|
محتاجه فاعل خير يساعدنا بسياره نقل يشتغل زوجي فيها لظروفنا الصعبه عساها بميزان حسنات من يساعدني
السلام عليكم ورحمه الله وبركاته أتمنى من الله ثم منكم انكم تساعدوني وتدلوني ع شخص فيه الخير زوجي تقاعد بسبب مرض جلدي اكزيما شديده مع داء الصدفيه كان عسكري بالجيش وتقاعد قبل اكثر من سنه بتقرير طبي وزوجي من اللي شاركو بحرب الخوبه بالحد الجنوبي عام 30 هـ وكان من اللي بالحد حاليا لكن ظروف المرض أعاقته وأجبروه ع التقاعد بسبب عدم أهليته الطبيه رغم انه حاول باللجنه الطبيه أنه يظل بعمله بس رفضو عسى الله يعوضه ويكتب له اللي فيه الخير حاليا راتبنا 3290 ريال وقسط الراجحي 800 ريال واجار بيت 1500 مع المويه والكهرباء توصل شهريا الى 2000 وعندي طفلين ويعلم الله مايبقى من الراتب شي بيومه يطير وزوجي ماعند شهاده غير ابتدائي ومايقدر حاليا على اي عمل مجهد ..لان مرضه يتأثر بالحراره والغبار والمجهود ويحتاج راحه نفسيه ومن فين تجي الراحه النفسيه وهم كل هالمصاريف والالتزامات والديون اللي تراكمت عليه بسبب قل الراتب ووالد زوجي رجل كبير بالسن عايش ع الضمان وزوجي كان يقوم بأحتياجاتهم ومعتمدين عليه ولازال يعطي لكن قل الماده ضيقت علينا عيشتنا زوجي يبي سياره ميكروباص صغيره يشتغل عليها لعل الله يفتحها علينا وتزين امورنا ونقدر نسدد ديوننا ونحسن وضعنا المعيشي جهات الدعم طرقناها كلها لها اشتراطات تعقد وماتيسرت معنا تكفوووون دلوني على احد ربي منعم عليه يساعدنا ويشتري لنا ذا السياره يقدر زوجي يترزق منها وترتاح نفسيته عسى الله يفتحها على من يساعد دنيا واخره ولايحرمه الاجر والله ماتمنيت اطلب أحد لكن الامور تعسرت معنا ومازلت متفائله ...وجالسين نحاول بللي نقدر عليه لكن عندي امل انو لازال في اناس بيننا فيها الخير الكثير والناس للناس ساعدونا ولكم الأجر ان شاء الله وادعولي بالوظيفه لأني تعبت وأنا أدور ياااااااارب ابعث لي من البشر أكرمهم..... |
رد: محتاجه فاعل خير يساعدنا بسياره نقل يشتغل زوجي فيها لظروفنا الصعبه عساها بميزان حسنات من يساعدني
الله يفرج همكم ويكون بعونكم أكثروا من الاستغفار
|
رد: محتاجه فاعل خير يساعدنا بسياره نقل يشتغل زوجي فيها لظروفنا الصعبه عساها بميزان حسنات من يساعدني
اذا عنده تقرير طبي ياخذه ويروح لااقرب تاهيل شامل يصرفون له راتب شهري
بس تقرير جديد مامضى عليه اكثر من سنه؛؛؛؛؛؛؛؛؛ بعدين ليش فاتورة كهرب 2000 شكلك غلطانه ؟ وشيء اخير توظفي انتي اي شيء وساعديه ومع تقاعده وراتبك لاتوظفتي بتزين شوي ان شاءالله وبعدها طلعي قرض لاتوظفتي واشترو سياره وشوفو شركة اليسر للتقسيط ولوتسكنين مع اهله افضل عشان تفتكون من ايجار واسالي بقسم ضمان اذا يعطون زوجك مقطوعه اولا بس تاهيل ضروري يروح ولاباس عليكم |
رد: محتاجه فاعل خير يساعدنا بسياره نقل يشتغل زوجي فيها لظروفنا الصعبه عساها بميزان حسنات من يساعدني
الله يفرج همك ويرزقكم ياريت لو تكتبين اسم المدينة افضل
|
رد: محتاجه فاعل خير يساعدنا بسياره نقل يشتغل زوجي فيها لظروفنا الصعبه عساها بميزان حسنات من يساعدني
يجزاكم خير كل اللي رديتو مشكورين ع الدعوات الصادقه
وحابه اقول انا ماذكرت كل شي واختصرت قدر الامكان وماطلبت ونزلت الموضوع الا بعد محاولات كثيره ل اصلاح الوضع ربي عالم فيها انا خريجه من 9 سنوات وماتركت مكان ماقدمت فيه وكنت اشتغل بالبيت بشغلات كثيره بس ماش ماخارج معي المصروف يعني انا مو جالسه سعيت واذا الله لسه ماكتب لي نصيب بوظيفه فهي لحكمه هو اعلم فيها ولازلت في سعيي واهل زوجي مااقدر اجلس عندهم بيتهم شعبي وماعندي مجال اسكن معهم وفي اخو لزوجي عزابي بالبيت واخت زوجي ارمله واولادها كبار معهم بالبيت صعب جدا اسكن معهم وانا ماعندي مكان انا ذكرت لكم لو في حل ماوفرته وانا ماذكرت كل ظروفي لاني مليت خلاص اختصرت طلبي لعل وعسى رب العالمين يفرجها وانا من مركز صغير تابع لمحافظه محايل عسير |
رد: محتاجه فاعل خير يساعدنا بسياره نقل يشتغل زوجي فيها لظروفنا الصعبه عساها بميزان حسنات من يساعدني
والتأهيل الشامل قدم عليه زوجي ورفضو حالته قبل سنه كان يصرف لمثل حالاتهم والحين تغير النظام
والضمان الاجتماعي فقط راح يصرف 500 لمده سنتين فقط وتقطع ابدا مو شي يعتمد عليه |
رد: محتاجه فاعل خير يساعدنا بسياره نقل يشتغل زوجي فيها لظروفنا الصعبه عساها بميزان حسنات من يساعدني
وانا ماقصدت فاتوره كهرباء 2000 شهريا فهمتني غلط ياخوي
انا قصدي مع اجار البيت المويه والكهرباء توصل ل 2000 ريال شهريا قصدي مع الاجار |
رد: محتاجه فاعل خير يساعدنا بسياره نقل يشتغل زوجي فيها لظروفنا الصعبه عساها بميزان حسنات من يساعدني
وعليكم السلام
اسأل الله الكريم ان يفرجها عليكم اردت الافاده بمايلي بالنسبه للضمان على زوجك ان يقدم عليه عددكم 4 والحد المانع هو 3710 ومعاش زوجك هو 3290 ويكون الاستحقاق الشهري هو 420 ويجبر هذا الرقم ليصبح الاستحقاق هو 500 ريال كذلك يستحق اعانه الكهرباء شهريا 114 اذا المناخ معتدل وكذلك اعانه غذاء بمقدار336 ريال شهريا وكذلك المساعده المقطوعه المطلوب الهويه وسجل الاسره والتقرير الطبي ومشهد من مصلحه التقاعد بالمعاش التقاعدي كذلك بامكانه التقديم على مؤسسه الوليد الخيريه لطلب سياره وسكن ربي يوفقكم |
رد: محتاجه فاعل خير يساعدنا بسياره نقل يشتغل زوجي فيها لظروفنا الصعبه عساها بميزان حسنات من يساعدني
المنتصر بالله
جزاك الله خير لتوضيح بعض الامور إلي مااحد وضحها من الموظفين لما راح زوجي يقدم ع الضمان الف شكر لك وفعلا المبلغ اللي يجي من الضمان 500 فقط قدمنا قبل شهرين ولسه ماصرفت يمكن هالشهر بس الحال ماراح يتعدل بدون شغل اضافي عسى الله ييسرها لان كل شي صار غالي واللي كان يكفي زمان مستحيل بزمننا هذا يكفي خصوصا اذا الشخص كمان مسؤول عن اهله الله يرزق الجميع |
رد: محتاجه فاعل خير يساعدنا بسياره نقل يشتغل زوجي فيها لظروفنا الصعبه عساها بميزان حسنات من يساعدني
ربي يوفقكم
شئ مهم ورب الكعبه ارفعي يديك لخالقك مابين الاذان والاقامه وخاصه بصلاه الفجر وبأذن الله ستفرج |
| الساعة الآن 10:13 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين