|
احتاج نصائح ذوي الخبره بمشروع للاسر المنتجه
السلام عليكم
كيفكم احتاج مشورتكم لا تبخلون علي عندي راس مال قررت اشغله في محل لدعم الاسر المنتجه بحكم ان هالنوع من المحلات قليل جدا في جده المحل راح يكون في موقع ممتاز على شارع تجاري اغلبه شقق مفروشه وراح اتكلف بالديكور الخارجي والداخلي والتصميم واللوقو السؤال هو كيف استخرج الرخصه وهل اجراء المعامله فيه تعقيد ؟ اللي عنده خلفيه عن هالموضوع يشرح لي الله يفتحها بوجهه الشغله الثانيه اللي مؤرقتني كيف بيكون التعامل بيني وبين التاجرات بالحسابات بما اني راح اخلي العقد بيني وبينهم شهري ويتجدد في حال الرغبه بالاستمرار الشهر اللي بعده يعني كيف اطلع الفواتير لهم عشان احاسبهم عشان اضمن لهم حقهم ؟ واقتراحاتكم لأسعار الرفوف بين كم وكم تكون هل الف ريال شهريا مناسب بالنسبه لمميزات المحل ؟ شاركوني بمعلوماتكم واقتراحاتكم واكون لكم من الشاكرين واللي عنده علم بطريقه الحساب وكيف يشرح لي صراحه راس مالي ما ابغي اضيعه وارتكب اخطاء ممكن تخسرني اياه وشكرا لكم |
السؤال هو كيف استخرج الرخصه وهل اجراء المعامله فيه تعقيد ؟
لا مافيها تعقيد مشيها خطوة خطوة وما تلقينك الا خالصه عند استخراج الرخص تحتاجين عقد اجار - شهادة من الغرفة التجارية - وسجل تجاري ولازم تسئلين امانة المنطقة على المحل اللي بستاجرينه وايش شروطهم للمحلات في نفس نشاطك لان بعض المحلات يقبلونها بمساحه معينه او منطقه معينه وهكذا |
لشغله الثانيه اللي مؤرقتني كيف بيكون التعامل بيني وبين التاجرات بالحسابات بما اني راح اخلي العقد بيني وبينهم شهري ويتجدد في حال الرغبه بالاستمرار الشهر اللي بعده
يعني كيف اطلع الفواتير لهم عشان احاسبهم عشان اضمن لهم حقهم ؟ التاجرات تتعاملين معهم بسندات مو فواتير استلام وتسليم بكذا تعرفين كم يدخل المحل وكم يطلع منه من خلال السندات والفواتير اللي يجمع ما بين التاجرة والزبون |
واقتراحاتكم لأسعار الرفوف بين كم وكم تكون هل الف ريال شهريا مناسب بالنسبه لمميزات المحل ؟
تحسبينها من اجار المحل كان اجارك 5000 وعندك عشر رفوف 6000 ريال / 6 شهور 1000 ريال بالشهر على عشر رفوف يطلع 100 ريال للرف وعلشان يطلع لك ربح زيدي من 20 ريال الى 50 ريال ربح وبس يصير عليك طلب حطي السعر اللي يناسبك وحسب الخدمة علشان تطلعين منه راس المال |
واللي عنده علم بطريقه الحساب وكيف يشرح لي
صراحه راس مالي ما ابغي اضيعه وارتكب اخطاء ممكن تخسرني اياه قبل تشتغلين براس المال سوي دراسة جدوى لمشروعك واحسبي ارباحك السنوية فيها |
اقتباس:
مشكوره على ردك :h لكن نسيت اذكر ان المحل ملكي يعني ما عندي اجار والسندات ما فهمت شلون يعني وش طريقتها الله يسعدك وهل تضمن حق التاجرات ؟ |
مشروع مربح جدا باذن الله
وراح تكونين سبب بعد الله في فتح باب للرزق للكثير الميزة الاجمل ان المحل ملك وهذا سبب قوي بعد الله في نجاح مشروعك توكلي على الله ولا تترددين ابدا بخصوص الرخصه لا تقولين أسر منتجه قولي محل بيع حلويات بخصوص التاجرات لا تربطينهم بعقد رسمي اجعليها تأجير يومي اسبوعي شهري مثلا ام فيصل تاجرة تبي تستأجر منك يوم تجرب الوضع اجعلي تجربة يوم مجانا ولاتغفلين عن نقطة مهمة لابد يكون حسابهم يومي او اسبوعي بالكثير مثلا تحددين 2 اصناف لكل تاجرة بمبلغ تأجير يومي 10 ريال بحد اقصى 20 قطعة مثلا 5 أصناف لكل تاجرة بمبلغ تأجير يومي 20 ريال بحد اقصى 40 قطعة وممكن تحطين رف تأجير شهري بمبلغ مقطوع وثابت بغض النظر عن الكمية الافكار كثيرة ومتنوعة في هذا المجال بخصوص معرفة حساب التاجرات فيه اكثر من طريقة تقدرين عن طريق دفتر يسجل كل يوم عدد المدخول من التاجرات بعدد وسعر اجمالي اي استفسار اخوك حاضر ان تاخرت بالرد ذكريني برسالة خاصة بالتوفيق |
استبدلي العقد بصك الملكية
السندات مثل الفاتوره لكن تسلم للتجار فيما بينهم سندات تبين انك استلمتي بضاعه بقيمة 1000 ريال مثلا وانك بتسلمينها المبلغ على بيع البضاعه خلال شهر |
اقتباس:
واضح من كلامك ماتدري عن آلية عمل الأسر المنتجة في مجال الحلويات بضاعتهم يقدمونها بشكل يومي وطازجه كل يوم المفروض بالكثير حساب اسبوعي اذا مو يومي ياصاحبة المشروع نصيحة لله لا تاخرين حقهم عندك ماتدرين وش ظروفهم ممكن يكونون في أمس الحاجة وفلوسهم عندك |
بالتوفيق
وانا مع رأي مجموعة السعد في عدم تسمية المحل بالاسر المنتجة |
اقتباس:
عفوا ؟ وكيف حكمت اني مالي خبره ؟ علشانك متعاطف مع الاسر المنتجه صار ماعندي خبرة ؟ على العموم هي راح تدخل التجربه وراح تعرف ايهما افضل لها شهري او اسبوعي |
مشروع ممتاز
توكلي على الله وابدئي ايجار الطاوله او الرف من 800 الى الف واقتراحي هو التعاقد او الاتفاق مع اسر معروفه بجودة منتجاتها مع تنويع التخصصات والمحاوله قدر الامكان بعد تكرار المنتج هلى اكثر من طاوله وزي ماقالوا الاخوان عند تقديم الرخصه قولي لهم ابغى اسوي محل بيع حلويات الله يوفقك |
اقتباس:
|
| الساعة الآن 05:05 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين