|
اهلا وسهلا اخي قايد
|
مشكلتي وضياع أملي
هـلا بأخوي أشكرك على إتاحة الفرصة لي ولغيري لبث شكواه لك: أنا في الحقيقة تخرجت من الجامعة من كم سنة : وما لقيت وظيفة طبعا مثلي مثل غيري.. مهب هنا المشكلة المشكلة : أنا قدراتي ما تسمح لي أشتغل بأي شغل أو أرضى بأي راتب: أني كنت ( كنت ) على أبواب زواج.. المهم حصلت وظيفة في مؤسسة أهلية : وقال الراتب (4000) ريال ... والدوام مكتبي طبعا .. وافقت طبعا لانه قريب من بيت اهلي وما راح اصرف أي شيء ...لكن قال لي أنا بعطيك 2000 ريال والموارد البشرية راح يعطونك 2000 إذا موافق على شرطي اوك نسجل العقد أو إذا تبي النظام النظام يقول انا ادفع لك 4000 وأخذها من الموارد البشرية قلت لا خلاص ما نختلف.. المهم : اشتغلت سنة ونصف كاملة استلم راتبي الفين بعد ما ينشف ريقي وفي هذه الفترة كل المدراس الأهلية في الرياض والعالمية يدقون علي حسب خبراتي لكن قلت دام راتبي عندي اهلي اربعة افضل لي من الرياض بخمسة .... لكن للآسف صرت اشحذ الموارد البشرية لمدة سنة ونصف : اجيب الاوراق لموظفي الصندوق في القصيم ...وياخذونها بطرف خشم وتجلس عندهم شهر .... وتروح تمشي بالطريق للرياض شهر ..وتجلس بالرياض شهر ..ويفتحونها خلال شهر ... وترجع تمشي بالطريق للقصيم شهر ...وتجلس في القصيم شهر بعدين يدقون علي وعلى هالطريقة اكثر من اربع مرات ..وأخرتها للآسف أقول للآسف ما جاني شيء كل مرة يطلعون خطأ بسيط ويقلون عدله ... بعدين ارسلها ... وجلست اعدل حتى اخر مرة طلعوا لي قالوا : التأمين عليك 1500 ريال لازم تأمن : 4000 زي راتبك بالعقد... رحت لصاحب العمل .. قال ما اقدر أمن عليك أمن على نفسك ... والصدق ضاااقت نفسي وكرهت الشغل بس ما زلت ابي حقي .... حتى الزواج من الملل كنسلته وشقتي الحين خاوية على عروشها أصبحت أعشاش للحمام والعصافير ... أخوك . |
اقتباس:
'طيب ماهي المشكله لم تكمل هل يوجد حلقه ثانيه ام ماذا؟؟؟؟؟ اخي مشكله الصندوق مشكله انا اعتقد انهم قاموا بعمل هذا الصندوق من اجل تعقيد الحياة اكثر واكثر وليس للراحه فالكل اصبح يشتكي من الصندوق ومشاكله مثل التوقيع والاعتماد والتامين ويجب ان تتطابق الوظيفه الراتب والمؤهل وغيرها |
مرحبااا
السلام عليكم ورحمة الله وبركاتة
الله يجزاك خير علي ما تقوم فيه اخي في الرد علي الاستفسارات الله يعافيك اخوي حنا مجموعه من الموظفين السعوديين في شركة خاصة حبيت اسالك عن بعض النقاط 1- هل يحق للموظف الاجنبي ان يرأس السعوديين في العمل؟ 2 - هل يحق للموظف الاجنبي توزيع العمل علي الموظفيين السعوديين؟ 3 - هل يحق للموظف الاجنبي ان يجبر السعوديين علي التوقيع بالذات السعوديين ويترك الاجانب بلا توقيع مع العمل ان الموظف الاجنبي مهنتة مترجم ؟ ولك جزيل الشكر |
اقتباس:
هذا الجواب 1\ نعم يحق له ولايوجد هناك نظام يمنع ذلك الا في بعض الوظائف الاداريه 2\ نعم يحق له 3\ اخي بخصوص هذا الموضوع فهو داخلي وليس هناك نظام يجبر احد على القيام بشي داخل المنظمه الا الرئيس او المدير وبامكانكم عرض الموضوع على السلطه العليا بالشركه |
الله يجزاك خير
|
اشكرك صايل على المرور
|
عندي ولله الحمد والمنه بالإضافة الى شهادتي في مجال الحاسب ونظم المعلومات
شهادات لــ..سبع دورات اش صار ... ولالالالالالالالالالالا شي .. الواسطة اهم من الشهااااادات بكثير |
اقتباس:
اين المشكله هل الواسطه ؟؟؟؟؟ لايوجد اختى حل للواسطه لانها اصبحت الداء الذي ليس له دواء |
انا عندي مو مشكلة وحدة بس عندي كثييييييييييييير بس ادور على راس من أطربقها عليه
بس اشوفه وانتم تخبرون مين هههههههههههههه |
| الساعة الآن 04:34 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين