تم قبولي مبدئي في الامن الدبلوماسي وسؤالي للي تخرج
مرحبا اخواني اولا اتمنى من المراقبين استساع صدورهم لموضوعي وفتح المجال للمعرفه دون غلقه وشكرا على جهودكم و سؤالي للاخوان الاعضاء لاهنتم انا ارسلو لي رساله بالقبول و الحضور للمقابله بنص شوال وانا شفت مواضيع عن الدورة وفي اختلاف في احد يقول حصص هروله و تدريب و في احد يقول اول ما تبدا تشيل الشنطه على راسك و تهرول و يخلونك تدخل بالطين و تدحرج من جبل على طين و تشيل الفانيله وتحبي علزفلت و و و و احد قال في طلاب جاهم فشل كلوي و اللي احترقو واللي ووو وكلن يتكلم :eek: ف السؤال للي خلصو دورتهم 17 بالرياض وش صار معكم في اول يوم بالدورة لاخره بالتفصيل الله يجزاكم خير ؟؟؟ :Looking: |
رد: تم قبولي مبدئي في الامن الدبلوماسي وسؤالي للي تخرج
ماعليك من النصابين لا فشل كلوي ولا احد احترق
الدوره مثل اي دوره راح تلقى في بداية 45 تعب من التدريبات ونفسيه لآنك مو متعود على حياه معسكر تدريب ونظام بس صدقني بعد 45 راح تفلها تطلع في الويكند انا طبعاً من الدوره الخامسه وقطاع مستقبله ممتاز ورواتبه ممتازه |
رد: تم قبولي مبدئي في الامن الدبلوماسي وسؤالي للي تخرج
اقتباس:
مشكور اخوي بس اللي اعرفه ان قبل كان تدريب الامن الدبلوماسي مع الطوارى لكن الحين نقلوهم في اكاديمية محمد بن نايف و اختلف كثير عن قبل و انا ابي اعرف تفاصيل الدورة الاخيره رقم 17 للامن الدبلوماسي |
رد: تم قبولي مبدئي في الامن الدبلوماسي وسؤالي للي تخرج
سهالات والله يوفقكك
|
رد: تم قبولي مبدئي في الامن الدبلوماسي وسؤالي للي تخرج
ي رجال يقولون دورتها كرف وانا جاني مثلك قبول ومتحير والله
|
رد: تم قبولي مبدئي في الامن الدبلوماسي وسؤالي للي تخرج
اقتباس:
|
رد: تم قبولي مبدئي في الامن الدبلوماسي وسؤالي للي تخرج
السلام عليكم .. مثل ماقال الأخ فوق مثل أي قطاع بس كل شخص له نفسيه غير وكيف هي تستقبل الأمور انا تعب وكرف ولا أفكر في المستقبل وعدة أمور. . نصيحة محب توكل على الله والله يوفق الجميع
|
الدبلوماسي سهالات على كلام ولد عمي يقول مافيه لا كشف مبدئي ولا شي... تدخل بالبدايه قياس طول + وزن بعدهاا يدخلونك المقابله كلها كم سؤال شخصي وبعدها يعطونك اوراق الكشف والاحوال والبصمات والعمده ويخيرونك وين تبي الكشف ( ع حسب منطقتك )
واذا جيت بقياس الطول حاول ترفع راسك وتشد ظهرك وبالمقابله حاول تجاوب ع قد السؤال فقط.. والله يوفقك. |
رد: تم قبولي مبدئي في الامن الدبلوماسي وسؤالي للي تخرج
وبعد مستخلص ونجيب لهم الأوراق وربي سهل عليك يعطونك موعد لاختبار الياقه البدنية والاختبار الأخير المقابلة تدخل على 3 أو 4 ضباط ويسؤلونك عن عواصم دول عن زوجات الرسول صلى الله عليه وسلم عن الصحابة يقولك إقراء القرآن يسألونك عن الحدود وزير الصحه وزير الماليه أمير الرياض وهكذا
|
رد: تم قبولي مبدئي في الامن الدبلوماسي وسؤالي للي تخرج
اقتباس:
وان دورة الصاعقه ملعنت جدف كرف يهود |
الساعة الآن 08:55 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين