لي شهر بادي مشروعي واليوم تفاجأت
السلام عليكم
يوجد في حينا مجمع للجوالات جديد واستئجرت فيه كشك عال واجهه وجبت بضاعة وركبت اللوحة ولما بدأ المحل يشتغل اتفاجى اليوم برسالة من وكيل صاحب المجمع يقول لي فيها(كيفك حبيت اقولك لاتكلف على نفسك في المحل لأن المالك كلمني ويبغى محلك انت واللي جنبك يسوي بوفيه وانا قلت له انك مستأجر لين شهر 12 وقال خلاص لا تجدد لهم العقد )الله وحده عالم كيف أستلفت عشان اسوي هالمحل من يرحمنا من جشع هذا المالك وهل يحق له يسوي بوفيه داخل مجمع جوالات ساعدوني تكفون |
رد: لي شهر بادي مشروعي واليوم تفاجأت
اوووه الله يعينك
قل في يقين او ادعوا الله في يقين وقل ماراح يتمكنون من محلي وانت واثق بربي انه ماراح يمكنهم منك ابداً وراح تشوف العجب العجاب بس اهم شي تيقن في نفسك |
رد: لي شهر بادي مشروعي واليوم تفاجأت
لاتروح تدور فزعه من احد او تتعب نفسك وتكلم احد ثق يقين الثقه ان الله موجد فقط ادعه وكلمه عن مشكلتك بكل سجده وعلق الامل فيه وحده وانتظر الفرج
موفق |
رد: لي شهر بادي مشروعي واليوم تفاجأت
وعليكم السلام
قدامك حوالي سنة وممكن يغير رأية او يشوف محل غير محلك لكن نصيحتي اذا بتسوي اي عقد في المستقبل حاول انه يكون طويل ( 5 سنوات مثلا ) |
رد: لي شهر بادي مشروعي واليوم تفاجأت
سنة يمديك يوم عن يوم تطور وتتعلم وتحسن من مستواك ولا عليك منهم شلة جراذي ومرتزقة يحطمون من معنوياتك لاتهتم وفكر في يومك وشغلك
|
رد: لي شهر بادي مشروعي واليوم تفاجأت
اضم صوتي مع اخونا ( ابن سعودي )
|
رد: لي شهر بادي مشروعي واليوم تفاجأت
ادعم محلك بالتسويق له بوسائل التواصل الاجتماعي وخل اسعارك اقل من المحلات عشان تقدر تعوض خسايرك واذا انتهى العقد تكون رجعت راس مالك
|
رد: لي شهر بادي مشروعي واليوم تفاجأت
حاول تدخل دخل جيد في هالشهور اللي متبقية عن طريق التسويق لمحلك في مواقع التواصل الاجتماعي ودعم اللي عندهم متابعين كثير
وحاول انك تدخل راس مالك ان قدرت في هالشهور ولا تستأجر الا ومعك عقد ايجار .. ومثل ماقال اخونا حاول يكون 5 سنوات او اكثر عشان تضمن الجلوس فيه ... واذا انتهت هالسنة رح لصاحب العقار وتفاهم معه وان ماطاع يرزقك الله خير منه .. فوكل امرك لله ولا تخاف على رزقك .. الرزق عند الله ما هو عند خلقه .. |
رد: لي شهر بادي مشروعي واليوم تفاجأت
قدامك عقد سنه دبر وضعك معاه لاتكلمه الان الا اذا بقي كم شهر تشوف اذا الشغله مخارجه معك حاول منا ومنا انه يعدل ولو تزوده قليل
|
رد: لي شهر بادي مشروعي واليوم تفاجأت
في رأيي القلق من الموضوع ما بيقدم ولا يؤخر .. حط في راسك وثق تماما
إن اللي في يده الأمر والتدبير هو الله عز وجل وهو مالك رزقك فحسن علاقتك وظنك به ووكله أمرك .. في هذه الحالة بتعيش وتشتغل وانت مطمئن ومرتاح لأنك واثق باللي وكلته سبحانه .. بالتوفيق |
الساعة الآن 10:47 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين