|
قيمة شهادة الانتساب
السلام عليكم ورحمة الله وبركاته أنا طالب جامعي ( تخصص شرعي ) الدراسة الجامعية 4 سنوات مع الإهمال درست خمس سنوات في الكلية , ترم أحذف وترم أهمل وهكذا .. الحين باقي لي 46 ساعة للتخرج من أصل 170 ساعة والسنة القادمة آخر سنة لي ولا يطردوني لتجاوز المدة النظامية ( 6 سنوات ) وقررت أحول انتساب لأني تزوجت وتوظفت ولا أقدر أوفق بين الدراسة والبيت والعمل ما قيمة الانتساب في الوظائف الحكومية ؟ وهل يشفع لي أن أكثر من 80 % من المواد درستها نظامي ؟ شاكر لكم |
رد: قيمة شهادة الانتساب
نصيحه مني لوجه الله
خلص وتخرج انتظام وربي بيفتحها عليك وتتيسر الوظائف التعليميه السنه هذي اخذو كثير معلمين دين واذا معك شهاده انتظام تقدر تقدم على العسكريه وتسير ضابط ان شاء الله و الوظايف التعليميه برضه والشركات ووالخ .. اصبر السنه ذي وربك يفتحها عليك وتييسر لك باذن الله شد حيلك ولا تهمل والله يعينك ننصيحه ابداً لاتحول انتساب خلك انتظام والدراسه مسموح لك في الجامعه حتى 8 سنوات وبعدين يطوون قيدك وصدقني والله اعرف واحد درس وخلص المده النظاميه وسوو له طي قيد والولد كذا جاته نفسيه مايبي يكمل دراسه وبعد مرور سنه وشوي تندم ورجع الجامعه وشرح ظروفه ورجعوه وكمل دراسته وتخرج وربي فتح له انت كمل وانت ماشاء الله ربي بيكون معاك لانك عفيت نفسك وسترت حالك وانوي بتكميل دراستك انها تكون عون لك في الدنيا ولمستقبلك وعيالك والاخره وربي بيفتحها عليك الله يوفقك والله يرزقك يارب ويجعلك في اعلى المراتب دنيا واخره |
| الساعة الآن 05:58 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين