تقسيط المكيفات او بطاقات سوا
السلام عليكم ورحمة الله وبركاته
اخواني واخواتي الكرام ارجوا منكم اي شخص عنده معلومات عن التقسيط بالتفصيل يوضح ذلك وهل مبلغ ثلاثون الف كافيه تكفون ابي كل شئ بالتفصيل من ناحية الضمانات والعقود ومبلغ القسط ولكم شكري وتقديري.. |
ثلاثون ألف مبلغ طيب لبداية أقساط المكيفات
مطلوب من المشتري كفيل يكون معروف لديك أو إستقطاع بنكي شريطة أن يكون لديك معروف في كل البنوك حتى لا يتم إيقاف الإستقطاع ولكن خذها نصيحة مني لا تقسط إلا للمعروف أو عن طريق معروف والله يرزقك |
اقتباس:
الله يرزقنا ويرزقك اخوي السروري اذا ماعليك امر اذا عندك ايضاح اكثر عن هذه الشغله ياليت توضح لي اكثر من حيث قيمة المكيف نقدا وكم قيمته اقساط وكم يكون القسط وكم تكون الفائده في كل مكيف واذا عندك زياده في هذا الموضوع تكفى لان هذا الموضوع شاغلني وعندي زبائن كثير لك كل الشكر والتقدير |
بالنسبة للقيمة إن لم تخونني الذاكرة فهي تتراوح بين 850 - 1000
بمعنى إذا انخفظت الأسعار تصل 850 وإذا زادت تصل 1000 ريال أما بالنسبة للقيمة بالأقساط كانت طريقتي كالتالي 1- إذا كان القسط الشهري 100 يكون قيمة المكيف 1800 ريال 2- إذا كان القسط الشهري 150 يكون قيمة المكيف 1700 ريال 3- إذا كان القسط الشهري 200 يكون قيمة المكيف 1600 ريال بالنسبة للوضع الآن لن تجد من يدفع في المكيف 200 ريال كقسط شهري دائماً الفائدة تتراوح بين 600 - 900 ريال وتذكر قوله تعالى ( ومن يتوكل على الله فهو حسبه ...) والله يوفقك |
اقتباس:
باقي ابي اعرف اللي يشتري المكيف اقساط وين يبيعه وهل الافضل اشتري الميفات انا من جده او اخليها على الطلب |
يبيعة من محلات أقساط المكيفات ولا يجوز للبائع شراء المكيفات التي باعها من المشتري
الأفضل شراء مجموعة وتودعها في المستودع ولا أرى أن هناك فرق بين شرائها من جدة أو أي مكان آخر |
مساء الخير
الصراحه لو كان القرار كنت اخترت التجاره ببطاقات السوا بقولك ليش اول شي سالفه التقسيط يبغالك تتعاقد مع بنوك زي ماقلولك الاخوة غير الشروط والمتطلبات وضمان بنكي ومدري ايش بس البطاقات شوف انا بديت الحمدلله من 100 بطاقه ووزعتها وصرفتها بطريقتي حتى اني صرت اكتب مواضيع وعروض عنها ولو تربح 4 ريال بالبطاقه تكفيك لانه الغالب يربح فيها ريالين او 3 حسب شطارته .. مجرد نصيحه لااكتر ولااقل.. اخوك المحب\ احمد عبدالله :) |
أخي نصيحتي لك شوفلك شريك أنت 30 وهو 30 جدا ممتاز ...
