ارجوكم ساعدوني
 

انا من المدينه المنورة وسجلت في جامعه الملك عبدالعزيز عن بعد وقبلت ابغي اعرف هل الضمان يدفعلي رسوم الدراسه وايش اسوي بضبط حتي ماتروح علي المدة جاوبوني رجاء

رد: ارجوكم ساعدوني
 

مرحبا
خذي خطاب موجه للجامعه من الضمان مفاده بأنه لامانع لديهم او مراجعه القبول والتسجيل ولديهم نماذج توقع منهم وتوقع من الضمان وربي يوفقك

رد: ارجوكم ساعدوني
 

مرحبا عزيزتي.. اول ترم اتوقع انتي تدفعينه لكن تاكدي من المعلومه لان اول ترم انا دفعت يمكن الان تغير فاتصلي وتاكدي منهم. هنا ارقام التواصل

https://admission.kau.edu.sa/Pages-



بالنسبه للاعفاء اول مايفتح تدخلي ع الرابط دا وتحطي رقم الطالب والرقم السري تبعك..وتطلع لك الحالات بما انك ضمان فاختاري الضمان وحددي ادا الضمان شخصي او انك تبع الوالد او الوالده..وبعد كدا تدخلي بيناتك وتطبعي المرفقات الموجوده..رح يكون واحد للضمان تطبعيه وتودينو يختمونوا لك وواحد للاحوال تودينو عشان يدوك برنت وبعدين ترجعي ترفعيها سكنر وع الموقع
دا رابط الاعفاء انتظري لما يفتح

http://exemptions.kau.edu.sa/?Site_I...ng=Ar&Type=Lst

رد: ارجوكم ساعدوني
 

جزاكم الله خير اختي نورا رابط الارقام غيرصحيح بس فهميني بعد مااجمع كل الاوراق هدي اروح للجامعه في جدة او يكفي ارفعها للموقع فقط
وكيف الاختبارات هنا او في جدة اشرحيلي شوي الله يسعدك

طيب جربي ترسلي لهم ع الايميل
Dcsce.Scholarship@kau.edu.sa
او ادخلي موقع الجامعه تلاقي ارقام التواصل
في اختبارات مناطق لكن المدينه مو منها
في ابها والرياض والدمام وبريده

فانتي رح تختبري في جده تجي للاختبار فقط

والاوراق يكفي ترفعينها ع الموقع وانتظري نتائج الفرز والقبول

رد: ارجوكم ساعدوني
 

انا ارسلت علي الايميل بس سمعت ان في اعفاء لمنسوبي الضمان من ترم الاول وخايفه يروح علي تسجيل

دا رابط الاعفاء ادخلي عليه شغال وكل فتره وفتره شيكي عليه لانهم يعلنون فيه متى يبدا الاعفاء

http://exemptions.kau.edu.sa/?Site_I...ng=Ar&Type=Lst


والله مااعرف انا قبل ثلاث سنوات اول ترم دفعتو انا لان من شروط الاعفاء المعدل ماينزل عن 2.50 وباقي الاترام لا كنت تبع الاعفاء..فانتي ادا وصلتك بطاقتك فيها رقم الطالب والرقم السري ادخلي وشوفي وضعك

رد: ارجوكم ساعدوني
 

ام سجاء للاسف ضمان المدينه مايشمل غير جامعة طيبه فقط انا قبلك سالت والي سالتها موظفه في ضمان المدينه ومن قرايبي يعني للاسف متاكده من المعلومه انتبهي لا تروح عليكي الجامعه الله يعينك ويسهلك امرك

رد: ارجوكم ساعدوني
 

رد احد الاخوان الموظفين بجامعه الملك عبدالعزيز

اعفاء المستجدين والمستجدات فقط لمستفيدي الضمان الاجتماعي

اذا كنتي مستفيدة من الضمان الاجتماعي جيبي من عندهم افادة انك مستفيدة منهم وسلميها للزميلات في خدمة المجتمع قسم الطالبات وياليت لو يكون اليوم عشان الوقت ولايلغى ترشيحك

عزيزتي لو راحت لخدمة المجتمع قسم النساء رح يقولون لها ارفعيها عن طريق الموقع فحرام تضرب مشوار لجده وهي في غنى عنه.. تدخل رقم الطالب والرقم السري عن طريق موقع خدمة المجتمع اللي اديتها اياه وتطبع النماذج وتروح تختمها من الاماكن المطلوبه الاحوال والضمان وبعد ماتختمها ترجع ترفعها عن طريق الموقع..احنا كل سنه نجدد الاعفاء ودي الطريقه الوحيده..انا طالبه بجامعة الملك عبد العزيز ومستفيده من الاعفاء لاني مسجله بالضمان