أولاً/ استعين بالصبر والصلاة وتصدق لدفع الضر والدعـــــــــــــــــــــاء ليفرج الله همك.
ثانياً/ ممكن تغير من حياتك الاسرية حتى لو تقلل من ساعات نومك لانك ستدخل في اكتئاب لو ما غيرت امورك بنفسك الجمعة نام والسبت خذها تمشيه لتغيير جوك حتى لو مع زوجتك فقط والاولاد خليهم عند اهلك أو اهلها حتى تخفف من الضغط وقت النت خليه ايام وايام خليها مع اصحاب أوتغيير جو مع اسرتك برى البيت لانك حاصر نفسك في الاجهزة والعمل ومن كذا تتعب نفسيتك .
ثالثا/ ممكن تطلب نقلك لفرع اخر بالبنك نفسه بعد السؤال عن الفرع جيداً حتى لا تندم .
رابعاً/ وزع ميزانيتك بشكل لا افراط ولا تفريط احس انك مفرط في الرفاهية ولذلك لم تستطع فتح مشروعك وترغب في الدين (لا تقترض حتى لا تضيق على نفسك زيادة) إذا كانت زوجتك غير موظفه ساعدها في فتح مشروع من المنزل على النت تفهوما فيه وإذا ما تعرف علمها حتى تعرفه ويكون يخصكم الاثنين حتى يكبر ويتحول إلى ارض الواقع .
خامساً/حاول لا تجلس مع المحبطين في العمل والمتدمرين من المدير لانه سيزيد عليك وانت لوحدك ستنفجر منه وممكن من اللي يتكلموا هم من ينقلوا الكلام خلي كلامك في امور لا تضرك.
سادساً/ كل الاعمال من سيئة لاسوء فلا تعتقد أن الانضباط مشكلة ولكن المشكلة في التطبيق والتقبل وموضوع الجواسيس ادعي الله أن يكفيك شرهم ويرد كيدهم في نحورهم عند مشاهدتك لهم.
سابعاً/اجعل عملك لوجة الله وحاول إذا بدأت العمل تستعين بالله على تسهيله وما تتوقعة من المدير أن يطلب بعد مدة حاول تعمله مع العمل المطلوب يعني اعطاك العمل رقم 1 و2 و3 اعمل 1 بسرعة وحاول تعمل العمل 2 حتى لا يفاجئك موضوع أنه يطلب عكس ما امر من التجربة اعمل العمل بالشكلين المتوقعة أنه يطلبها حتى يعجز واعتبرها لعبة ذكاء منك ولا تكشفها لإي احد حتى تربح.

واضح انك تمر بمرحلة اكتئاب
حاول تحجز عند دكتور تفضفض له هذا افضل حل وكذا اجانب يسوون بس مجتمعنا يرفض هشي
جرب تقدم على هل خطوه بترتاح بإذن الله
بذات اذا دكتور نفسي
او معالج
يكون سعودي
وتقبل عملك ولاتاخذ كل شي بشكل شخصي
جوال اذا ممنوع وقت دوام خلاص مو لازم
وحاول تمشي باليوم اقل شيء نص ساعه
المشيء يقلل ضغط

انا نفسك بضبط وكان مديري الاداري حضرمي واسلوبه زفت وكان معي بنات وشباب ونفس الحكايه قل وقيل ومديري امريكي ومايدري وين ربي حاطه وراتبي كويس وعالي اضطريت اتر كك الدوام وقدمة استقالتي لانه شي لا يطاق ابدا ماقدرت اتحمل هذا وانا بنت كيف انت ولد بس نصجيه تحمل واصبر وخذ اجاززه غير جوء يوميان ثلاثه بترجع احسن من اول بكثير واذا حسيت بضغط ارتاح مو ضروري تخلص شغلك بنفس اليوم وتعلم كيف تصبر وتاخذ الامور بسهوله وطنش اسمع من اذن وطلع من ثانيه عادي جدا وعلى فكره كنت اطلع من 7 من بيتي وارجع 6 المغرب مثلك وانا بنت وحط لك هدف معين اخر سنه تنجزه تفنح لك محل تسوي شي ودور في اماكن ثانيه بس نهائي لاتفكر بالاستقاله انت كفو وكمل وتحمل في ناس كذه طلعوا من مستشفى المجانين وصاروا يتحكمون في ناس

نفس الحاله والأخس من هذا كله مديره طعميه ماعندها لاذمة ولا ضمير وتعاملك بفوقيه وقرف
يدورون الززله علينا عشان ننفصل ..
أهم شي لاتترك شغلك قبل تلقى بديل ولاتجازف عشان تجاره ماتدري هي تربح أو تخسر
موفق يارب

تقول:
متناقض لأبعد الحدود يعطيك عمل وخلال نصف العمل يعطيك آخر ويطلب منك ركن العمل الأول على جنب لأهمية الثاني وبنص الثاني يعطيك الثالث وهكذا دواليك حتى يفاجئك بالسؤال عن العمل الأول؟؟
يطلب منك أشياء وبعد تنفيذها يطلب عكسها

نفس الحالة بالضبط,
عاصرت مدراء كثير والظاهر ان أغلب المدراء كذا حتى تسائلت لواني بيوم من الايام صرت مدير هل راح أكون مثلهم مناقض لنفسي ومتبجح مثلهم؟
بالفترة الاخيرة صرت مايهمني كيف بخلص الشغلة أهم شي أسويها نفس مايبغى سواء كانت صح أو غلط أهم شي أسكته.

أما شغلة اللي يعطيني شغلة ويجيني وانا في نصها ويعطيني شغلة ثانية وانا مابعد أخلص الأولى واذا بديت في الثانية يسألني عن الأولى
فهذي تعودت عليها وصار عندي الوضع طبيعي
أسوي اللي أقدر عليه والباقي أكمله باليوم الثاني ولاأشيل همه
الله يعينك ويعينني نفس الحالة بالضبط لكن الشكوى لله

معليش انا اشوف وجهة نظر المدير في منعه الصلاة في المسجد والسوالف في الممرات والطقطقه بالجوالات ..الخ

الناس صارت تستغل الصلاة عشان يسحب ساعه وماشاء الله الصلوات ظهر وعصر يعني ساعتين مناك

بخصوص المهام الي يوكلها وتتغير الاولويه - شي عادي عود نفسك تنجز . ممكن تضحي بجودة بعضها لان التسليم اهم بس المهم تنجز وترسل.

كلنا مرينا بنفس الشي هذا اكتئاب عمل وروتين. جزء كبير منه من طريقة ادارة حياتك وروتينك. بمعنى ماتهتم لبعض الامور الي لها اثر كبير في كسر الروتين. انا صراحه احب اشوف افلام عالم البحار وانسى الوقت او بعض الناس يقرا مواضيع مختلفه عن مجال عمله او يسوي هوايه يحبها الخ .

محد جابرك تتمسك بالوظيفه استقيل وتحصل وظيفه ثانيه وراتب اقل ويمكن راحه ويمكن لا.

لان الدوام دوام بكل الاحوال وكل شركة لها مشاكلها محد سالم.

ومثل ماقالو الاخوان ليه تشوف التعليمات شي ثقيل مب لازم جوال ومب لازم مسجد الله يعبد بكل مكان.