أستأجروا محل على شارع رئيسي وضع لوحة للبيع بالتقسيط والكاش ويرتكز نشاطك في بيع الأجهزة الألكترونية فقط مثل مكيفات تلفزونات غسالات لابتوبات ..... الخ. وحاول أن تكون طريقة التسويق جديدة ونزل عروض مغرية .... مثال : لاي معرس تلفاز وثلاجة وغسالة وتلفزون ولاب توب تقسيط 500 ريال في الشهر فقط ..... أو مثلا أشتر جهاز كاش والثاني تقسيط بسعر الكاش ... مثل مكيف يكون كاش والثاني أقساط بسعر الكاش .... عموما إذا حبيت تتواصل أكثر أو تبي شريك أتصل فيني .... تحياتي |
وإذا حبيت أفيدك بالإستيراد من الصين برضوا أتصل فيني
|
ياحلوكم
السلالالام عليكم ورحمة الله وبركاته
:rolleyes:المشروع اللي قاعدين تناقشووونه انا ببتدي فيه من الشهر الجاي شهر 11 خصصت مبلغ 40 الف لشهر 11 و100000 الف ريال بشهر واحد من السنه القادمه اذا الله احيانا واياكم..... ولأني موظف بنك حاب اقووولكم ان شغلة التقسيط صارت سهلة جدا وحقووق المقسط مضمونة بعد الله يوجد بالبنك منتج اسمة اتفاقية الأوامر المستديمه هذي الاتفاقية تبرم بينك وبين البنك مقابل 500 ريال في السنه يعني يصير اللي بيجي يشتري منك شي بالأقساط... تروح انت واياه للبنك وتطلب امر مستديم وهو عباره عن عقد بينك وبين المشتري والوسيط بينكم البنك تحدد المبلغ اللي بتقسطه على الرجال وقيمة القسط وعلى كم شهر...وفيه ميزه حلوه بعد في الأمر المستديم انه لايمكن ان يلغى هذا العقد إلا بوجود الطرفين اللي هوه انت والعميل اللي بعته بالأقساط...يعني هو بالحاله مايقدر يروح للبنك ويلغي الامر المستديم وبكذا نفتك من وجع الراس والطلايب والشكاوي في الشرطه والاماره والحقووق المدنيه.. اول كانوا يوقعوونهم على كمبيالات وشيكات وتجي يالمسكين يوم الراتب تبي تسحب القسط تلقى الرجال ساحب فلووسه من اول دقيقه نزل فيها الراتب ويقول لك البنك لايوجد رصيد كافي. وانطر ياحمار لين يجيك الربيع شهر شهرين عشره ويمكن خلاص مايسددك طول العمر لكن الحين الأمور سهاله الحمد لله البنك بهالامر المستديم بينك وبين الشاري بالاقساط يحجز القسط قبل بيومين من يوم نزول الرواتب....يعني اللي بيشتغل هالشغله يشتغلها وهو مرتاح البال والحلو بهالشغله انك تشهريا تقدر تقسط عميل جديد...طبعا حسب السيوله اللي عندك شغله حلوه والواحد يقدر يبدا فيها براس مال 1000 ريال لو يبي طبعا انا طريقة مشرووعي هي تقسيط اجهزة منزلية ولكن ماتقل قيمة الأجهزة عن 5000 ريال يعني ادنى شي اقسط 5000 ريال واقصى شي 10000 ريال والفايده الحلال البلال 40 في المئه...بليييييز لحد ينقز هالحين ويقوول ربا :d لأن شغلي الحمد لله واضح ... ابيعك سعلة انا امتلكها وانت بكيفك تستخدمها تبيعها بغرض الحصوول على المبلغ النقدي .... تبلها وتشرب مويتها مو شغلي..المهم بعد مااتملكها اتفق انا وانت على بيعتها بالتقسيط يعني مثلا شريت مني اغراض ب 5000 ريال راح اقسطها عليك 700 ريال في الشهر ولمدة 10 شهور المجموع يكون 7000 ريال حسبتها 5000*40%100 يعني فايدتي 2000 ريال وهذا حقي لأني بعتك بالآجل وصبرت عليك 10 شهوور :d |
بالتوفيق أخي ستيف...
ولا تنسى معاملة العميل هي أساس نجاح أي مشروع يعني مو تجنن العملاء اللي معك خلك سهالة معاهم بحدود المعقول.... والعميل يسحبلك عميل ... لا تنسى هالجملة .. أما بالنسبة أقل مبغ تقسيط أنا أشوف أنه عالي ... لو شخص يبي ثلاجة مثلا ً فقط ما تبيعه ... كذا غلط ... بيع لو يبي كوب ماء ... أهم شي لا تتفلسف زيادة وبعدين تندم ... أسائل الله لك التوفيق |
بالتوفيق للجميع فكرة حلوة ومريحة
وما فيه خوف إلا إذا ترك وظيفته الله يسهل الأمور ويبارك لكم جميعا في مشاريعكم |
اقتباس:
لكن هل هذا في كل البنوك ؟؟؟ إن شاء الله أتواصل معك على الخاص ... |
موفق اخي
|
اشكر كل من شارك في هذا الموضوع
واسأل الله لنا ولكم الرزق الحلال |
موضوع مفيد بالتوفيق
|
معليش على المداخله اخواني :d لكن عندي سؤال موجه للاخ ستيف بن علي كلاي قصدي لستيف بن علي بس طبعا السؤال لستيف او اي واحد عنده خبره سـ / لو جاء الموظف الظريف وحول راتبه من بنكك اللي مسوي فيه الامر المستديم لبنك ثاني وش تسوي في هذب الحاله ؟؟؟ |
بالتوفيق أخي
|
بالتوفيق للجميع
|
والله ياخوان انا ابي اسوي هذا المشروع بس خايف من ورطت في المتلاعبين
ماتعرف كيف تجيبه |
المملكة العربية السعودية بكاملها لا يمكن فيها ضمان الحقوق للمواطن العادي و اجبار المتلاعب على الدفع
أكثر شي تسويه تسجنه و تحط يدك على خدك أي كلام غير كذا غير واقعي |
بالتوفيق للجميع |
السلام عليكم ..
انا عندي لك مشروع حلو راس ماله 2300 و الربح مضمون 100% انا مجربه و الربح سريع جدأ اذا ودك تستفسر اوتسأل عن اي شي راسلني على الخاص |
اقتباس:
اخوي ستيف سؤالين إذا تكرمت : 1 - هل يكون هناك شيكات من المقترض لي انا أو يكون هناك أمر استقطاع من راتبه . 2 - هل هذه الطريقة لدى جميع البنوك ام هناك بنك معين . [/align] |
لقينا ووظيفه عشان نقسط
|
اقتباس:
طيب واذا طلع العميل فيزا ..؟؟ تضيع فلوسك يا صابر !! |
أفضل حل وحقك محفوط هو عمل يوم واحد بالمحكمة أصدار صك بالمبلغ ما سدد سجن فوري هههههههههههه
وشكراً |
اقتباس:
|
هلا أخوي مايحتاج تفصيل أنما الضمانات وشروط التقسيط عندك خيارات كثيرة: منها: أن يكون موظف حكومي وتقدر تحدد مثلام معلمين فقط ومعلمات أو منسوبي وزراة الصحه وأن الراتب لايقل عن 4000 ريال كشف حساب بنكي لاربع شهور مضت تشوف أذا عليه أستقطاع من راتبة للشركات والفيز وتدرس الكشف اذا يتحمل التقسيط او لا وتقدر تشترط كفيل حضوري او غارم للموظف وان يكون موظف بعد عنوانة من والى أن لايكون في البلاك لست لدى البنوك تقدر تاخذ عليه شيكات بعدد الاقساط وبتاريخه وتقدر كمان تسوي كنبيالات على المبالغ:) وكمان استقطاع من البنك الي راتبة ينزل فيه [اتفاقية ولايلغى الا بحضور الطرفين أعتقد بنوك معينة تقدر تروح البنوك وتسئل والبنك الي موجودة هالخدمة بالضمانات تقدر تخلي الاقساط لمنسوبي عملاء البنوك التاليه فقط الي تضمن لك حقك اضافه الى ماذكر سابقاً وبالاخير والأضمن تروح انت والعميل المقسط لك وتطلع عليه صك من عند القاضي بالمبلغ كامل علشان مايلف ولايدور وتاخذ من يوم واحد بس في حال ماسدد الصك معك قده صادر مجهز مسبقا من المحكمة ولايحتاج الاشكوى يجروة من بيته ههههههههههههههههههههه:mad: لكن معتقد راح يسوي اي شئ الا في حال اصدار صك اعسار من المحكمة وهذا يعني انه لايوجد لدية وظيفة وهذا مستبعد لانه شروطك للموظفين واشوفها حلوة للمعلمين تضمن اكثر او وزراة الصحه والضباط وهكذا وكل مايسدد العميل تعطيه سند كنبيالة بأنة سدد الين مايخلص وتلغون الصك سوى وفيك تسئل قبل الاقدام على الامر اكثر واكثر بالبحث والتحري لدى أصحاب الشأن بالمحكمة او البنوك ....الخ وبالتوفيق عزيزي:rolleyes: |
والأضمن تروح انت
والعميل المقسط لك وتطلع عليه صك من عند القاضي بالمبلغ كامل هذي النقطة اللي حبيت اسأل عنها .. سالفة الصك .. جديدة علي .. شكرا جزيلاً |
up
up |
موفق بإذن الله ... لك مني أجمل تحية .
|
اخواني الاعزاء انا الحمد لله بديت بخمسة مكيفات وبعتها والحمد لله ربحت في كل مكيف 200 ريال وانا الحين قاعد اشتري مكيفات والحمد لله معي الخير
بس حبيت استفسر انا ودي اكون وكيل او موزع لشركة مكيفات كيف اقدر اتوصل لهم وايش هي الطريقة حتى انهم يعطوني مكيفات واصبح وكيل لهم ياليت لو احد يساعدني ويعطيني عناوينهم في جدة واكون لهم جزيل الشكر |
وفقكم الله
|
رائع جدا
الله يرزقك |
الساعة الآن 09:39 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين