والله ماني مصدق احد يقلي اني غلطان
السلام عليكم ورحمة الله
اليوم رحة مكتب التأهيل الشامل وسجلت ولدي بسبب تشنجات بالمخ سببها كهرباء زايده المهم سألته متى تتم الموافقه قال من شهر ونصف لشهرين ترفع للوزاره لكن المشكله ليست في الموافقه على حد تعبيره وانما تأخر البطاقه وقلت ليه البطاقه كم تأخذ من الوقت قال سنه كامله يعني شهر 6 العام القادم والله صدمت معقوله تأهيل شامل وهذه مواعيدهم للبطاقه اجل لو الأنسان صاحي متى يصرفونها له بعد مايموت سبحان الله شيئ لايعقل ولايصدق كل هذه الأمكنيات يقابله هذا التأخير الغير مبرر اتمنى اكون غلطان هل يوجد اعضاء هنا لهم عام لم يستلموا بطاقة التأهيل .. ياليت احد يطمني ويقل اني غلطان والله حتى الأن ماني مصدق :y |
أتوقع من تاريخ الموافقة يحسب لولدك المبلغ وعند استلام البطاقة راح تجدي المبلغ في الرصيد من تاريخ الموافقة
|
ياليت لكن الرجل قدم صورة الحشر قال الموافقه تأخذ شهر ونصف لشهرين والبطاقه بعد سنه
يعني ردد يالليل مطولك وسألته نفس كلامك قلت هل يوضع في حسابه بأثر رجعي من تاريخ الموافقه قال ولا هلله يتم الصرف اول مايستلم البطاقه عندها يصرفله اول راتب |
لا كان اول تتم الموافقه. ويجي. اثر رجعي.
اما الان. سنه وتجي بطاقتك. ومساعدتك العاديه حسب ماتم الموافقه عليه. 800 ولا 1000 وهكذا انا سنه اخذت وبعدها استلمت التاهيل. 800 بدون اثر رجعي |
وعليكم السلام
لاصدق الان زمن العجايب اول كانت 8 اشهر وتصدر البطاقه الان سنه ويمكن اكثر وتجي البطاقه وليس لها اثر رجعي ولاشي والارتباط بالاعانه من وزاره الماليه وليست من الشئون |
ماعاد مثل اول ي اخوي
وعليك الصبر الين الله يفرجه عليك |
الله المستعان والله الدوله قويه ولاهي مقصره
مشكلتنا في المسؤلين الواحد يجيه توجيه ويبداء في التفنن في استحداث كل سبل التعقيد والتطفيش مثال صدر القرار بشمول المستفيد خلال شهر او شهرين ايش المانع من صدور بطاقة الصراف لماذا الأنتظار عام حتى استلامها والله لو طلب من الصين تصنيع تلك البطاقه وبعثها عن طريق البحرما اخذت اكثر من 90 يومآ ما باليد حيله ولكن أبت رؤوس الشياطين الى ان تظهر لها جنحان ورقاب اشكركم اخواني واخواتي جميعآ على طيب مشاركتكم في الأجابه |
رد: والله ماني مصدق احد يقلي اني غلطان
حسبي الله عليهم انا لي اخ مقدم اعانة من 6 شهور ورحت أراجعهم قالو باقي في المرحلة السادسة متى راح تجي البطاقه؟
|
رد: والله ماني مصدق احد يقلي اني غلطان
حسبي الله عليهم
|
رد: والله ماني مصدق احد يقلي اني غلطان
توقع كل شي بذا الوقت ولكن مانقول الا الله المستعان
|
الساعة الآن 02:27 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين