لا علشان الكبار ولا علشان الصغار
لا علشان الكبار ولا علشان الصغار .. من حشم نفسه حشمها وهانها من هانها
القلوب اللي تحشّى والعقول اللي تدار .. ماتميز في وفيّ الناس من خوانها لو تعرف الهذروية ويش لذة الاختصار .. كان عينت الاوادم واجد شيخانها تكبر النفس الكبيرة بين غار وبين نار .. غارها كبار الهقاوي ونوشها نيرانها والنفوس المستريحة ماتحاتي ويش صار .. لا تجازي من يعنيها ولا من عانها يبني ابن ادم ويدري كل مايبني دمار .. مايحب الله من الاعمال غير احسانها لاجفتك الدار فارقها وبدال الدار دار .. الصبر عنها ولاصبرك على حقرانها قارب طوال العمار وجنّب طوال العمار .. كان في البستان وردة شوكها بوزانها والدفاعات القوية مايفككها الحصار .. حتى لو طرواده تهوز العرب بحصانها واختلاف الراي نعمة وانعدام الراي عار .. والجمال اللي تحمل حملة حشوانها والكرامة راس مال وكان راس المال طار .. لا يعز الله دارن ماتعز انسانها والحفاوة والصداقة والمحبة فالنهار .. والقلوب بيوت ليل سكرت بيبانها والغرور اول دخول الرجل دايرة البوار .. راح يرفع من قدر نفسة ووطى شانها والغضب سيف الجهالة كل ما سِل استدار .. وبت يمنى لوحت به وسلمت عداونها والخطى يدمح ليا من عقّبه حسن اعتذار .. مايساوى البوح بالزلة مع جحدانها والصغر ماهوب سفاهه والكبر ماهوب وقار .. كم كبير سايق نفسه على نقصانها والهوى تفسيره اصعب شي وكباره كبار .. خلد التاريخ ناس خلدة خلانها والتطور عند بعض الناس يعني لاتغار .. غض طرف وكف يدك ولا تمس عنانها وفك بنتك فالشوارع مثل تاكسي الاجار .. لاتدخل لابقصتها ولا بفستانها كل شي نحسب انه مستحيل يصير صار .. يالله بستر الوجيه المؤمنة بيمانها والمجامل فالامور العابرة مالة مضار .. من يصارح كل خلق الله يبي خسرانها https://www.youtube.com/watch?v=RQ94c7OaKUg للشاعر : عبدالله بن علوش |
رد: لا علشان الكبار ولا علشان الصغار
الله الله
ماهيب غريبه ع ابن علوش صح لسانه وتسلم يمناك ع النقل قصيده محتواها حكمه ومضمونها درر ثمينه سلمت ولاهنت احترامي .. |
رد: لا علشان الكبار ولا علشان الصغار
مرحبا بنتن لقحطان
نورتي المتصفح شاكر مرورك والرد |
رد: لا علشان الكبار ولا علشان الصغار
االله الله
قمه فى الروعه صح لسان شاعرها وسلمت يد ناقلها تقبل مرورى |
رد: لا علشان الكبار ولا علشان الصغار
الروعة مرورك على القصيدة
شاكر لك |
رد: لا علشان الكبار ولا علشان الصغار
اقتباس:
تلخصت هنا كل المعاني الراقية والقصيدة كلها معاني ليس اقتباسي فحسب صح اختيارك اخوي فضل وصح لسان شاعرها |
رد: لا علشان الكبار ولا علشان الصغار
مراحب اختي للصمت حكاية
نورتي المتصفح شاكر مرورك والرد |
رد: لا علشان الكبار ولا علشان الصغار
حكم والله
سلمت يداك :) |
رد: لا علشان الكبار ولا علشان الصغار
مرحبا أستاذة أترجة
شاكر مرورك والرد اسعدني مرورك |
رد: لا علشان الكبار ولا علشان الصغار
ججميله
|
الساعة الآن 09:13 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين