الله يسعدكم .. احتاج مشورتكم ومساعدتكم بعد الله ( زوجي عسكري مفصول )
السلام عليكم ..
الله يسعد ايامكم ويرزق الجميع الخير والرزق الحلال زوجي فصل من عمله برغبته من ضغوط العمل وحطني تحت الامر الواقع ( كان عسكري بالامن العام ) بعد خدمه 10 سنوات وعمره 33 الله كاتبله كذا قدر الله وماشاء فعل والحمدالله على كل حال وهو حالياً يسعى لوظيفه تناسب ان معه خدمه عسكريه وانا حاليا انا وياه شبهه منفصلين واهلي ضاغطين علي اتركه وانا ابي اساعده بوظيفه رغم انه يدور فاللي يعرف وظايف تناسب مؤهلاته ( شهادة ثنوي + خدمه عسكرية 10 سنوات ) انا قريت ان وظايف مسمى أمن وسلامة تقبله بس وين ؟ الله يخليكم دلوني على وظايف بجدة او مكة او الطايف الله لايحرمكم الاجر انا ع وشك انهار وابي مساعدتكم ودعواتكم والله يوفق الجميع لما يحبه الله ويرضاه |
رد: الله يسعدكم .. احتاج مشورتكم ومساعدتكم بعد الله ( زوجي عسكري مفصول )
الله يعوضه خير منها اي يقدر على وظايف حراسات امنيه اكيد راح ياخذونه خصوصا معه خبره 10 سنوات
يقدم على الوظايف بشكل يدوي وملفه معه افضل له وياخذ الشهادات معه والله يرزقه انصحه يقدم على حراسات امنيه بالبنوك او شركات امنيه تابعه للبنك رواتبهم زينه |
رد: الله يسعدكم .. احتاج مشورتكم ومساعدتكم بعد الله ( زوجي عسكري مفصول )
اقتباس:
حراسات امنيه يعني حارس امن ؟ بس رواتبهم قليله وهو عليه قرض يعني يدور وظيفه راتبها مقبول قالو له عن شركة الكهربا بالامن الصناعي بس ماهم فاتحين تقديم .. ولا يروح لهم بملفه ؟ |
رد: الله يسعدكم .. احتاج مشورتكم ومساعدتكم بعد الله ( زوجي عسكري مفصول )
نعم وظائف الامن والسلامه وايضا تغذيه الصرافات الاليه يعني وظيفته نقل اموال وحطها بالصرافه
الله يسهل اموركم يارب |
رد: الله يسعدكم .. احتاج مشورتكم ومساعدتكم بعد الله ( زوجي عسكري مفصول )
اقتباس:
كخبرة التي لديه بعض شركات حراسات الأمن تضعه مشرف أو مسؤول وليس كل شركات الأمن رواتبها ضعيفه كل شركة ولها سلم رواتب محددة أنا أعرف أحد شخصية كان بالعسكرية وقدم أستقالة وع طول تقدم بشركة حراسة الأمن وحطوه مدير للفرع وراتبه ما يقل 9000 ريال غير البونص واموره الحمدلله ماشيه أهم الشيء السعي وبأذن الله يحصل وظيفة يرتاح فيها وفق الله الجميع |
رد: الله يسعدكم .. احتاج مشورتكم ومساعدتكم بعد الله ( زوجي عسكري مفصول )
نص محامي .. اللهم امين ويكتبلك الخير وللجميع جزاك الله خير |
رد: الله يسعدكم .. احتاج مشورتكم ومساعدتكم بعد الله ( زوجي عسكري مفصول )
اقتباس:
طيب الله يسعدك مثل وش الشركات ويروح لهم بملفه ولا ينتظر اعلانات النت ؟؟ |
رد: الله يسعدكم .. احتاج مشورتكم ومساعدتكم بعد الله ( زوجي عسكري مفصول )
بعض الشركات الامنيه التقديم يدوي وهذا الافضل يقدر يراجعهم حتى يتوظف اما من النت ليلهم طويل قبول مبدئي وبعدين مقابله وبعد المقابله قبول نهائي وتاخذ وقت طويل بالذات وظايف النت المعلنه من اي جهه اما القطاع الخاص يمديه يشوف اي شركه رواتبها عاليه ويروح لهم خصوصا معه خبره على طول يأخذونه واحتمال يمسك منصب بحكم وجود خبره طويله معه والله يسهل امره يارب
|
رد: الله يسعدكم .. احتاج مشورتكم ومساعدتكم بعد الله ( زوجي عسكري مفصول )
الاخت الكريمه ماقصروا الاخوان وماخلو لي شي علشان افيدك ولكن بوجه نصيحة ولو انها مو في الموضوع زوجك لاتخليه مهما صارت الظروف وفكري في الاولاد ترى المرأة الحقيقيه اللي تقدم التضحيات اسال الله ان يوفق زوجك ويوفقك ويوفق اولادك
تحياتي |
رد: الله يسعدكم .. احتاج مشورتكم ومساعدتكم بعد الله ( زوجي عسكري مفصول )
السلام عليكم ورحمة الله وبركاته
شوفي ياختي الكريمة مثل ماقالو الاخوان اغلب شركات الحراسات الامنية توظفة بشكل مباشر وبما انه معة خبرة عسكرية احتمال كبير راح يتوظف مشرف أمن او رئيس أمن . غير شركات الحراسات الامنية في الفنادق |
الساعة الآن 08:28 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين