تجميع المرشحين الاداريين بالترشيح النهائي لتبادل المعلومات 1437/8/28 هـ
 

السلام عليكم

الف مبروك للمرشحين والله يتممها علينا بالخير ان شاء الله

وعقبال البقية

اليوم راجعت الخدمة المدنية واخذو صورة من الهوية وصورة من الشهادة

وقالو سجل رقم جوالك وبنتصل عليك ومشيت

طبعا وظيفتي تتطلب مقابلة شخصية

ايش صار معكم !!

رد: تجميع المرشحين الاداريين بالترشيح النهائي لتبادل المعلومات 1437/8/28 هـ
 

انا رحت الخدمة المدنية ماطلبوا ولا شي اللهم ورقة المطابقة اللي سويناها قبل شهر .. وعطاني خطاب المقابلة فيه بياناتي والوظيفة والمرتبة ورقم جوالي .. و قالي وقعها من المدير .. وقعتها من المدير وقالي رح للصادر .. رحت للصادر وحط عليها رقم الصادر .. وقال خلاص احنا نرسلها للجهة اللي بتتوظف فيها وهم يتواصلون معك ويحددون لك موعد المقابلة .. اخذت رقم الصادر عشان ما اتورط بعدين .. وارسلوه برضه على جوالي


يالسكب انت وظيفتك بأي مدينة ؟ وهل هي بالخدمة المدنية ولا شلون ؟ كيف هم يتصلون فيك مالهم دخل هم بالمقابلة

رد: تجميع المرشحين الاداريين بالترشيح النهائي لتبادل المعلومات 1437/8/28 هـ
 

اي فرع اخوي رحت ؟

انا طابقت مثلك قبل شهر

انا وظيفتي في الباحة

وما ادري مين اللي بيتصل فيني قال سجل رقم جوالك على صورة الهوية

والموظف نفسيته ماااش واكلمه ويرد علي بدون نفس وما حبيت اكثر كلام معه

واضح عليه منفس

رد: تجميع المرشحين الاداريين بالترشيح النهائي لتبادل المعلومات 1437/8/28 هـ
 

فرع الطائف

نعمة انت حاطين لك منفس عالأقل يخلص شغلك سريع .. هناك كل الموظفين ماخذين اجازة ومافيه الا شايب يالله يشوف والخطاب الواحد ابو خمس دقايق والله بلا مبالغة ياخذ منه حوالي نص ساعة .. والله قعدت من تسعة ونص ماطلعت الا الساعة ثنتين ..


قسم بالله سد نفسي عن الوظيفة .. و أنا ما ألومه .. ألوم الادارة اللي حاطه موظف واحد في وقت ذروة مثل هالوقت من السنة .. وش عندهم الخدمة المدنية ماعندهم الا موسم الوظائف الحالي وكل الموظفين اجازة .. شي عجيب

عالعموم ماصار على الا الخير .. والان زي ماقلت انت مالنا الا ننتظر الاتصال او الرسالة والله يستر


طيب ماقلت لي وش معلوماتك عن المقابلة هل اسئلة بالتخصص ولا اسئلة عامة .. الله يستر لا يزحلقونا بس والله شايل هم .. بأي قطاع انت الاجتماعية ولا التجارة ولا الامارة ولا وين ..

رد: تجميع المرشحين الاداريين بالترشيح النهائي لتبادل المعلومات 1437/8/28 هـ
 

أنا مرشح لوظيفة تتطلب مقابلة شخصية (وزارة التجارة)

أبروح للخدمة المدنية يوم الاربعاء (أنتظر الناس تركد شوي)

والله يعين ويسهل أمور الجميع

رد: تجميع المرشحين الاداريين بالترشيح النهائي لتبادل المعلومات 1437/8/28 هـ
 

لا ابشرك فرع الدمام فيه 3 موظفين يخلصون اوراقك

ونا مرشح للجوازات م6

وطبيعة المقابلة والله ما ادري

بس سويت مقابلة من اسبوعين في جامعة الدمام

قالو تكلم عن نفسك فقط

رد: تجميع المرشحين الاداريين بالترشيح النهائي لتبادل المعلومات 1437/8/28 هـ
 

والله كنت اتمنى هاذي الوزارة وسبحان الله احد رغباتي كانت وزارة التجارة

واللي جا عليها نقاطي اعلى منه بس الله يوفقه

انا جبت العيد بترتيب الرغبات خبصت ام الدنيا

الحمد لله على كل حال

ونصيحتي روح وخلص من بكره

انا لقيت قدامي 3 فقط

واحد جالس على الجوال واثنين يخلصون اوراقهم حق الفحص الطبي

مراجعين طبعا

رد: تجميع المرشحين الاداريين بالترشيح النهائي لتبادل المعلومات 1437/8/28 هـ
 

اشباب كم الرواتب بالضبط بالريال والهللة

انا بروح الاسبوع الثاني مو الحين ’ شباب هل يسألون أسالة دقيقة بالتخصص لأن والله رمضان ولا لي خلق اراجعه بحكم اني مامارست تخصصي من سنين ويبغالي مراجعة وتخصصي بحر

رد: تجميع المرشحين الاداريين بالترشيح النهائي لتبادل المعلومات 1437/8/28 هـ
 

ايش المسمى الوظيفي؟؟

رد: تجميع المرشحين الاداريين بالترشيح النهائي لتبادل المعلومات 1437/8/28 هـ
 

انا رحت اليوم الخدمة المدنية اعطوني الكشف الطبي

كدة انقبلت ان شاءالله ول باقي ممكن مااتوظف؟؟