|
مشكلتي مع الشركه لاني سعودي
بسم الله الرحمن الرحيم
السلام علكيم عندي مشكله مع الشركه الي اعمل فيها .. انهم صرفو ( بونص ) لكامل القسم الا انا .. كيف ممكن اشتكيهم في مكتب العمل خاصه ان العام الماضي اخذو زياده بالراتب الا انا .. وبعد مراسلات مع مدير القسم و شؤون الموظفين كان الرد منهم لاتوجد لك اي زياده و بالامكان كتابة شكوى لشؤون القانونية بالشركيه ) مع العلم : ** تقيمي من مديري المباشر كان 98% ** ماعندي اي تاخير ولا غياب طوال خدمتي بالشركه 8 سنوات ولله الحمد والفضل ** ماعندي اي مشاكل مع احد الزملاء بالعمل فقط عشان مدير عام القسم ونائبه ( جنسيتهم اردني ) مايبغوني لاني سعودي . ( نظام تطفيش ) العام الماضي اشتكيتهم في مكتب العمل وبعد فضل الله عز وجل اعطوني الزياده كيف هذه السنه اقدر اشتكيهم ونحل مشكلة ( الحقد ) تجاهي .خاصه ان نظام مكتب العمل لا يتدخل في ( البونص ) مثل الراتب |
رد: مشكلتي مع الشركه لاني سعودي
دام العام الماضي مانفع معهم غير المرمطة مرمطهم بعد هذي السنة ولو اني
خايف يحقدون عليك ويدبرو لك مكيدة ويفنشوك زي اللي سبقوك من السعوديين وعذرهم ان السعودي مايبي غير منصب وراتب فخم يتمننون علينا عيال اللذينا سرنا في بلدنا نستلف من الاجانب |
رد: مشكلتي مع الشركه لاني سعودي
لا تسكت اخوي قابل اكبر مدير بالشركة او صاحب الشركة وقوله كل زملائي بالقسم يجيهم بونص و زيادات الا انا ما يجيني شي مع اني منضبط بدوامي ولا اقصر بشغلي لو شايفيني مقصر فهموني و ريحوني ممكن اكون مظلوم او احد مشوه صورتي و ان شاءالله ما يضيع حقك
انا اعرف واحد كان مثل قصتك بالضبط لكنه ما سكت راح كلم اكبر المدراء بشركته وقابل صاحب الشركة وشرح له وضعه ولما عرف صاحب الشركة انه الاجانب ماكلين حقه وظالمينه عشانه سعودي راح حطه مديرهم بعد ما عرف انه يشتغل اكثر منهم ومنضبط |
رد: مشكلتي مع الشركه لاني سعودي
لاتسكت عن حقك روح لااكبر شخص بالشركه بما انو مكتب العمل مايتدخل بالبونص
|
رد: مشكلتي مع الشركه لاني سعودي
السلام عليكم
اشكركم جميعا .. الحمدلله بفضل من الله تمت الامور على خير .. بعد مقابلة صاحب الشركه وشرحت له الوضع بالضبط من العام الماضي ايش الي صار وكيف انتهت الامور .. ووعدني خير ،، والحمدلله بعدها بيومين صرف لي المبلغ بفضل من الله .. أسأل الله العظيم رب العرش الكريم ان ينصرنا على كل ظالم و يجعل تدميرهم في تدبيرهم والحمدلله رب العالمين وجزاكم الله خير ورحم الله والديكم |
رد: مشكلتي مع الشركه لاني سعودي
اقتباس:
تستاهل كل خير الله يوفقك لكن الاهم انهم مايستمرون بتطفيشك |
رد: مشكلتي مع الشركه لاني سعودي
بحكم خبرتي بالعمل والتعامل مع الشركات .. اعتذر عن الكلام الي بقوله ولكن حقيقه ان اغلب الجنسيات الي تم ذكرها يحملون حقد عالسعودي بشكل مو معقول ويتمنون له كل شي .. كنت ارحمهم ولكن بعد عملي معهم شفت اشياء والله يشيب العقل لها ..
سعودي بنظرهم : جاهل ، غير متعلم ، اهبل ، مو حق شغل ، لعاب وووالخ شهادتي ولله الحمد بكالوريوس من خارج المملكة ولغتي ممتازه وغير كذا مازالوا يحاولون يكسروني ويحرجوني دايماً في الاجتماعات ووالخ ولكن الحمدلله متمكن وراعي لسان وارد الصاع صاعين . لو كل واحد ماسكت ع حقه راح نلاحظ تغير في التعامل مع الشرذمه . والله يرزق الجميع |
رد: مشكلتي مع الشركه لاني سعودي
ولله قهر وين وزارة العمل
|
رد: مشكلتي مع الشركه لاني سعودي
اقتباس:
|
رد: مشكلتي مع الشركه لاني سعودي
ماخاب من استشار ولا ندم من استخار . . |
| الساعة الآن 05:44 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين