ابي شوركم الله يوفقكم ويفتح ابواب الرزق لكم محتاره
 

اخوي الوحيد تخرج بنسبة 81 علمي بمدارس اهليه امي تبي يدخل ظابط وهو محتار وماندري وش ازين له الله يوفقكم ساعدونا وش يدخل وش الافضل له جامعه والا كليه والا عسكريه والا تمريض بس وش شروطهم ؟؟ والله لخلي امي تدعي لكم:(

رد: ابي شوركم الله يوفقكم ويفتح ابواب الرزق لكم محتاره
 

الاهم هو وش يبغى يكون مومعقوله هذا مستقبله تارك القرار لكم

رد: ابي شوركم الله يوفقكم ويفتح ابواب الرزق لكم محتاره
 

اول شي هو وش يحب
هو شخصيته قوية والا هادئ ومسالم والا ضعيف
ونصيحه الوظائف العسكرية يبتعد عنها
لان أغلب منسوبيها يعانون مادياً رغم رواتبهم العاليه
ولو ماكمل تعليمه راح يندم وراح يلومكم
انا معي جامعه ومو لاقي وظايف من شركة بشركه
قليل يتوفقون


لذلك انصحكم يدخل تخصصات مفتوحه
مثلا مايدخل تمريض اما ممرض والا عاطل
ولا يدخل عسكريه
يدخل مثلا ادارة اعمال يدخل قانون يدخل تقنيه
لكن يكمل تعليمه
وبنفس الوقت يدخل شركات يتعلم منها ويعيش صح بمستقبله
صح راح يعاني لان مافي شي يجي بالسهاله لكن راح يعوض كل شي

رد: ابي شوركم الله يوفقكم ويفتح ابواب الرزق لكم محتاره
 

انصحه يدخل الجامعة في تخصص يناسب ميوله وإذا تخرج يقدر يقدم في الكليات العسكرية ويتخرج برتبة ملازم ، بالنسبة للأخ قسطنطيني اقولك ليش أغلب العساكر يعانون مادياً رغم رواتبهم العاليه ، لأنه الأغلبية اول مايتخرج من الدورة يغتر في الراتب ويطلع افخم سيارة وتلقاه يجلس سنة ويطفش منها ويروح يغيرها ويحمل نفسه ديون من بدري وبعد فتره تلقاه يعاني مادياً،، لكن العسكري الذكي يأمن مستقبله من بدري يفتح له كم مشروع ويشتري أرض ويزبط وضعه

رد: ابي شوركم الله يوفقكم ويفتح ابواب الرزق لكم محتاره
 

الله يسعدكم على الردود
هوشخصيته عادي

ميوله هو تارك لنا الخيار ماعنده شي محدد بس يبي الافضل

رد: ابي شوركم الله يوفقكم ويفتح ابواب الرزق لكم محتاره
 

طيب يدخل جامعه اي تخصص عشان يصير ظابط؟؟؟؟؟؟

رد: ابي شوركم الله يوفقكم ويفتح ابواب الرزق لكم محتاره
 

اختي الله يعافيك ويخليلكم اخوكم ذخر
الكليات العسكرية صعبة جدا بعد الثانوي
ومدتها ثلاث سنوات وتحتاج معدل عالي وشروط عسكرية
من طول ووزن
الدراسة الجامعية بالوقت هاذا تيسرت ولله الحمد
يأخذ تخصص جامعي مطلوب
مثل هندسة
كليات علوم الحاسب
انجلش
ويشد حيله بالدارسة ويتخرج وتكون الخيارات له اوسع
وفي امكانية ان يكون ضابط بعد الجامعة اذا له رغبة

المهم التخصص يكون له سوق وظيفي
والله مقسم الارزاق سبحانه

لا تحرمنا الوالدة من دعواتها

رد: ابي شوركم الله يوفقكم ويفتح ابواب الرزق لكم محتاره
 

يدخل جامعة الملك عبدالعزيز تخصص قانون

جامعة قوية وتخصص قوي وله مجالات كبيرة

والأهم الإستخارة والله يوفقه

رد: ابي شوركم الله يوفقكم ويفتح ابواب الرزق لكم محتاره
 

الأفضل هو الشيء الذي يحبه
لايدخل شيء عشان أحد ..
خلوه يكمل جامعة بتخصصات جيدة مثل انجليزي ـ إدارة ـ قانون إلخ
وإذا تخرج إن كان يرغب بالعسكرية يقدر يدخلها ..

رد: ابي شوركم الله يوفقكم ويفتح ابواب الرزق لكم محتاره
 

الله يسعدكم على الردود
اخصائي ابشر