|
رد: محمد يوسف ناغي - هيونداي -: تدريب منتهي بالتوظيف
بصراحة يا اخوان انا ساسا مااعترف بشي اسمه ( تدريب منتهي بالتوظيف ) كله نصب بنصب وتطفيش سواء عند هذول الوعلان او غيرهم ،،
وبقولكم قصة واقعيه حصلت لي شخصيا بخصوص التدريب المنتهي بالتوظيف : انا كنت منتدرب قبل كم سنه بمعهد اسمه ( سعودي اوجيه ) اللي مقابل جامعه الامام ، المهم من يوم دخلت وبصراحة انواع التطفيش من مدرب مصري بالمعهد حسبي الله عليه ، كل شوي مطلعلي شغله ، مره يقول انت تتاخر 5 دقايق ومره يقولي شغلك ما عجبني ويجلس ينافخ ويرفع صوته على أشياء ما تستاهل كانا بزران عنده ، وكل شوي يهددني بالفصل اذا ما مشيت على كلامه بالحرف الواحد ،،، وطبعا المسأله بالاخير ( تطفيش ) لا اقل ولا اكثر سواء لي او لغيري ، حتى أن معظم اللي كانو معاي بالتدريب فصل اكثرهم وما كملت معهم 5 شهور وفصلت من عندهم من الطفش والاهانات اللي شفتها منهم ومن معهدهم الفاشل ،،، الزبده يا اخوان ،،، لو يبون يوظفون الناس كان وظفوهم من البداية ، بدون هذة الشروط المعقده والكلام الفاضي حقهم ،،، والتدريب يكون على رأس العمل وشوي شوي ياخد الواحد خبره حتى لو طالت فتره التعلم والتدريب لاكن يعامل كموظف محترم ،،، أما يجلسون يتشرطون عا الواحد لازم عمر معين ولازم فتره معينه بالتدريب اخرتها تطفيش لا وتدفع 45000 أذا ماكملت ،، وين صارت ذي ’’‘ نصب عيني عينك ،، والله اشتغل سكورتي أرحم ولا نصبهم ذاه ،،،، المهم يا اخوان : أن الواحد لايستعجل على رزقه ، و يحاول يدور الافضل بعقلانيه وتروي بدون إستعجال ويحصل الخير ان شاء الله ،،، |
رد: محمد يوسف ناغي - هيونداي -: تدريب منتهي بالتوظيف
عارفين كل شي حتى الي نزل الموضوع اختفا .
|
رد: محمد يوسف ناغي - هيونداي -: تدريب منتهي بالتوظيف
بالتوفيق
|
رد: محمد يوسف ناغي - هيونداي -: تدريب منتهي بالتوظيف
حسبي الله على شركة الرشيد للمقاولات نفس الفكره دربوني سنه واخر شي صرفو اكثر من 500متدرب بالتدريج استفادو من الدعم. الحين كل مارحت شركة قالو انت مدعوم من صندوق الموارد البشريه لاهم الي وظفوني ولا الي هم خلوني اشتغل بشركة اخرى خذوها مني اي شركة يقولون لك تدريب منتهي بالتوظيف اتفل عليهم وامش
|
رد: محمد يوسف ناغي - هيونداي -: تدريب منتهي بالتوظيف
اقتباس:
|
رد: محمد يوسف ناغي - هيونداي -: تدريب منتهي بالتوظيف
الله يعطيكم العافيه يا شباب ، شفو الي يقول لك تدريب منتهي بتوظيف اول شي تسال عنه الشركه وش وضعها والشهاده اذا كانت دبلوم الي هو تدرس سنتين روح كذا انت مستفيد شهاده ووظيفه وحتى لو سيبت الشركه قد معك شهاده دبلوم اما تدريب منتهي بتوظيف موسسه او يقول لك تدريب 6 شهور او 3 شهور او سنه او سنه وسته شهور مثل المعفن الناغي لا تدخلون ، في معهد اسمه هابيت جنب معهد الناغي مره حلو تدرس سنتان الشهاده دبلوم مكافئه 3 الف والراتب 6 الف الدراسه انجليزي مدربين امريكان وسعودين تخصصات كهربا و مكانيكي انتاج وامتداد ويوم تجي توقع عقد اذا ما ناسبتك الشركه في شركات ثانيه عادي يقلون لك خلاص انتظر يوم يومين تجي شركات واذا ناسبتك توقع عقد و اغلبها في الخمره وشكرا ودعواتكم لي بتوفيق الله يفتح عليكم وعليه يا رب
|
رد: محمد يوسف ناغي - هيونداي -: تدريب منتهي بالتوظيف
يعطيك ألف عافية
|
رد: محمد يوسف ناغي - هيونداي -: تدريب منتهي بالتوظيف
سلام عليكم ياشباب اخوي اتخرج من المعهد حق الناغي ويحكيني بي لسانه مافي تطفيش ولا شي سهالات بس قبل مايتخرج اكثر السعوديين سحبو اكثر الشباب مايبغو غير جلسه والشركات يبغو شغل حتي شفوه مجتهد علي طول خلوه مشرف علي المتخرجين في صيانه الشركة وهما..ثلاث اقسام في يحولوك لشركة رنج روفر.وفي لشركة بي ام دبليو .وفي لهونداي ..وكلها تابعه للناغي .وانا اشتغل في شركة في الصيانه بس مو سيارات شركة زيوت كل مايتوضف سعودي يشوف الشغل يشرد والسعوديه بلدنا لو ما اشتغلنا في الوظايف المهنيه يخذوها الاجانب واحنا اولاء فيها واسف علي الاطاله وشكرا.
|
رد: محمد يوسف ناغي - هيونداي -: تدريب منتهي بالتوظيف
الله يوفق الجميع
|
رد: محمد يوسف ناغي - هيونداي -: تدريب منتهي بالتوظيف
و الله يا شباب الله يعطيكم العافية ما قصرتو أنا لي و لد عم درس بمعهد منتهي بالتوظيف بالرياض وهو من الشرقية و الأن هو متعين بالخبر يقول اغلب الكلام الحلو و العسل طلع كذب و راتبه 3780 تقريبا فقط لا يوجد زيادات و لا بونص و لا غيرها
المهم لاحد يستعجل على رزقه ينتظر او يطلع في الاعمال الحره احسن له من احد ينصب عليه واذا دخل اسمك بالموارد البشرية الله يعينك و يسواد صفحت حياتك كل ما تقدم على وظيفة يقولون لك مدعوم من قبل الموارد !! الله يجزاكم خير ياشباب ماقصرتو غسلتو اشراعهم |
| الساعة الآن 02:06 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين