مقابلات اخصائي تواصل اجتماعي --في فندق كراون الفهد
 

سلام

احد سوا المقابلة المذكورة في العنوان ؟؟

وايش صار ؟؟

احد جاه رد ؟

وايش قالولكم اسم الشركة اصلا ؟؟

الوضع غريب !!

رد: مقابلات اخصائي تواصل اجتماعي --في فندق كراون الفهد
 

وعليكم السلام .. الوقت الي انت سويت في مقابله انا اعتذرت مارحت ..

لكن وصلني اتصال قريب ان فيه مقابلات الاسبوع القادم على نفس المسمى بالفندق ..

ممكن نعرف ماهي الاسئلة وكيف كانت المقابله لاهنت

رد: مقابلات اخصائي تواصل اجتماعي --في فندق كراون الفهد
 

طالب علم كم اخر 3 ارقام الي جاك منه اتصال


انا 320

رد: مقابلات اخصائي تواصل اجتماعي --في فندق كراون الفهد
 

لا 265

رد: مقابلات اخصائي تواصل اجتماعي --في فندق كراون الفهد
 

هلا والله

بيسالكم كم حرف تكتب في تويتر .. وكم حرف يبقى اذا اضفت صورة .. وكم دقيقة للفديو

وكم هاشتاق ترند تقدر تشوف في تويتر لما تدخل من المتصفح حق الكمبيوتر .. وكيف تشوف الهاشتاقات الترند الخاصة بدولة ثانية.

وبيجرب لغتكم ويتكلم معكم انقلش ...

الله يوفقكم وان شاء الله اني افدتكم..

بس تكفون بعد المقابلة ابي انطباعكم عن المقابلة وهل كل شي كان طبيعي او في شي غريب ..

رد: مقابلات اخصائي تواصل اجتماعي --في فندق كراون الفهد
 

بسم الله الرحمن الرحيم

في البداية كان فيه اختبار تجلس على لاب وتبدا اختبار 20 سوال عن السوشل مديا و 20 عن اساسيات الحاسب والبرامج

بعدها مقابلة شخصية مع شخص ويعطيك جهاز حاسب ويسئلك عدة اسئلة

# افتح حسابك بتويتر ويسئلك
# عمليات البحث بتويتر # كيف تسوي هشتاق # كيف تبحث عن الفيديو والصور # كيف تطلع الهشتاقات الاجنبية # مين تتابع
# كم حرف يبقى اذ اضفت صورة # كيف تغير المناطق الزمنية # كيف المنشن # وشو الترند # كم هشتاق يطلعلك بالجوال و كم ب الكمبيوتر

# اليتيوب
# كيف تطلع اخر مقطع نزل بالسعودية # كيف تطلع اخر مقطع نزل بالامارات

# قوقل

اخر خبر نزل الان بالسعودية ( طبعا مايبها بحث يبيها اخبار ) وتطبعه



# سرعة الكتابة يعطيك قطعه وتكتبها

# يفتحلك جميع البرامج ( اكسس اكسل وورد بوربوينت ) ويطلب منك تظبط شغله

# تحويل الملفات من وورد الى bdf


هذا الي اتذكره صراحة وجميع الطلبات الي يطلبها منك تكون معه جالس ويتابعك وانت تطبق بالجهاز يعني المقابله كلها عملي فقط

رد: مقابلات اخصائي تواصل اجتماعي --في فندق كراون الفهد
 

ها ياشباب بشروا !!
اتصلوا على احد منكم ؟ :)

رد: مقابلات اخصائي تواصل اجتماعي --في فندق كراون الفهد
 

لأحس ولا خبر ، والمشكله مدري من أراجع الموقع ماعرفه لأن الفندق مقابله بس والارقام كانت مؤقته ومقفله

رد: مقابلات اخصائي تواصل اجتماعي --في فندق كراون الفهد
 

ياااا ساتر أنا نسيت من هالشركة !!

مع العلم أني أختبرت على اللاب توب وبعدها دخلت عند واحد يسألني عن حسابي في تويتر وعن اخر الاخبار وكذا .. ثم قالوا انتظر شوي !! وجاني واحد وقال عرف بنفسك بالانقلش وتكلم المهم خلصت وقالوا انتظر برى.. انتظرت ولقيتهم محددين لي مقابلة مع لجنة التوظيف في اليوم الثاني !!
وفعلا رحت اليوم الثاني وسويت المقابله مع لجنه التوظيف وكانوا اربعه او خمسه اشخاص وكلهم سعوديين .. وقبل ادخل طلبوا حسابي في تويتر !! ودخلت عليهم ولقيتهم فاتحين صفحتي ويناقشوني في المواضيع اللي اكتبها !! ومن تتابع من الكتاب ومن المذيعين وكذا .. وبعدها لا حس ولا خبر الى اليوم!!! حوالي 6 شهور!

بالنسبة للي يسأل عن اسمها .. اسمها شركة الحلول الناجحة
وسئلتهم عن موقعهم قالوا لي تقاطع التخصصي مع العروبة .. لكن فين بالضبط الله اعلم.