حقوق الارمله
 

السلام عليكم
اخواتي اخواني الله يسعد اللي يفيدني ويجعلع بموازين حسناته
ابي اعرف جميع حقوق الارمله
سمعت تاخذ ارض وراتب وسكن

رد: حقوق الارمله
 

وعليك السلام

اي نعم صحيح لها حقوق

رد: حقوق الارمله
 

جزاك الله خير بسس منكن توضح لي اين وكيف

رد: حقوق الارمله
 

وماهي تلك الحقوق للارملة غير ما تستلمه من الضمان وعلمي وسلامتك وضح خلي الارمال يعرفو حقوقهم بارك الله فيك

رد: حقوق الارمله
 

انا صديقتي ارمله ماتستلم غيرضمان لها ولعيالها واحيانا الجمعيه يسددون عنها نص الاجار وبرنامج تكافل من المدارس كل بداية ترم الف مدري 800 والمساعدات اللثانيه نفس اللي تجي للمطلقه يعني 5 سنوات من توفى زوجها تنتظر ارض ولا بيت ماجاها ولاشي يعني حالها حال المطلقه مافيه اي مميزات

رد: حقوق الارمله
 

مرحبا
الحقوق تتمثل بالاتي
طبعا الضمان وهذا شئ معروف وحسب الدخل وعدد الاسره
التقديم على مؤسسه الوليد للتقديم على منزل وسياره وعلى الرابط التالي
https://www.btalah.com/t646871.html

تكافل والتسجيل من قبل المدارس
بنك التسليف قرض اسري او قرض الاسر المنتجه اذا كان هناك مشروع
التسجيل في الجمعيات الخيريه
التقديم على وزاره الاسكان

رد: حقوق الارمله
 

ليس هنالك فرق بين الارملة والمطلقه واليتيم والعاجز الفقير او المتقاعد اجمعها كلها واقول حق مواطن كفلته الدولة جزاها الله خيرا حيث ان جميع الخدمات تقدم للجميع بلاء استثناء

رد: حقوق الارمله
 

الله يهديكم ماتعرفون ماهي حقوق الارملة ؟

امي ارملة وعندها عيال وقدمت لها الاسكان و وافقو وقدمت لها قرض و وافقو و الجمعيات وكل شي

ولهذا لها حقوق مو زي مطلقة

رد: حقوق الارمله
 

مين قال لك مافي فرق خطأ فيه فرق شوف شروط الجهات ذات العلاقه وعندها ستعرف الفرق وهذا ليس عيبا

رد: حقوق الارمله
 

طيب نفس الشي انا بنات عمتي 2 مطلقات قدمو على الاسكان من كم سنه وجاهم سكن مشروع الملك سلمان وبرضوو فيه مطلقات مقدمين على اراضي مشت اسماءهم يعني مافيه اي فروقات انا قلتلكم صديقتي الارمله تاخذ نفس الحقوق اللي انا اخذها مافيه اي فرق نفس اللي تاخذه من الجمعيه انا اخذه نفس اللي تاخذه من الضمان انا اخذه قدمت على الاسكان وهي نفس الشي مقدمه من سنين وماجاها لابيت ولا اي شي هذي حظوظ سواء للمطلقه او الارمله يعني مافيه شي اسمه حق ارمله وحق مطلقه ومافيه شي ثابت وبالعكس نتمنى هالشي لكن زي ماقلت الدنيا حظوظ وحده نعرفها جاها بيت دورين جديد من فاعل خير الله يهنيها ويبارك لها فيه ووهي مالها مطلقه غير 3 سنوات ومعه ولد رغم ان اهلها مشاءالله بخير لكن سبحان مقسم الارزاق وصديقتي الارمله مابقى معروض الا وارسلته للديوان وماجاها شي وحتى كانت تحتاج تاثيث شقه لان مكيفاتها خربانه ووضع الشقه سئ وجا باحث وشاف شقتها وكتب كل شي وللحين ماجاها اي حاجه منهم وانا برضوو مثلها والصدمه لما اتصلو فينا الجمعيه قبل بومين عشان نستلم كوبون مقاضي حصلنا وحده شايفينها قبل شهرين كانت توها مقدمه عالجمعيه ومستاجره شقه وتبي تاثيث وسالناها وش صار معك ان شاء الله خلصتي امورك قالت الحمدلله اثثو بيتي من الاسبوع الثاني وجابو لي كل شي جديد الله يجزاهم خير قلت مشاء الله الله يهنيك طبعا انا وصديقتي جلسنا نطالع بعض قلت الحين انتي اللي بتصككين السنه مقدمه وام ايتام ماجابولك حتى مكيف واللي توهم مقدمين مشاء الله اثثولهم على طول الدعوه واسطه والا كيف قالت خليها على ربك ولحد يفهمني غلط اني حاسده الحرمه لاوالله الله يبارك لها فكل شي جاها ويسعدها لكن عشان بس تعرفون ان مافيه فرق بين المطلقه والارمله غير الواسطه