خريج كلية التقنية وقررت ابدا مسار جديد "تخصص الأحياء"
 

بسم الله الرحمن الرحيم
وصلاة وسلام على نبي الله المختار اما بعد ,,,
السلام عليكم اخواني وأخواتي اعضاء حلول البطالة ,,

نبدا بختصار انا خريج كلية التقنية تخصص الحاسب الألي دعم فني
وقررت سنة ذي بحول الله اني ادرس من بداية "بتخصص الأحياء" , وصراحة أجهل نظام الجامعي لانه يختلف عن نظام الكليات و المعاهد , وكوني اعمل صباح وينتهي دوام ساعه 10 صباحا هل اقدر انظم جدولي يكون بعض المحاضرات تبدأ
من بعد ساعة 10 ام لا ؟؟ :confused::z

وهل اقدر أضيف بعض من مواد المستوى ثالث وانا في المستوى ثاني مثلن ؟؟

وشكرا هذي أسالتي وبنتظاركم يا جميلين ^^

رد: خريج كلية التقنية وقررت ابدا مسار جديد "تخصص الأحياء"
 

وعليكم السلام ورحمة الله وبركاته.

تقدر تخلي محاضراتك من بعد العاشرة لكن هذا مو في صالحك
لانه راح تضطر تحذف المواد الصباحية قبل العاشرة بكذا راح تتلخبط خطتك الدراسية غير انو الاحياء معامل وساعات الدراسة مكثفة كثير.
وقد يستلزم تزيد سنوات عن العدد الاساسي لدراسة البكالوريوس
لانك عملت تغليص للمواد ، تقدر تعمل اضافة مواد اذا ما حصل معك تعارض

بمعنى تقدر تضيف مواد في المستوى سواء الاول تضيف من الثاني او الثالث بشرط
في حالة التعارض والمادة اللي تبغى تضيفها توقيتها في توقيت محاضرة ثانية تدرسها هنا صار تعارض مادة في نفس وقت مادة وما راح تقدر تضيف.
الامر الثاني : في حالة كانت المادة اللي تبغى تضيفها (متطلب سابق) بمعنى هذي المادة هي تكملة لمادة ثانية يتطلب تدرسها قبل راح اوضح اكثر مثلا في المستوى الاول في مادة اسمها كيمياء عضوية ومنزلها بالجدول وتبغى تضيف مادة كيمياء اروماتية من المستوى الثاني هنا ماراح تنضاف لك لان المادتين تابع لبعض ولازم تختم دراسة المادة الاولى وتنجح فيها بكذا تقدر تنزل المادة الثانية .(عطيت المثال كيمياء لاني واجهت الامر هذا شخصيا وكنت اجهله وطبعا الاحياء نفس الامر المواد عبارة عن تسلسل لبعض ما يقبل تدرس جزء قبل جزء)

اعيد ما راح تقدر تضيف في حالة
1_ تعارض الزمن لمواد
2_ متطلب السابق للمادة

فالك التوفيق .

رد: خريج كلية التقنية وقررت ابدا مسار جديد "تخصص الأحياء"
 

شكرا لك افدتني كثيرا

والله يوفق الجميع

رد: خريج كلية التقنية وقررت ابدا مسار جديد "تخصص الأحياء"
 

الله يعينك

رد: خريج كلية التقنية وقررت ابدا مسار جديد "تخصص الأحياء"
 

ناوي تدرسه لانك ترغب بدراسة الاحياء و الا بس عشان شهادة ؟
لان تخصص الاحياء محدود يأهلك للتعليم مش اكثر