوام : 8 ساعات + شفتات في الاسبوع تتغير مرتين تداوم شفتين مختلفين ( يعني اليوم دوامي من العشاء الى الفجر ) مكان الدوام : قريب من البيت الراحة في الدوام : مرتاح و لله الحمد الزيادات السنوية : على حسب التقييم يمكن تزيد ريال واحد و يمكن تزيد 600 ريال التخصص الجامعي و الوظيفة : لا يوجد بينهم اي علاقة أو تطبيق علمي . ( الوظيفة المرشح لها ) : الراتب : 6220 ( بعد البحث بالانترنت ) الدوام : دوام حكومي في الجامعة من 8 الى 4 مكان الدوام : قريب و اقرب من الحالية الراحة في الدوام : - الزيادات السنوية : 310 ( بعد البحث في الانترنت ) التخصص الجامعي و الوظيفة : مرتبطة 100% حطوا نفسكم مكاني .. محتار خصوصا ب = الراتب + التطوير الشخصي :eek: جزاكم الله خير , اليوم اخر فرصة لي و بكرة اسلم اوراقي .. و لا ودي اخليهم ينتظرون بدون رد و اكلمهم عشان تروح للمرشح الثاني و الله يوفقه يارب . انتظر الردود و انا مداوم الليلة ( الحساب مستخدم من اكثر من شخص ) |
اقتباس:
عليك بالاستخارة فهي أمر جميل وإذا ارتحت اختار اللي تبي وفي الأخير الامر راجع لك ي عزيزي. دام الوظيفة الحكومية مرتبطة بتخصصك فانصحك بها . استخر وشوف اللي ترتاح له . موفق يا رب |
الحكومي اماااان ... الخاااص حلوه لكن ما تدري عن الاوضاع مستقبلا .. لكن انت ركززز مستقبلا لما تتزوج الخاص شفتات ولحكومي صباح فقط .. فكر فيها مستقبلا واختار المناسبه وشاور الي حولك .. وشوف
|
وعليكم السلام
الله يوفقك ويختارلك ما فيه الخير الراتب الحالي ماشوفه فرق يخليك تتردد بخصوصه، الي يفرق في رأيي الدوام الخاص شفتات وبأي وقت يمكن يحتاجك العمل أما الحكومي صباح ومستقر وغالباً العمل أخف. نقطة مهمة وهي ارتباط الحكومي بالتخصص وأشوفه نقطة مهمة (وإن كان العمل الفعلي ليس عالمسمى في كثير من الوظائف الحكومية). التطوير برأيي الي بيطور نفسه يقدر بالخاص أو الحكومي وبالعكس الجامعات بالذات أشوفها مكان التطوير لأن منطقيا هي منبع العلم والأساتذة والأبحاث، ووافقت أيضاً ان الوظيفة في تخصصك 100% حسب كلامك. بالأخير لاتنسى الاستخارة والله يوفقك يارب ولا تنسانا من دعواتك. |
الساعة الآن 07:11 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين