|
بالنسبه للدوره العسكريه
السلام عليكم ورحمة الله وبركاته
يا اخوان تكفون علموني الحين ودي ادخل العسكريه بهذلتن الشركات بس اللي رادني عنها هي دورتها والحبسه فيها المشكله اني وحيد امي وخواتي مالهم غيري ومافيه احد غيري يقوم بهم الحين لو اشرح لهم ظروفي هل يسمحون لي ع الاقل اخرج لو مره كل اسبوع اجيب لهم اكل وعلاج ولا مافيه خرجه الا بعد 45 يوم ؟ وبعدين وش وضع التعيين يوم اقرا الشروط في اغلب الوظائف العسكريه مكتوب لايسمح لك بطلب مكان للتعيين ولا احد يطلب عنك كائننا من كان مافهمت يعني الحين لو تعينت مثلا بتبوك معقول اشيل اهلي واترك بيتي واروح تبوك ؟ ولا انا فاهم غلط ؟ الله يوفق من يرد |
رد: بالنسبه للدوره العسكريه
الدوره العسكريه
ماتطلع منها ابداً ، زيك زي غيرك ويمكن تكون في منطقه غير الي فيها اهلك والتعيين اذا جاء تعيينك في الشرقيه تروح تباشر هناك ولا تطالب بنقل لفتره معينه وبعدين ممكن تداقش او تنقل او على حسب الله يوفقك يارب ويسهل لك |
رد: بالنسبه للدوره العسكريه
45 يوم بالدوره ماتطلع ولا يوم وبعض القطاعات 33 يوم حجز ثم تطلع كل اسبوع ،، اما التعيين يمكن اذا معك صك اعاله يساعدونك بس احسن شي قبل تخش قطاع ابحث عنه لان كل قطاع يختلف
|
رد: بالنسبه للدوره العسكريه
تتسهل ان شاء الله الامور لان حسب ما فهمت انها صارو ما يعطونهم 45 كامله
|
رد: بالنسبه للدوره العسكريه
الله يوفقكم عالردود
اجل مالنا نصيب فيها الحمدلله على كل حال |
رد: بالنسبه للدوره العسكريه
الله يوفقك ويرزقك بأحسن منها
|
رد: بالنسبه للدوره العسكريه
صحييح ماتطلع بس اهلك يقدرون يزورونك ب45 ويمكن تطلع على حسب ظرف الي عندك والقايد وبعد 45 تطلع اذا في شي مهم اذكر كان في واحد ابوه مرقد وكان عنده اوراق مقدمها لقايد المركز وكان يطلعونه عند نهاية دوام ويحظر بليل بلسبوع مرة او مرتين ما اذكر يزور ابوه ويرجع الوضع سهالات .
*اللهم اشفي جميع مرضىا المسلمين* |
رد: بالنسبه للدوره العسكريه
وبنسبه لتعين جب صك اعاله من المحكمة انك وحيد اهلك او اكبر واحد بالعائلة وقدمه قبل ينطبع القرار ،وتجي المكان الي فيه اهلك وانت متطمن الحمدلله
|
رد: بالنسبه للدوره العسكريه
اقتباس:
لكن المسأله هي ان عندي 3 خوات اثنين منهن من ذوي الاحتياجات الخاصه والوالده الله يطول بعمرها توها مسويه عملية قلب عشان كذا يحتاجون احد يقوم بهم ومافيه غيري ودام السالفه مافيها استثناءات الله يعوضني بغيرها ان شاءالله دعواتكم |
رد: بالنسبه للدوره العسكريه
الله يفتح عليك ابواب خير ( :
|
| الساعة الآن 10:16 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين