|
ارجو المساعده يا ابناء البلد
السلام عليكم
انأ شاب سعودي عمري 34 سنه لم اكمل تعليم شهادتي ثالث متوسط وعندي شهادة كمبيوتر 6 اشهر تركت المدرسه زمان ببسبب سحر عانيت اكثر من 15 سنه من سحر ووتعالجت من السحر الحمدالله وتعبت اهلي معي والله يجزاهم الف خير عني والحمدالله على كل شي بحثت عن وظيف و حصلت وظيفه ي شركة الشريف توظفت براتب 2500 ريال كملت سنه في الشركه وبعد طلبو مني اني انقل منطقه اسمها الخرمه قلت مقدر انقل علشان ضروفي اصحيه المدير هندي (( مجوسي )) قلي الفرع الدمام بيتم تصكيره و مافي غير الخرمه و جدة قلت تمام بنقل بس زود راتبي 2500 ما بتسوي شي لي رفض وتم فصلي من الشركه و شتغلت على تكسي حق ابوي فتره وخترب ولا قدرت اصلحه والحين عاطل عن العمل قدمت في صحة الشرقيه و ختبر م قابله ولا ردو مني حتى لما رحت لهم علشان اعرف متى بتطلع الارقام مافي اي رد دورت على كذا وظيفه بس ماحصلت وتعبت من كثر ماركب تكسي والفلوس لي راحت في تكسي بعت جوال و بعت تلفزيون كل هذا علشان ماعندي سيارة اهلي م يقصرون معي مرات يعطوني فلوس وديون ذبحتهم اذا فيه حد يعرف لي وظيفه حتى لو سواق او فراش الفقر ذبحني كل اخواني متزوجين و وثنتين من اخواتي كمان كل واحد فيه ماقصر معي تعبت وانا تسلف علشان علااج او موعد في المستشفى وتكاسي ماترحم قدمت في طاقات ولا صار شي صاري معهم 9 اشهر مافي اي وظيفه ممكن علشان شهادتي ضعيفه متوسطه لي يعرف لي شركه توظف او عنده اي وظيف يكلمني على الخاص و بعطيه رقمي او دعوة صادقة من القلب اعتذر عن اخطائي الاملائيه |
رد: ارجو المساعده يا ابناء البلد
السلام عليكم
اخوي محمد قدم على معهد ريادة الأعمال لفتح مشروع وهم راح يدعمونك بدراسة جدوى وايضا مادياً القبول الان مفتوح للجميع سواء بتوطين الإتصالات او دعم اي مشروع لايزيد عن 300 الف ريال اكتب بقوقل معهد ريادة الوطني وراح يطلع لك الرابط وهم بالعكس يبحثون على الي ماعنده وظيفة لدعمه وبالتوفيق لك وللجميع |
رد: ارجو المساعده يا ابناء البلد
المعهد فكرة حلوه بس فيه كم شرط صعبه عليا ولاتنطبق فيني
1.كفيل غارم 2.أن يكون لدى المتقدم الخبرة على الأقل في نفس النشاط المراد تمويله أو شهادة تخصص في نفس المجال و تكون الخبرة موثقة في التأمينات الإجتماعية كلمتهم بس م نفع اهم شي عندهم كفيل غارم |
رد: ارجو المساعده يا ابناء البلد
و عليكم السلام
اذا انت بالرياض او القصيم قدم على معهد العمارة والتشييد تخصصات رائعه اذا جبت معدل عالي جدا بمشيئة الله تتوظف حكومي بسرعة |
رد: ارجو المساعده يا ابناء البلد
اخي عليك بالاستغفار ثم الاستغفار و اذكر الله كثيرا وتقرب اليه بالدعاء والاعمال الصالحه وهو سوف يتولاك
اسئل الله ان يوفقك ويكتب لك الي فيه الخير ويرزقك ويسعدك |
رد: ارجو المساعده يا ابناء البلد
قل : حسبي الله ونعم الوكيل ،، وناخوك
وربك سبحانه ياخذ حقك والله يوفقك ويرزقك ويحقق لك ما تتمنى اهم شي صلاتك .. لا تقطعها ، وان شاء الله ربي بيسهل امرك |
رد: ارجو المساعده يا ابناء البلد
محمد العدواني
اسال الله العلي العظيم ان يغنيك ولايحيجك لمخلوق وان يعوضك خير على مااصابك والله ياخوي حالتي رديه لكن باعطيك حل يجيب لك رزق لو لقيت احد يمولك ولو كان في مجال معنا والله كنا سويناه اذا تقدر تلقى احد من اهلك يطلع لك سلفه من بنك التسليف قرض اسره حول 60000 ريال واشتر فيها سياره ميكروباص وانقل معلمات وطالبات والله فيها رزق كبير وكثير فاتحين بيوت ويعمرون من ورا هالشغله يعلم الله لو لقينا احنا مثل هالتمويل كان زوجي اشتغلها بس للاسف مايفدر يطلع من التسليف ولالقينا احد من اهله اذا اي احد من اخوانك او ابوك يقدر يطلع لك هالسلفه صدقني بتحصل منها خير كثير باذن الله |
رد: ارجو المساعده يا ابناء البلد
اهلين اخوي الله يوفقك ويرزقك من واسع فضله
اخوي قدم على شركة اوبر للتوصيل او كريم ممتاززززه والله تواصل معهم واعرف منهم التفاصيل وترا ماهي تعجيزيه دعواتك بالفرج لنا ولك |
رد: ارجو المساعده يا ابناء البلد
الحاجه تغبن الله لا يحوجك لحد من خلقه ويرزقني ويرزقك بالوظيفه
|
رد: ارجو المساعده يا ابناء البلد
حاول تقدم ع وظائف شركات اخرى او وظيفه رجل امن سكريتري واكثر من الاستغفار .
الله يوفقك ويرزقك من واسع فضله . |
| الساعة الآن 04:06 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين