مشاكل صحية عطلت مستقيل وظيفتي بماذا تنصحوني؟
 

السلام عليكم ‏ورحمة الله وبركاته
انا امنيتي من ايام الثانوية ان اصبح معلماً ولكني اعاني من تشوة بالقفص الصدري (الشويكة) ولا حظت التشوة في الصف الثالث ثانوي وتجاهلتة ودخلت الجامعة وبعد السنة التحضيرية بالاجازة الصيفية لاحظ ولد عمي التشوة بروز بعظمة القص ونصحني بالكي بالنار وقال لي تكوا بسرعة وإلا تزيد تشوهك وهي علاجها الوحيد الكي وانا فكرت بمستقبل صحتي وخفت انها تزيد تشوهني وتتعبني طول حياتي وقررت اني اتكوى وليتني ما تكويت لأنها ما ألتئمت وتحولت الى جروح مزمنة وكملت دراستي بمعاناة مع التشوة بالصدر والجروح وخلصت التخصص وما كوَدت اني اخلص لأني كنت ما اتحمل المرض والدراسة سوا والحمدلله تخرجت بمعدل جيد جدا مرتفع واجتزت قياس ولكن بقي الدبلوم التربوي وما درستة لأن العام الماضي فتح في ٣جامعات فقط وخارج مكان اقامتي بالطايف ولا اقدر اجمع العزوبية والدراسة والمرض معاً وجلست بالبيت واصلاً كان عندي مراجعات واستخدم علاجات للجروح ولكن ما استفدت والحال كما هو الله كريم والأن فتح التقديم على الدبلوم التربوي في حوالي ٧ جامعات ولكن جامعة الطايف ما بتفتح ولااقدر اتعزب وتفكيري كلة بصحتي يعني الوظيفة التعليمية اخر همي ولكن انا خايف تروح علي هذي الوظيفة لأن كل شوي وزارة التعليم تطلع قرارات وشروط تعجيزية للوظايف التعليمية، ابي استشارتكم ونصيحتكم لي وهل الوظايف التعليمية حاطه صلاحية للوثيقة الجامعية؟..ودمتم بصحة وعافية.

رد: مشاكل صحية عطلت مستقيل وظيفتي بماذا تنصحوني؟
 

نصيحة إذا تقدر تنتقل لجدة مع احدى اخواتك أو اخ لك انتقل بعد الاستخاره والافضل تراسل الدكتور جابر القحطاني مميز في علاجاته طب بديل على التويتر ادخل وتواصل معاه علشان ترسل تقاريرك عن حالتك ليوصف لك العلاج الصحيح واهتم بنظافة الجرح والتغيير للضماد وعدم وجود رطوبة في الجرح وغير المستشفى لمستشفى الملك فهد لان الطائف ما فيها كل العلاجات الازمه والعلاج الطبيعي في مستشفى عبداللطيف جميل بجدة الكثير يمدحوه أوعبدالعزيز ابحث عن علاج با اسرع وقت لان هذا المرض لو زاد وكبر العمر مشكلة لا تحل الان ممكن يجرو لك عملية اعرض نفسك على مستشفى في الرياض بارسال التقارير للدكاتره مستشفى تخصصي لوتقدر أو ارسل قريب لك للدكتور ويعرض تقاريرك على دكتور في العيادة ممكن يسهل دخولك .
وموضوع الدراسة محدد بعمر في اكثر الجامعات ادخل على عمادة القبول واسأل عن العمر الذي يقبل في الدبلوم وإلى كم أودخل على الاسئلة المتكرره في القبول للدبلوم .
إما موضوع القبول للمعلمين الان يدخلوا الكثير من سنوات قــــــــــــــــــــــــديمه جداً لكن الامور تختلف أو لا لا نعلم لان الوزارة متقلبة
الافضل تقدم اداري وبعدها ربي ييسر حول معلم .

رد: مشاكل صحية عطلت مستقيل وظيفتي بماذا تنصحوني؟
 

شكراا على المشورة
بالنسبة للدكتور جابر انا ارسلت قريب لي قبل رمضان وراح لمحلهم بالرياض وقالوا اكتب وصف الحالة ورقمك وان شاء الله يرد عليكم الدكتور في اقرب وقت وقال ان الدكتور يمكن يرد عليكم بعد الصيفية وان شاء الله راح اشوف المستشفيات الي قلتلي عليها لأني عرضت حالتي الجروح والصدر بالطايف بمستشفى الملك عبدالعزيز ومستشفى الملك فيصل فقط.

رد: مشاكل صحية عطلت مستقيل وظيفتي بماذا تنصحوني؟
 

الاخ : العميل
اولا ارجو من الله اي يشفيك ويلبسك لباس الصحه والعافيه
ثانيا : صل ركعتين استخاره لعل ربي يرشدك للصواب
ثالثا: كل شي في هذي الحياه يبي كفاح وتعب وصبر
وفي مشكلتك هذه التي اسال الله ان يعينك عليها
لابد من الصبر والمجازفه
يعني مثل ماقال الاخ تشوف لك احد ينزل معاك لجده ع بال ماتخلص الدبلوم
وجده ماهيب بعيده مره عن الطايف حسب علمي

والله يكتب لك اللي فيه الخير ..