اخوي المنتصر بالله رد على سؤالي جزاك الله كل خير ورحم الله والديك
السلام عليكم ورحمة الله وبركاته
خواتي فئة ايتام يستلمون راتب تقاعد الوالد الله يرحمه واموات المسلمين 2000 ريال ويستلمون من راتب اختي المتوفيه حق التامينات الله يرحمها لانها بعد وفاة ابوي كانت تصرف عليهم 800 ريال لكل وحده منهم يعني 1600 للثنتين الزبده تفاجئوا اليوم باسقاطهم كلهم من الضمان مع بعض سؤالي هل اللي يستلمونه تعدا الحد المانع او انه فيه مشكله ثانيه مع العلم انهم كاتبين السبب تجاوز الحد المانع السؤال الثاني وحده منهم برصيدها تبع بطاقة الضمان 3000 لان البطاقه منتهيه قبل الاسقاط هل يحق لها تطالب فيهم او لا وجزاكم الله كل خير |
رد: اخوي المنتصر بالله رد على سؤالي جزاك الله كل خير ورحم الله والديك
وعليكم السلام
يأخذون كشف بنصيب كل واحده منهن من مؤسسه التقاعد والتأمينات ويطالبون الضمان بالفصل كل واحده لوحدها لأن الحد المانع للفرد الواحد 2001 ولعدد 2 هو2570 اما المبلغ الموجود بالصراف فمن حقهم المطالبه به ويزود الضمان برقم حسابهم وينزل لهم بعد تحويل المبلغ |
رد: اخوي المنتصر بالله رد على سؤالي جزاك الله كل خير ورحم الله والديك
المشكله ياخوي ان كل وحده مسجله لحالها بالضمان لانهم كبار هم مو صغار وحده عمرها 52 والثانيه 66 خواتي الكبار وحده مطلقه بدون اطفال والثانيه ماحصل لها نصيب وكل وحده ينزل ضمانها على بطاقتها الخاصه بها
|
رد: اخوي المنتصر بالله رد على سؤالي جزاك الله كل خير ورحم الله والديك
اقتباس:
سعديه نصيبها من تقاعد ابوها من مؤسسه التقاعد 1100 ريال ونصيبها من التأمينات 800 ريال يجمع هذا المبلغ ويكون الناتج 1900 وهنا يأتي الاعفاء من الدخل لأن الدخل اقل من 2000 وتاخذ المعاش كامل الان المطلوب احضري كشف من التقاعد والتأمينات وموضح فيه نصيب كل وحده اذا اقل من 2001 راجعوا الضمان بالكشف وافهموهم ان نصيب كل واحده مثلا 1900 ومن حقهم الضمان يارب انك فهمتيني اذا مافهمتيني ترى ابنتحر ههههههه بالتوفيق |
رد: اخوي المنتصر بالله رد على سؤالي جزاك الله كل خير ورحم الله والديك
فهمت الله يطول بعمرك ويخليك والله ماقصرت جعل ربي يفرج لك كل كربه بس كنت احسبك فاهم انهم صغار وضمانهم واحد الله يوفقك يارب بس اعجبتني سعديه 😂😂
|
رد: اخوي المنتصر بالله رد على سؤالي جزاك الله كل خير ورحم الله والديك
هههههههههههههههههههه الله يخليك اخوي المنتصر
ويعطيك العافيه على المجهود الكبير ويخلي سعديه هههههههه |
رد: اخوي المنتصر بالله رد على سؤالي جزاك الله كل خير ورحم الله والديك
والله يااخ مرزوق لما حسبناها صح طلع كل وحده فيهم تاخذ 2014 ريال يالله الله يعوضهم خير وانت الله يعطيك العافيه ماقصرت
|
رد: اخوي المنتصر بالله رد على سؤالي جزاك الله كل خير ورحم الله والديك
الله يعوضكم خير ويبارك لكم بالباقي يعطيك العافيه يالمنتصر بالله صراحة سعدية كفّت ووفّت :d:h |
رد: اخوي المنتصر بالله رد على سؤالي جزاك الله كل خير ورحم الله والديك
اقتباس:
الفرق بسيط 14 ريال وهنا يأتي دور الاستثناء وعليكم مراجعه الضمان ويتم افهامهم ان الفرق 14 ريال وتطلبون استثناء من هذا المبلغ فهناك الالاف تم استثناءهم من 40 او 80 او 100 ريال وهو مبلغ تافه وليس عائق للمعاش الضماني ربي يوفقكم |
رد: اخوي المنتصر بالله رد على سؤالي جزاك الله كل خير ورحم الله والديك
الله يسعد قلبك مثل مااسعدت قلبي وحطيت لي بصيص من الامل ولاكن كيف نسوي الاجراءات هاذي ووش المطلوب الله يوفقك وييسر امرك ويروحون لمكتب الضمان ولا وين يروحون ياليت تدخل الموضوع مره ثانيه وترد جزاك الله خير
|
الساعة الآن 01:00 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين