لازم أضحي بوحده .. استشاره
 

السلام عليكم ورحمة الله وبركاته

هل القبول والترشيح لدراسة الدبلوم التربوي مضمون ؟ لإني قررت أكمل الدراسة ولكن بسبب تعارض الخطة الدراسية مع وظيفتي الحالية وجهة عملي ما تسمح بتقديم إجازة بدون راتب ، والحين ما عندي إلا خيارين إما الوظيفة أو الدراسة .

علماً إني متخرج من الجامعة قبل ثلاث سنين وإلى الآن ما لقيت وظيفة حكومية ووظيفتي الحالية في قطاع خاص وهي مؤقته لين أنقبل في القطاع الحكومي ، ورغبتي في الدراسة لزيادة نقاط المفاضلة والحصول على فرص أعلى وأولوية في التوظيف ، بالإضافة إلى رغبتي في التعليم اللي من شروطها الدبلوم التربوي .

محتاج شوركم وتوجيهكم لإن قرار ترك الوظيفة مصيري وفرص التوظيف الآن صعبة جداً .

رد: لازم أضحي بوحده .. استشاره
 

قلبك وش يقوللك
وعقللك وش يقوللك ؟؟؟؟


هنا تقدر تحدد طريقك
من كلامك واضح ان عندك هدف محدد وهو الوظيفة الحكومية .. وكلامك يدل انها أولويه عندك
طيب وظيفتك في القطاع الخاص وظيفة مميزة فيها علاوات وحوافز وتدرج وظيفي .. ولا لا ؟؟
بعض وظايف القطاع الخاص مميزة أكثر من الحكومي
/

انت وين تلاقي نفسك مرتاح أكثر مع قرار الاستقالة ودراسة الدبلوم ولا الاستمرار في عملك الحالي ؟؟
اللي ترتاح له طبقه.

الله ييسر لك الخيرة من أمرك .

رد: لازم أضحي بوحده .. استشاره
 

القرار مرتبط بالموافقة والترشيح للدراسة ، لكن أخاف أقدم الاستقالة وما أنقبل وتضيع الوظيفة والدراسة وبدل ضياع فرصة وحده تضيع فرصتين :m

رد: لازم أضحي بوحده .. استشاره
 

دامك مو مرتاح ومتردد في قرارك خلك على الوظيفة ما تدري ممكن الله ييسر ويفتحون دبلوم في فترة المساء
أعرف وحدة درست الدبلوم التربوي في المساء
تطلع من الدوام عالجامعة على طول