علي اكسبرس واسعار الشحن ساعدوني
 

رد: علي اكسبرس واسعار الشحن ساعدوني
 

عليكم السلام ورحمة الله ،،

موقع علي اكسبرس مجرد منصة عرض للبايعين .. يعني وسيط يجمع بينك وبين البايع تحت اشراف الموقع ومراقبته ..
آلاف المتاجر تعرض منتجاتها في داخل الموقع منها الجيد والسيء والممتاز والرديء وحسب تجاربي البايعين السيئين اكثر من الجيدين
وهناك تقييم لكل متجر ومهم جداً تختار البايع قبل السلعه ,,لا تغفل عن إختيار البايع الجيّد اللي له تقييم عالي

..
بالنسبه للشحن والاسعار .. اغلب البايعين يقبل التفاوض ويغيّر لك الاسعار وممكن يعطيك شحن سريع مجاني سواء ارامكس او دي اتش ال على حسب الكميه ومبلغ الطلب ..
باختصار بعد تاكيد الطلب وقبل الدفع .. ارسل للبايع تفاوض معه ولحّ عليه وبتاخذ اللي تبي ..
واحرص على تقييم البايع ولا تهمله ..

اي سؤال او مساعده حاضر

رد: علي اكسبرس واسعار الشحن ساعدوني
 

اهلا اخي خالد

وشكرا لك

بالنسبه الى تقييم البائع لاتوجد مشاكل لانني ااعرف هذا الشرط في الشراء

ذكرت لي احدى النقاط اللتي كانت تصعب علي

بأن البائع قد يرفع سعر السلعه ويعفيك من رسوم الدي اتش ال

انا اخترت بضاعتي ولاكن سعر الشحن عن طريق الدي اتش ال غالي جدا مايقارب الـ12 الف دولار

اغلى من قيمة البضاعه فهل من المعقول ان يشحنها لي بالمجان !! مع العلم ان البضاعه اللتي اخترتها من بائع واحد

انت لك الخبره بما انك طلبت من الموقع هل سيفرط في 12 الف دولار ؟؟

على سبيل المثال لو قلنا البضاعه بمبلغ وقدره 10 الاف دولار ككل والشحن بـ10 الاف دولا

هل باستطاعتي التفاوض مع البائع ويغير لي مبلغ الشراء من 10 الى 12 او 13 الف دولار ويفرط في الباقي ؟؟


المشكله الثانيه الجمرك

هل البضاعه يشملها الجمرك ام لا

واذا كان يشملها الجمرك هل دفع مال الجمرك من المشتري ام من البائع

رد: علي اكسبرس واسعار الشحن ساعدوني
 

هلا يا اختي حياك

بالنسبه للشحن ما يكون بالمبلغ هذا .. الا تكون الكميه كبيره جدا او حجم السلعه الوحده كبير جدا ويكلف بالشحن

بالنسبه للجمارك على حسب مشترياتك والكميات
انا حسب تجاربي ..
اكسسوارات جوالات اكثر كميه بشحنه وحده كانت حول ال40 قطعه
الملابس كانت تقريبا بين 20 الى 30 وممكن حول ال 40
هذي الكميات اللي كانت لي تجارب فيها وما صادف شي من الجمارك ابد
الكميات كانت متفرقه وشحنات مختلفه
يعني 200 قطعه
تكون على دفعات مثلا
30 و 40 و 50 و 30 ..
اذا تجي دفعه وحده 100 قطعه مثلا .. ممكن يكون عليها مشاكل وجمارك ..

ارجعي فاوضي البايع باسعار الشحن ..
لان احيان الشحن يكون مبرمج تلقائي على عدد السلع
مثلا اذا ضفت قطعه يضاف تلقائي 10 دولار للشحن
ضفت قطعتين يصير 20 دولار
ضفت ثلاث قطع يصير 30 دولار
وهكذا ..

فالافضل يكون التواصل مع البايع والتفاوض على الاسعار وطريقة الشحن هذا بما يخص الجمله لابد من التفاوض ومحادثة البايع ..
والكميات تكون علىى دفعات افضل بحسب نوع السلعه ملابس او الكترونيات او شوزات وغيرها ..

رد: علي اكسبرس واسعار الشحن ساعدوني
 

الله يوفقك في تجارتك ويحميك من شر من فيه شر امين

رد: علي اكسبرس واسعار الشحن ساعدوني
 

السلام عليكم
انصحك إذا تبين تشترين كميات لابأس فيها انك تبحثين عن نفس القطعة في موقع Alibaba وتتواصلين معهم وتحددين نوع الشحن واسعاره وطبعاً نصيحة مهما كان البائع ثقة لاتدفعين إلا عن طريق Paypal عشان تضمنين بعد الله حقوقك في حالة حدوث اي امر.. وإذا رفض ابحثي عن اي بائع اخر ,, بعض الاحيان عند طلب الدفع عن طريق paypal ياخذون سعر رمزي

وبالتوفيق

رد: علي اكسبرس واسعار الشحن ساعدوني
 

فقط للتنبيه .. للكميات الكبيره تحتاجي سجل تجاري حسب علمي .. عشان لاتصير لك مشاكل في الجمارك .. الوضع بدآ يصعب