|
متجدد مستشارين مبيعات في الاحساء
مطلوب مستشارين مبيعات لشركة تأمين في الاحساء
براتب 3000 مع عمولات حسب الانتاج للتقديم Muslim.n.30@gmail.com |
رد: متجدد مستشارين مبيعات في الاحساء
جزاك الله خير |
رد: متجدد مستشارين مبيعات في الاحساء
الدوام مكتبي ولا ميداني
|
رد: متجدد مستشارين مبيعات في الاحساء
مكتبي وفيه ميداني
|
رد: متجدد مستشارين مبيعات في الاحساء
لك اكثر من ستة شهور وانت تعلن وتتعب الناس يتوظف يوم ويترك العمل اليوم الثاني .
المشكله بها الشركه وادارتها ، مو الناس الي تدور الرزق |
رد: متجدد مستشارين مبيعات في الاحساء
ماادري اخوي وش اللي يزعجك في الموضوع اذا اعلنت ست شهور او ست سنين
ياليت تهتم في شئونك وتدور لك على وظيفه تناسبك الله يوفقك |
رد: متجدد مستشارين مبيعات في الاحساء
صلوا على النبي
و بالتوفيق للجميع |
رد: متجدد مستشارين مبيعات في الاحساء
انا ابي افهم ليش رواتب الاحساء متدنيه 3000 وش يسوي اذا تصرف علي بيت وعيال اتق الله في نفسك يامعلن
|
رد: متجدد مستشارين مبيعات في الاحساء
للمعلومه
الشركة لها فروع في الرياض والدمام ومكه وجده وكلها نفس الراتب مالها علاقه بالاحساء او عرعر كل وظيفه لها راتب وفي عمل مقابل هالراتب اللي حاب يستفسر عن المقابل لهذا الراتب يرسل واحنا نفيده واللي يحب يتفلسف وينتقد ياليت يتفضل ويجيب اعلانات براتب اعلى ويفيد الشباب وجزاه الله خير |
رد: متجدد مستشارين مبيعات في الاحساء
شر البلية مايضحك ياخي استحو على وجيهكم وتركو عنكم استغلال حاجة الناس انا سبق واني رديت رد مفصل عن هل الشركة التعبانه اذا حابين الاعضاء اني انسخ ردي مفصل عنهم انا حاضر
|
رد: متجدد مستشارين مبيعات في الاحساء
يا اخوان هذا رد سابق لي مفصل عن طبيعة عمل هذي الشركة من واقع تجربة من خلال حضوري لهم على شان تكونو على بينة وتشوقون اذا تناسبكم ولا لا
ياجماعة انا راح أنقل لكم مخلص عن هل الشركة من خلال زيارتي لهم بأجراء مقابلة وتواجدي عندهم لمدة نصف ساعة وراح الخصها لكم على شكل نقاط 1-الشركة مثل ماتعلمون شركة تامين شغالين على برنامج ينقال له (تأمين حياة) بالاضافة الى تامين مركبة وصحي باختصار يبيك تسوق لهذه البرنامج يعني دور عملاء وقل لهم تعال أمن على حياتك عندنا اذا مت ولا صارتلك أعاقه ولا صرت بستين داهية احنا بنتكفل بعيالك !! وش رد فعل الطرف الثاني برايكم ياجماعه وخصوصا انه الناس في هل الوقت صار عندها وعي كبير من جميع الشركات والخدمات اللي تقدمها يعني العملاء معادو صيد سهل وبالنسبة لباقي الخدمات اللي يقدمونها تأمين مركبه وصحي جايكم بالنقطه الثانيه 2- الكل عارف انه في شركات ـامين باسطه نفوذها ومسيطره على السوق وانه العملاء كونو صوره ايجابية وقناعه تامه (التعاونية / بوبا/ميد غلف وغيرها من نفس المستوى مقابل الشركه هذي اللي محد درى عنها 3 انا مالوم صاحب الاعلان اللي نزل هل الموضوع موظف مابيده شي انا الوم الادارة اللي تستغل حاجات الباحثين عن العمل بتحديد هل الراتب المخجل المحبط كيف تبيني أنتج وأعطي بهل الراتب الميت اللي في شركات اقل مستوى وتعطي على 4500 و5000 ومو بس كذا الراتب مع خصم التامينات يصفالك 2700 وياليت من عندهم قطيه بينهم وبين الموارد البشريه نص بنص وانت تعرفون دوشه اللي يضيفونه بالموارد لي قرر يترك العمل ويبحث عن فرصه ثانيه بالعربي اي شركة تقولك دعم موارد اعرف انها شركة ماش حالك 4 - الشخص اللي يسوي معالك المقابلة يحطلك الشمي بيد والقمر بيد ثانيخ انه الراتب انساه وراح تجيك عمولات اضعاف راتبك وترقيات قعدت اسلك معاه لانه هل الامور ماتنطلي علي انا جامعي بتخصص بزنز واشتغلت بشركات ارقى وشركات وسط وشركات بوكلب في مجال التارقت 5 - قبل لا اطلع سالت احد الموظفين قد وجبتو زباين قال انا 4شهور بحب الخشوم جبت عميلين تامين سياره وقلته كم عمولتك قالي 60 ريال تنزل الشهر الجاااي ياسلام على المغريات الوظيفيه والله ياجماعه اني قبل لا اطلع اشوف في وجيه الموظفين انه لو تحصله وظيفة ثانيه انه ماقعد في هل الشركة دقيقه وحده بس الحاجه وماتسوي وخاصه في هل الوقت سوق الوظايف كل مالة في تدني غير بيئة عمل هل الشركة مافيه استقرار ولا حوافز وتامينهم الطبي فئه c استخدام العمالة غير مكان العمل تقول داخل مستودع بقاله مقارنه بفروع شركة التامين الثانية تلاقي لوكيشن مريح وراقي ياجماعة أنا ماحبطكم وانصح اللي حاب يشتغل بهل المجال حلو لكن بشركة افضل او في مجال البنوك راتبهم الاساسي اعلى وعمولاتهم محفزه أكثر من هذي |
رد: متجدد مستشارين مبيعات في الاحساء
استاذي الفاضل
لو كنت انسان محترم ماكانت هذي الفاظك اصلا وطبيعي انك تنتقد شركة انت فشلت فيها واسباب فشلك واضحه في ردك واسلوبك في اشخاص نجحوا وترقوا وموجودين في الشركة الى اليوم يامحترمين اللي حاب يستفسر يتفضل واللي حاب يقدم يتفضل واللي عنده انتقاد او كلام ماله داعي ياليت يحتفظ فيه لنفسه من كان يؤمن بالله واليوم الاخر فليقل خيراً او ليصمت |
رد: متجدد مستشارين مبيعات في الاحساء
بالنسبة للاحترام ف الكل هنا محترم ماعدا اللي يشك في احترام الاخرين له بخصوص انك تقول اني فشلت ف احب ابشرك اني مو محتاج وظيفتك التعبانة وشركتك اللي محد درى عنها واضح من اعلاناتك صارلك 6 شهور تدور موظفين ومحد معبركم لان الكل يعرف مستوى شركتكم وبلاش الهياط وتضحك على الناس انه عندك ناس ترقو ياعمي انا جيت ودخلت تقول داخل بوفية لامبنى زي الناس وراتب قطيه مايوكلك وتامين اخر درجه حق العمال المشردين وخدمات مابعد البيع زيرو لو انك ناجح يابونجاح كان ماقعدت تشحذ موظفين الشركات المرموقه اهي الناس اللي تتعنى لها وتحلم انها تتوظف فيها مهوب انت وشركتك اللي تجيب الهم
|
رد: متجدد مستشارين مبيعات في الاحساء
نشكرك على رايك اللي مااحد طلبه منك اصلاً
راح نوصل رايك للاداره وان شاء الله يستفيدون من توجيهاتك وافكارك ياناجح ياليت تهتم في شئونك وتدور لك على وظيفه تناسبك وتبطل تحشر نفسك في اللي مالك شغل فيه بالتوفيق ان شاء الله |
رد: متجدد مستشارين مبيعات في الاحساء
اقتباس:
السلام عليكم ورحمة الله وبركاته أخوي الغالي هل من الممكن تعلمني اسم الشركة ، لأني مقدم على شركة نفس المجال وخايف تكون هي أرجو كتابة الاسم وفقك الله ورعاك |
رد: متجدد مستشارين مبيعات في الاحساء
لا انصح احد في هالشركة ابدا عن تجربه شخصيه اللي يبغي ايضيع نفسه ومستقبله ايقدم فيها
|
رد: متجدد مستشارين مبيعات في الاحساء
يعطيكم العافيه ومشكورين على نصايحكم
وصرنا نخاف الشركه تسكر اذا انتوا ماقدمتوا الحمدلله الشركه ماسكرت يستمر التقديم واللي حاب يقدم يتفضل وبالنسبه للاخوان اللي جالسين في البيت لهم شهور وقاعدين يتشرطون وينتقدون اتمنى ان الله يرزقهم وظايف تتناسب مع طموحاتهم وتطلعاتهم والله ولي التوفيق |
رد: متجدد مستشارين مبيعات في الاحساء
هذا جالس في HR ومرتاح وراتبه ماشي والشباب مساكين رواتبهم قليله وتارقت
ع الاقل فيه موظفين HR منصفين التزموا الصمت او قالو هذا الموجود والله ياشباب الرجال ماغلط عليك يابو ناصر وقال الي حط الاعلان ماله شغل لكن تبين ان فعلا من الي كتبته فوق ان لك يد في توريط الشباب في هذي الوظايف ! |
رد: متجدد مستشارين مبيعات في الاحساء
والله يا اخ نهار اني مابيني وبين هذا المعلن شي ولا اعرفه ولا قد اشتغلت بهل الشركة ومع هذا قام يقلل احترامه برده لكني راح اكون افضل واتجاهله انا حضرت مقابله وفهمت وش هم يبونه وجيت رديت على استفسارات الاعضاء باللي شفتة وانا مجرد شخص قاعد ينقل لكم انطباعه بكل شفافيه وصدق واحس بشعور الشباب الجامعين اللي مالقو فرص تلبي طموحهم وشتغلو بشركات دون المستوى لاهداف سعودة واهداف تكدد من دعم الموارد يعني واحد منكم وفيكم ولا لي اي مصلحة اني اخلي الشباب يتجاهلهم اللي حاب يجرب هذي الاخ المعلن حاط اميل اللي تصلحله الله يوفقه بالنسبه لي لو مابقا شركة بالدنيا غيرها مارحتها هذي وجهه نظري ومن من حق صاحب الاعلان انه يفرض علينا السكوت الزين مثل مايقولون يفرض نفسه ولو انكم شركة مرموقه تقدم مزايا وعروض مغرية للموظف ماشفت اغلب ردود الاعضاء على نفس الوتيرة
وبالنسبة للاخ اللي يسال عن اسم الشركة خل صاحب الاعلان اللي قاعد يتفاخر بشركته يقول وشسم شركته دام انه اهو يشوف نفسه فيها ليه مايذكر اسمها من فتره واحنا نطالب ادارة المنتدى بحذف الاعلانات الغامضه واللي ماتذكر اسمه الشركة وتفاصيل عن الوظيفة وتفاصيل عن الاجور والبدلات خلك واضح يابو تامين |
رد: متجدد مستشارين مبيعات في الاحساء
منهو الي راح يقبل يتوظف براتبك فهمني منهو
السيكورتي وشهادة ابتدائي وراتبه لايقل عن 5000 وانت ووجهك تبي مبيعات براتب 3000؟ |
رد: متجدد مستشارين مبيعات في الاحساء
موش 3000 ريال مع خصم التامينات 2700 قطيه بينهم وبين الموارد وواضح من الاعلانات المتكرره اللي يعلنها انه يجونهم شباب يوم اسبوع بالكثير ويطلع ويورطونه بالدعم الموارد اللي يسببلك مشاكل لي لقيت فرصه عمل ثانية
|
اقتباس:
طيب انا ووجهي سويت اعلان وقلت اللي حاب يقدم يرسل ايميل انت ووجهك شنهو حشرك في الموضوع ؟؟ ليش تحبون اللقافه ؟؟ روح قدم على سكيرتي ان شاء الله يعطونك عشره الاف ليش هالاسلوب وليش تشارك اصلاً ؟؟ لهذي الدرجه لاعب فيكم الفراغ ؟؟ كم مره اكرر اللي حاب يقدم يتفضل واللي مو حاب الله يوفقه ويرزقه وظيفه في ارامكو |
رد: متجدد مستشارين مبيعات في الاحساء
قابلتهم وشرح لي الموظف خصائص الوظيفة والعمل مكتبي فقط استقطاب العملاء كتسويق وعمولة على جذب العملاء
المشكلة الرواتب ضئيلة مقارنة بالشركات الأخرى نرجو من ادارة الشركة رفع سلم الرواتب والاجور .... اسم الشركة ( ****** ) أنا وضعت نجوم حتى لا يتم تشويه سمعة الشركة وان شاء الله تتدارك هذا الأمر وتكون افضل شركة ... |
رد: متجدد مستشارين مبيعات في الاحساء
اقتباس:
ابو ناصر خذ الامور ببساطة ووسع صدرك ... |
رد: متجدد مستشارين مبيعات في الاحساء
ما عندكم وظائف بالدمام
|
جميل ردك واسلوبك يدل على انك شخص راقي
ولاهانوا الجميع شكرا لمشاركتك اقتباس:
|
اقتباس:
ارسل لي ايميل وانا اعطيك ارقامهم تستفسر منهم |
رد: متجدد مستشارين مبيعات في الاحساء
اقتباس:
أسأل الله ان يوفقك ويحفظك من السوء ويسعدك في الدنيا والأخرة ويحفظ والديك اللهم آمين |
| الساعة الآن 08:54 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين