سؤال مهم لموظفين وموظفات البنوك أرجو المساعده
 

السلام عليكم ورحمة الله وبركاته :
عندي سؤال مهم لموظفين وموظفات البنوك بخصوص اختبار الشهادة المهنية لأساسيات مصرفية الأفراد أولا الاختبار هذا أجباري لجميع العاملين بقطاع البنوك وكان مخصص فقط للموظفين والموظفات وببداية عام 2016 فتحت مؤسسة النقد المجال للكل حتى لغير الموظفين طبعا انا مو موظفه بالبنك وسجلت بالاختبار واختباري بإذن الله إذا الله أراد يوم 17 مارس الشهر الجاي الصراحه انا اذاكر من الملزمة وأشوف المنهج جدا سهل أشياء درستها قبل كذا بخصوص إني خريجة بكالوريوس اقتصاد سؤالي أبيكم تساعدوني الاختبار يعتمد فقط على اللي بالكتاب أو على الخبره أكثر ياليت تساعدوني الله يرضى عليكم خصوصا اللي اختبرو هذا العام 2016 لأن منهج 2016 يختلف عن اللي قبله الله ييسر ويرحم ويفرج هم كل من يجاوب

للرفع أرجو المساعده

الله يجزاك الجنة عزيزه
تو ادري ان اختباراته مفتوحه
بكم سعرها ؟ و هل اقر احدد يوم معين ؟
الاختبار مقالي و لا موضوعي ؟

أخوي السعر بـ 550 ريال تروح البنك تصدر شيك مصدق بـ اسم المعهد المالي لأختبار الشهادة المهنية لمصرفية الإفراد وبعدها تطبع ورقه من موقع المعهد المالي
http://iof.org.sa/page.aspx?key=exams&lang=ar
هنا ادخل على اختبار مصرفية الأفراد واطبع ورقة التسجيل للأفراد المستقلين ومن ثم ترسلها على المعهد المالي بالرياض مع البريد السعودي أو الدي اتش ال
الاختبارات اختياري وصح وخطأ 100 سؤال يعني أسئلة موضوعية إذا كنت من سكان الرياض فالاختبارات مفتوحه بشكل يومي أما إذا كنت بجدة أو الشرقية فالاختبارات تكون بمؤسسة النقد السعودي اللي بالشرقية أو بجدة وهم يحددون الاختبار من عندهم غالبا بالشهر مره وحده شهر يناير الاختبار كان بتاريخ 21 وشهر فبراير الاختبار بكره بتاريخ 18 وشهر مارس الجاي راح يكون بتاريخ 17 مارس طبعا هذي مواعيد جدة مواعيد المدن الباقية تختلف وتقدر تتواصل معاهم عن طريق هالرقم إذا حاب تستفسر أكثر 0114662318
طبعا المادة ماراح تنزل لك إلا إذا أرسلت الشيك لهم وانا المنهج اللي عندي حق العام القديم.. انا ارسلت الشيك اليوم مع البريد السعودي وبالكثير راح يوصل يوم الأحد إذا أرسلو لي رابط المادة الجديدة راح أنزله هنا أن شاء الله

انا بنت
الله يجزك الجنه يا عزيزه

اذا ممكن سؤال و معليش كلفت عليك
|
لقيت اربع اختبارات .. هل مسموح ندخل لها ؟

معليش لا عادي مافي كلافه الناس للناس وكلنا نفيد ونستفيد أن شاء الله ..مسموح تدخليها كلها ماعدا اختبار تداول والعام انا دخلت اختبار أساسيات التأمين وهذي السنة قلت أخذ مصرفية الأفراد ممكن تفيدني بالتوظيف لأن ودي أتوظف ببنك..

اختباري بتاريخ 17 مارس الجاي ان شاء الله إذا دخلت الاختبار راح اكتب الأسئلة هنا وطبيعة الأسئلة سواء سهله أو صعبة

الله يجزاك الجنة
اذا ممكن تقولي عن تجربتك في اختبار التامين ؟ من ناحية المنهج و طريقة الاسئلة و الاختبار

اول مره اسمع عن هالاختبار .
بالتوفيق لك

اجمعين يارب بالتوفيق لنا جميعا أخت نك مسروق المنهج موجود عندهم بالموقع برابط حمليه وذاكري منه الأسئلة صح وخطأ واختياري وكلها من المنهج بس الأسئلة كانت دقيقه جدا ذاكري بضمير وبفهم لازم تكوني فاهمه بس تطمني كل شئ كان من الملزمة ماكان من خارجها شئ.. شخصيا تخصصي اقتصاد مسار تأمين لذلك ماواجهت صعوبه بالمنهج ابدا لأن كلها أساسيات تأمين وإذا اي سؤال انا حاضره ..وياليت موظفات وموظفين البنوك يفيدونا باختبار مصرفية الأفراد يعتمد على الخبره أو كل شئ من المنهج