حلول البطالة Unemployment Solutions - أنا في خاطري حاجة ولا أدري ويش هي بالضبط

حلول البطالة Unemployment Solutions (https://www.btalah.com/index.php)

- الشعر والنثر (https://www.btalah.com/f28.html)

أنا في خاطري حاجة ولا أدري ويش هي بالضبط

انافي خاطري حاجه ولا ادري ويش ابي بالضبط
ولاني قادر اكتمها ولاني قادر ابديها

متهاه داخل اعماقي بحر حيره بليا شط
خذاني موجها العاتي عذابي عن موانيها

أباهرب من غموضي مير ماباليد حل وربط
ضياعي كلٍ يشوفه حقيقه ما اقدر انفيها

أنا ما ادري مكاني فوق ولا تحت ولا وسط
أسوق الرجل واتبعها واقول الله يسويها

أنا عايش بها لدنيا بلا قيد وبليا شرط
مجرد ظل لايامي تباريني واباريها

أنا ايامي سوا .. مافيه يوم اصعب ويوم ابسط
ولا ادري كيف اميز بين حاضرها وماضيها

أنا مااشكي من احزاني ولاذقت السعاده قط
ومع هذا أحس الناس واضحكها وابكيها

أنا واحد من العالم أنا جمله تحتها خط
أحاسيسي غريبه من بدايتها لتاليها

أنا في صفحة الدنيا حروف ماعليها نقط
حياتي مالقيت اللي يترجم لي معانيها

للشاعر مساعد الرشيدي