حلول البطالة Unemployment Solutions - المقابله الاسبوع هذا أتمنى تساعدوني الله يسعدكم

حلول البطالة Unemployment Solutions (https://www.btalah.com/index.php)

المقابله الاسبوع هذا أتمنى تساعدوني الله يسعدكم

السلام عليكم ورحمة الله وبركاته

احبابي اعضاء منتدى البطاله اتمنى تساعدوني علشان اجتاز المقابله

بعد رفض رياده لي اتجهة الى جهه خيريه علشان تدعمي وافقو وقالو لي اسوي دراسه جدوى وقدمها

الحمد الله عملت الاسعار والاجارات والالات والمعددات وسويت لها جداول مثل مافهموني

المهم دق عليه واحد تعرفت عليه في نفس الجههه الداعمه وقال المقابله الاسبوع هذا وعطاني كم سوال

اجاوب عليهم وهذي مساعده منه الله يجزاه خير ويرزقه ويحفظه من كل شر يارب

1- اهداف المشروع

2- سبب اختيار موقع المشروع

3-سبب اختيار المشروع

ومحتار وش اكتب علما ان مشروعي هوه محل بيع وصيانة بطاريات السيارات

والي ابي تساعدوني فيه هذي الاساله لان والله مو عارف وش اكتب ومحتار واخاف افشل في المقابله

متزوج وعندي بنوته وعاطل ولا لي دخل وخلوها على الله ابي اطلع من الدائره اللي انا فيها لذالك استعين بالله ثم فيكم

وان شاء الله اجتاز المقابله واللي مو عارف وش يجاوب يدعيلي والله يسعده ويوفقه

وعليكم السلام ورحمة الله وبركاته
الله ييسر امورك ويرزقك ويرزق الجميع من واسع فضله

اخوي اول شيء لا تتوتر وخلك واثق بنفسك وبفكرتك
طبعا الاسئلة اللي انت حطيتها لو بتجلس بهدوء مع نفسك بتجاوبها لأن عندك اصرار وطموح وجربت وفكرت

1- اهداف المشروع

هنا أنت وش هدفك من المشروع .. ليش فكرت تسوي مشروع
!- تحقيق ذاتك
2_ ملا تقول تبي الإستقرار المالي لك ولأسرتك
3 _ تبي تسد حاجة مدينتك لمثل هالمشروع أو تقول تبي تساهم وتساعد أهالي مدينتك

2- سبب اختيار موقع المشروع

المكان اللي ببالك ليش اختترته
اكيد له مزايا اذكرها
مثلا موفع تجاري
المنطقه ما تتوفر فيها مشاريع مماثله لك
الايجار معقول

3-سبب اختيار المشروع

ليش اخترت هالمشروع بذات ؟
اذا عندك خبرات فيه
تقول لخبرتي
إذا انت عندك شغف وموهبه تقول لمحبتي وموهبتي بهذا المجال

وتقول بعد
أنه مشروع مربح
الحي اللي اخترته يحتاج لمثل هالخدمات
ارى مستقبلا انه بتوسع وبيزيد ربح مشروعي

يعني نفس كذا انا اكتب لك كمثال فقط
اجلس مع نفسك وتخيل يسألونك واكتب بورقه افكارك ورتبها مع نفسك
تؤكل على الله والله يوفقك

السلام عليكم

اخوي ايش الجهات الاخرى للي تمول مثل ريادة ؟؟؟؟ ياليت يتم يطرحها وهل يطلبون كفيل نفس ريادة ؟؟؟؟؟

الله يوفقك

لازم تكون ملم بالمشروع أنزل محلات نفس فكرت محلك واسألهم والناس فيها خير بيجاوبوك

وموفق يارب