|
أول يومين دوام في محل صيانة الجوال: أدخل بسرعه
السلام عليكم ورحمة الله وبركاته أحبابي في الله أسعد الله مسائكم وصباحكم وكل لحظة بحياتكم دخلت دورة تدريبيه لـ أساسيات صيانة الجوال ولله الحمد مدة أسبوع وأبشركم مدربنا ما دربنا ع الصيانه وكل كلامه ع الفرق بين نظام ios وأندرويد والبرامج الضروريه لتحديث الجهازين وكيف تحديثها وطرق نسخ البيانات ومحتوى الجهاز ع الخدمات السحابيه وباقي الأشياء الغير ضروريه المهم بعد ما أخذت الشهاده توجهت ع محلات عارضه وظائف وتواصلت مع أصحاب المحلات وطلبي كان وظيفة فني صيانه وخبرتهم أنني ما أملك الحد الأدنى في علم الصيانه لكن عندي القدره ع فك وتركيب الجهاز فقط أغلب المحلات قال بنتواصل معك قبل شهر رمضان المهم قبل 3 أيام رحت لمحل وكلمة صاحبه أنا عندي الجديه في العمل وجاد جدا لكن أحتاج تخليني مع عامل الصيانه أتعلم منه واساعده قال مو مشكله وإذا شديت حيلك راح أضاعف راتبك قلت المعاش مو مهم في الفتره هذي وماني حريص وأنا ملتزم في الحضور والانصراف أهم شي أبي أداوم من بكره قال تم المهم أحبابي الغالين صارلي يومين وهذا الثالث أحضر بعد صلاة العصر واطلع الساعه 06:00 وارجع بعد التراويح وأطلع الساعه 01:00 دخل المحل من الصيانة يتجازو 2400 ريال في اليوم دخل المحل من مبيعات الاجهزه والكفرات والشواحن والاكسسوارات 14000 ألف ! البارح الدخل تجازو 16 ألف http://d.top4top.net/p_175it3x0.jpg%E2%80%8F ..... .. .. أكثر مشاكل الصيانه هي كسر الشاشه لأجهزة الآيفون وأجهزة الآيباد وتغير بطاريات الآيفون وأغلب المشكل لأجهزة الجالكسي هي مدخل الشاحن والسماعات وفك كل جهاز ما يخاذ 15 دقيقه وبسيط جدا جدا جدا ومافي شي يحتاج لحام نهائياً .. وإذا حبيت تتعلم تعليم ذاتي من خلال اليوتيوب انصحك في هذي القناه ابحث عنها Tech MD Youtube أنصحك تتباع القنوات الانجليزيه شرحه لفك الجهاز ما يتجازو 11 دقيقه بعكس الشروحات العربيه فقك الشاشه ياخذ نص ساعه واغلب الوقت يتكلم . تأكد أن بعد شهر 12 ماراح يكون في فني أجهزه غير السعودين وهذا يعني انها فرصتك اليوم وهذا يعني ان عدد محلات الصيانه راح يقل بشكل قوي لأن أغلب السعودين مالهم رغبه في الصيانه مع ان دخلها أضعاف وأغلب رغبتهم في المبيعات جميع موزعين الاكسسوارات وقطع الغيار والأجهزة يجونك للمحل حبيت أزود حماس اللي مترددين والله يرزكم من واسع فضله:h سبحان الله وبحمد سبحان الله العظيم:w |
رد: أول يومين دوام في محل صيانة الجوال: أدخل بسرعه
ما شاء الله تبارك الله
شد العزم وواصل في عملك وبعدها افتح لك محل خاص فيك الله يوفقك |
رد: أول يومين دوام في محل صيانة الجوال: أدخل بسرعه
ما شاء الله تبارك
الله يوفقك يافهد شي جمييل لي عودة للموضوع حبيت أرد عليك في الهوامير لكن للاسف عضويتي ماتفعلت 😢 وصدتك هنا 😉 |
رد: أول يومين دوام في محل صيانة الجوال: أدخل بسرعه
الله يجزاك خير
ويعطيك على قد نيتك انت وين فتحت محلك في مجمع ايش واي مدينه |
رد: أول يومين دوام في محل صيانة الجوال: أدخل بسرعه
اقتباس:
نعم هذا اللي أفكر فيه بعد سنه عمل راح أفتح محل ويكون جهدي وعملي لي شرفني مرورك ي الغالي اقتباس:
عندي عضويه ثانيه في هوامير توهم مفعلينها جديده ما شاركت فيها لو لك رغبه وتبيها ارسلي رقمك ع الخاص أو في التقيم وأرسلها لك في الواتساب :w اقتباس:
دروب التجاره الله يحيك حبيبنا الغالي ما فتحت محل شغال في محل موظف صيانه في محافظة تابعه لمدينة الرياض محافظة صغيره :h |
رد: أول يومين دوام في محل صيانة الجوال: أدخل بسرعه
بالنسبة الى المدربين من وين سعوديين او اجانب
و لغة التدريس ايش |
رد: أول يومين دوام في محل صيانة الجوال: أدخل بسرعه
اقتباس:
المدربين سعودين فنين صيانه من المعهد ولغة التدريس عربي والكتب عربيه شرفني مرورك اخي امازوني:w |
رد: أول يومين دوام في محل صيانة الجوال: أدخل بسرعه
الله يوفقك أخوي فهيد ماتقصر والله
لا خلا ولا عدم لكن بصراحه بصراحه النك نيم حقي سالفه سالفه وحابه 😎 والا ميت على المشاركه مع الاخوان في هوامير لكن بإنتظر عساهم مايطولون علي بس الله يرحم والديك يابو بشير واذا بغيت شي من هوامير بتؤلجك تؤلج 😂 |
رد: أول يومين دوام في محل صيانة الجوال: أدخل بسرعه
ما شاء الله تبارك الله الله يبارك لك يا رب
اجل يا صاحبي خلك معهم واربط عمرك في المحل هذا ولا تكون طماع بالراتاب المهم انك تتعلم الصغيره قبل الكبيره وتكون مبرمج على صيانه على مبيعات اكسسورات لحد ما تتعلم صح وانا اقول خلك معهم اقل شي 6 شهور بعدها سلمك الله معك خبره قد الدنيا وتشوف كم محتاج مبلغ هالمشروع وبعدها تنطلق ووالاهم خلك مستمر الحين لحد ما تصير معلم المعلمين وفقك الله |
رد: أول يومين دوام في محل صيانة الجوال: أدخل بسرعه
ماشاءالله تبارك الله
اولا اشكر اهتمامك بإن طرحت موضوعك هنا في اول يومين توظيف أسال الله يوفقك ثانيا اتمنى ما ينقطع موضوعا حاول تعطينا المعلومات اول بأول . ثالثا كيف بيكون الراتب بعد القرار 100% بعد الحج (السعوده)وكيف بيكون وضع المحلات اتوقع بتقفل معظمها او بيوظفوا سعوديين نظام سعوده فقط!! |
| الساعة الآن 05:21 AM |
Powered by vBulletin Version 3.8.9
Copyright ©2000 - 2026, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين