رد: مشروع غير متعب براس مال مرتفع قليلا
ماشاء الله تبارك الرحمن ربي يزيدكم ,.
ومفروض ماتقول قصة حياتك فقط اعلن انك تريد مشروع وحدد قيمة راس مالك وشوف الافكار وادرسها لحد ماتطلع بنتيجه وبعدها ابدا بتنفيذ مشروعك ,. اما قصة حياتك لو تحذفها احسن فابعض النفوس لاتعرف ذكر الله .. كفانا الله الشر ,. وبالتوفيق للجميع ,. |
رد: مشروع غير متعب براس مال مرتفع قليلا
واشوف دام ابوك فاهم بالعقار ماشاء الله خليه يصبر للسنه القادمه بشهر 1 الاراضي راح تكون نازله باذن الله فياخذ له ارض ع شارع تجاري كبيره مساحتها +1100 ويسوي استراحت عزاب ماتكلفه شي ويجعل فيها حول 25 غرفه ..
25*800 = 20 الف شهريا .. يعني يكون عندك دخل ثابت اضافي لك ولعائلتك والارض تستفيد منها مستقبلا بمشروع اكبر من استراحة العزاب ,. والله الموفق ... |
رد: مشروع غير متعب براس مال مرتفع قليلا
شاكرة لكم .. هذا بفضل ان ابوي مجتهد في دراسته ولله الحمد
طيب حتى انا افكر في الشاليهات .. بس قالي واحد في منتدى اخر الشاليهات ما عاد عليها اقبال مثل اول مدري وش قال شي زي كذا .. |
رد: مشروع غير متعب براس مال مرتفع قليلا
؟؟؟؟؟؟
|
رد: مشروع غير متعب براس مال مرتفع قليلا
عندي فكرة ممتازة 0596362831 اتصل ياخوي
|
رد: مشروع غير متعب براس مال مرتفع قليلا
العقار الابن البار .. مثل مايقولون ..
800 الف تجيب دبلكس في الرياض وايجارها من 40 الف وطالع .. او تجيب شقتين دور ارضي بحوشها وايجارها بـ 35 الف وطالع يعني الثنتين بـ 70 الف سنوي وشيء مضمون لكم مدى الحياة بإذن الله .. اما المشاريع فما تضمن فيها ان المشروع ما يخسر .. خصوصا للي ماعنده خبرة في المشروع .. يعني يمكن تحط هالفلوس كلها وتطير خلال سنة بسبب قلة الخبرة وعدم المعرفة في ادارة المشروع والدنيا وانا اخوك متغيره .. يمكن بكره تلاقي هالـ 800 الف صارت كأنها 80 الف يعني حطها في العقار ابرك لك .. ويجيك ايجارك كل سنة بشكل مضمون افضل لك خصوصا ان الوالد كبير بالسن ولا هو قاوي على المشاريع .. والعقار بعدين بالامكان احد يأخذه من اخوانكم او خواتكم لو احتجتم .. واليوم نص الشعب السعودي يبحث عن سكن .. الله يرزقكم |
الساعة الآن 06:57 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين