التأمينات الأجتماعية (الله يفرج همكم) ؟
 

السلام عليكم ..


اخواني انا لدي مشكلة وودي اقولها لكم ..


لقيت اعلان عن احد المدارس ورحت وقدمت السيرة الذاتية لي لهم ، وقالوا خلص اجرائاتنا (الأدلة الجنائية ، فتح حساب ، كشف طبي...) وتعال داوم الثلاثاء (امس) !


رحت امس وداومت وباقي ماوقعت على العقد ، وللأمانة المدرسة ما اعجبتني مارتحت فيها نفسياً ، يعني احس اني في سجن ابو غريب ! ، غرفة المعلمين صغيرة ومافي مكان وحطوا غرفة جلوسي في المعمل !


يعني اشرح للطلاب واذا خلصت اروح للمعمل !!!



جيت وقلت لهم خلاص انا اسف بنسحب لظروف خاصة ، قالوا اسمك مسجلينه في التأمينات الأجتماعية !


وفعلاً حصلت اسمي مسجل !!


بأي حق يسجل اسمي وانا ماوقعت وماداومت الا ساعات ! (قالوا مسجلينه من الخميس يوم قدمت لنا السيفيي) !!!


قلت طيب ياليت تزيلون اسمي !


قالوا ، مانقدر نزيل اسمك ، حنا كمدرسة نعطي التأمينات الاجتماعية المبلغ عنك (مافهمت وش يقصدون) ، قالوا تبينا نزيل اسمك عندنا 3 خيارات !

1- يا انك تكمل شهر معنا وتستلم راتب الشهر وبعدها نزيلك !

2- او انك تكمل معنا اسبوعين ونشوف موظف اخر غيرك وبعدها تنزل لك فلوس التأمينات ونخصم منها 1300 بيبقى لك حدود 1200 ريال هاذي لك !

3- او انك تدفع الأن لنا 1300 ريال عشان نزيل اسمك !




انا ياخوان المدرسة ماواطنتها ، كلهم اجانب ومكان جلوسي فقط في المعمل ، ودي ارجع زي قبل عاطل ولا استمر معهم !



فما ادري ياخوان وش الحل ؟؟ ، المشكلة يقولون نزيل اسمك الأن تدفع لنا 1300 ريال !

دقيت على التأمينات الاجتماعية وشرحت لهم المشكلة وقالت الموظفة لو تسحب منهم الأن افضل لك لان بعد 5 ايام بنودع المبالغ !! قلت لها هم طالبين مني 1300 ريال عشان يزيلون اسمي ، قالت والله مالنا علاقة بهالشيء ، وسألتها هل يحق للمدرسة تطلب مبلغ لأزالة الأسم ؟ قالت والله مادري !

تكفون وش الحل في وجهة نظركم ؟؟

رد: التأمينات الأجتماعية (الله يفرج همكم) ؟
 

وسوال اخر ياخوان ، لو نزل لي الراتب من عندهم وازالوا اسمي هل بتكون علي مشاكل ؟؟


لاني سمعت من شخص قالي طالما الجهة سجلت اسمك فخلاص اسمك راح ، يعني حتى لو فصلت ورحت لأي وظيفة في القطاع الخاص بيقولون لك الله معك لانهم مايبون احد قد تسجل اسمه في التأمينات !


لانهم يدعمون الشخص مرة واحدة في جهة واحدة !

لا مالها دخل عادي تستقيل وتقدم وظيفة اخرى هذا بالنسبة للقبول.

الحل تروح لمكتب العمل . انا مثلك اشتغلت بشركة وما عجبني الوضع بعد شهر وقلت بستقيل قال لي لازم تقول لنا قبلها بشهرين قلت شيل اسمي . المهم رفض قلت خلاص بروح مكتب العمل وشال اسمي في غضون ساعات
الحل ﻻن مكتب العمل لو يدري ان مستغل اسمك راح يقفل المنشأة عليه . وكويس انك م وقعت العقد معهم هذا شيء مسكته عليهم.
رح لهم مرة أخرى إذا رفضوا قول بقدم شكوى ﻻنكم سجلتوا اسمي بدون توقيع عقد وانكم تقولون ادقع حتى نزيل اسمك من التأمينات . خلك معهم شديد.

قدم شكوى لمكتب العمل . وبالتوفيق

رد: التأمينات الأجتماعية (الله يفرج همكم) ؟
 

والله ياخوي اني جايهم بشدة ، والمشكلة صاحب المنشأة سعودي ومتدين !!

داومت امس وماعجنبي الوضع وجيت اليوم قلت له بستقيل ،يقول مانقدر نزيل اسمك ، وانا ماوقعت عقد عمل معهم !


المشكلة اسمي مسجل في وزارة العمل وفي التأمينات الاجتماعية !


فهل لو جيت مكتب العمل يزيل اسمي من عندهم ومن عند التأمينات ؟؟


لاني حاس بغبنة وقهر ، مانزيل اسمك الا اذا دفعت 1300 !!

رد: التأمينات الأجتماعية (الله يفرج همكم) ؟
 

مطاوعة هالزمن مش حالك :Thumbs_down:

على العموم قدم شكوئ رسمية لوزارة العمل ... هذولا ما يجيب لهم الضراط الا وزارة العمل

رد: التأمينات الأجتماعية (الله يفرج همكم) ؟
 

انصحك تروح لمكتب العمل وتشرح لهم المشكلة وباذن الله تلقى احد يستجيب معك ، مكتب العمل متعاونين جدا. او قدم شكوى عليهم.

رد: التأمينات الأجتماعية (الله يفرج همكم) ؟
 

الامر عادي

تقدر تبعد نفسك من التامينات
1/ من الموقع اون لاين ولاكن يجب مرور 30 يوم من تاريخ تسجيلك
2/ من خلال مكاتب العمل هدف
3/ من خلال صاحب المنشأة

لا تقهر نفسك ولا شيء.
جرب خليك شهر واستقيل منت خسران، بيعطوك راتب وبعدين يشيلوك.

موفق

رد: التأمينات الأجتماعية (الله يفرج همكم) ؟
 

ال1300..هذا حق الشرط الجزائي بس شكلهم ماقالولك من البدايه لانك ماكتبت العقد معهم..وهذا يحطونه عشان يضمنون الموظف خلال 3 شهور يكون عندهم صارت لاحد مننا بس الشرط 2000بس قالو قبل لايكتب العقد ..وفي بعضهم يحط لمده سنه...فانت طالب بالعقد اولا وشوف على اي اساس اخذ 1300..

رد: التأمينات الأجتماعية (الله يفرج همكم) ؟
 

هاذي الكارثة مطوع وشايب !

وهذا الي بيصير بإذن الله ..

رد: التأمينات الأجتماعية (الله يفرج همكم) ؟
 

بإذن الله بروح لهم بكرة ، بس حبيت اسأل وين موقع وزارة العمل عشان اقول لهم مشكلتي ؟ وساعات عملهم من متى الى متى ؟



هنا المشكلة ماقدر استبعد الا بعد مرور 30 يوم من التسجيل !

والخيار الثالث صاحب المنشأة رافض هالشيء الا اذا دفعت 1300 ريال > ماداومت الا يوم والمفروض هم يعطوني ويبوني اعطيهم ! والكارثة هم الي مسجليني بدون ما اوقع اي عقد معهم !

وبإذن الله بروح لمكتب العمل غداً وبشوف وش الوضع ..






يومين ماتحملتهم ، اجلس شهر !


المشكلة والطامة الكبرى انهم بيضغطون علي وبيقولون ماراح نعطيك راتبك الا اذا وقعت العقد !!! > وهذا الي اجزم انه بيصير !


والخوف يكون في شروط العقد انهم يحق لهم يفصلوني بأي وقت يبون وانا ماقدر استقيل الا اذا دفعت مبلغ محدد (وهذا العقد متواجد في بعض المنشأت) !



^ وهذا ما استبعد انه يصير ، طالما اسلوبهم كذا في البداية ، فأكيد بيستنجسون في هالمسألة ..

رد: التأمينات الأجتماعية (الله يفرج همكم) ؟
 

شرط جزائي من اي ناحية ؟؟

اذا تقصدين من ناحية المدرسة فانا بالأساس ماوقعت على اي عقد عمل لديهم ، فكيف يحطون علي شرط جزائي !


واذا تقصدين الشرط الجزائي من التأمينات ماعلم عن هالشيء ، لكن على كلام المسؤل يقول طالما اننا مسجلينك في التأمينات فنحن مجبورين نسدد لك عندهم من حسابنا فأنت لو تعطينا 1300 حنا نسددها لك ونزيل اسمك الأن (حاس انه يكذب لان ماتوقع هالشي صحيح) !



واصلاً لو انا موقع معهم على اي عقد فأستاهل مايجيني لاني موقع بنفسي وفعلاً يحق لهم يسجلوني في التأمينات ، لكن الكارثة ماوقعت اي عقد معهم وهم بنفسهم مسجليني في التأمينات (مع اني ماوقعت اي عقد) ، فكيف اطالب بالعقد وانا ماوقعت شي !


،


سوال ياخوان مكتب العمل وين فيه ؟ وساعات عملهم من متى إلى متى ؟ الله يجزاكم خير افيدوني ..

رد: التأمينات الأجتماعية (الله يفرج همكم) ؟
 

رد: التأمينات الأجتماعية (الله يفرج همكم) ؟
 

السلام عليكم ..

جزاكم الله خير لكل شخص رد وافادني او حاول يفيدني ..


الخميس ماداومت ذهبت لفرع التأمينات الاجتماعية في غرب الرياض (والفرع فاضي جداً) واخبرتهم بالمشكلة وانهم سجلوا اسمي من مجرد تقديم السيفي ولم اوقع عقد عمل ، وسالني مرتين هل وقعت عقد عمل ؟ واجبت له (لا) ..

قال طالما انك لم توقع عقد عمل فليس من حق المنشأة تسجيل اسمك وليس من حقها اساساً تطلب مبلغ لاجل ازالة الأسم !

فقالي سجل في موقع التأمينات واعطاني الخطوات ، وقال قدم شكوى وحنا بنعطيهم 10,000 ريال غرامة وبنزيل اسمك بالكثير خلال 20 يوم ..


اخبرت ادارة المدرسة في الواتس يوم الجمعة انني ذهبت الى التأمينات واخبروني انه ليس من حقكم تسجيل اسمي بدون توقيع عقد عمل وليس من حقكم إطلاقاً طلب مبلغ 1300 ريال لأجل ازالة اسمي ! ، فطلبت منهم بشكل ودي ازالة اسمي او بضطر وارفع عليكم شكوى وتتغرم المنشأة بـ10 الف ريال ..


وردوا علي اليوم في الواتس واخبروني انه تمت ازالة اسمي > ناس ماتجي الا بالعين الحمراء ..



،

المهم ياخواني لدي استفسارات :

1- دخلت موقع التأمينات وتحققت من الأشراك وقالي (. لست على رأس العمل حالياً ولديك مدة اشتراك سابقة) فما ادري وش معناتها ؟

2- سجلت دخولي في حسابي في التأمينات الاجتماعية وضغطت على (عرض مدة الاشتراك) قالي هالشي !

http://dc21.arabsh.com/uploads/image...414f64f505.png


فما ادري وش معناته ؟ مكتوب سبب الاستبعاد "استقالة" وهذا شي جيد ، لكن حالة الاشتراك "استبعاد يحتاج إلى تصديق1" ! فما ادري التصديق من طرف مين وكيف اصدقها ؟


3- دخلت على موقع وزارة العمل ، ولقيت اسمي مكتوب ومكتوب (لازال على رأس العمل) !!!


فما ادري وش هالتناقضات !



الله يجزاكم خير افيدوني ..

رد: التأمينات الأجتماعية (الله يفرج همكم) ؟
 

كويس يعني ف الغالب زالوا اسمك اتوقع . ا رجع للتامينات وخلهم يشوفون الحالة وبفيدونك انا اشتغلت فترة وبعدها يوم استقلت كاتبين لست على راس العمل ولديك مدة اشتراك سابقة اللي هي قد اشتغلتها ف التامينات .

ارجع لهم وبفيدونك

رد: التأمينات الأجتماعية (الله يفرج همكم) ؟
 

......

رد: التأمينات الأجتماعية (الله يفرج همكم) ؟
 

مااعليش مانتبهت للردود ؟؟؟

رد: التأمينات الأجتماعية (الله يفرج همكم) ؟
 

رد: التأمينات الأجتماعية (الله يفرج همكم) ؟
 

انا مستقيل من شهرين واسمي الغي من التأمينات لكن اسمي ﻻ زال على رأس العمل في وزارة العمل .

وش الحل

رد: التأمينات الأجتماعية (الله يفرج همكم) ؟
 

قدم على مكتب العمل بيخلونهم يمشون سيده

رد: التأمينات الأجتماعية (الله يفرج همكم) ؟
 

وضعك كمستقيل خطا اصلا
ماوقعت عقد يعني لم تكن على راس عمل ولم يتم صرف راتب لك ولايوجد لك اي سجل بالتامينات

اما لو وقعت عقد وقدمت استقاله وتم صرف راتب لك بعدد ايام المباشره سيكون لديك سجل تامينات ومنتهى بسبب الاستقاله

رد: التأمينات الأجتماعية (الله يفرج همكم) ؟
 

تقدم بشكوى رسمية في التامينات الاجتماعيه