|
ليه تفضل(ين) الاجنبي على السعودي
مساء الخير
حبيت اطرح لكم هذا الموضوع والحقيقة الهدف منه الاستطلاع ومعرفة الاسباب السؤال هو لماذا تثق المرأه السعوديه في سائق الليموزين الاجنبي اكثر من السعودي لماذا يثق معظم السعوديين في دخول الاجانب (السباك-الكهربائي -الفني) لبيوتهم حتى لو كان ليس موجودا في البيت واهله موجودين بل بعضهم يوصي ام العيال تراقبه . اعرف ان معظمكم راح يجاوب ويقول الاجنبي ماراح يتجرأ ويسوي اي شئ في زوجاتنا وبناتنا وبعضكم راح يقول الاجنبي ماعنده شوق ولهفة للنساء مثل السعودي بس الموضوع اكبر من كذا بس اتمنى من الجميع يتفاعل مع الموضوع ويتكلم بكل صراحة ومن وجهة نظره لاننا للاسف شوهنا سمعة سائق الاجرة السعودي لدرجة اعرف بعض الاشخاص يقول حتى المرأه الاجنبية ماتطلع معي تقول بنت بلدك ما وثقت فيك تريد مني اثق فيك |
انا وحده احب السواق السعودي..
واثق فيه اكثر من الاجنبي.. ويكفي انه محترم.. بس شغله لاحطتها.. بالشرقية السواق السعودي ساكت... بالرياض يتشكى.. بجدة كثيرة هذرته.. البيت ما يدخله اي رجال من خارج العائلة الا بوجود ابوي او احد اخواني.. |
اقتباس:
مشكورة اختي على مشاركتك بس اذا انتي تثقين في السعودي غيرك عشرات ما يثقون وحتى الاجنبي اللي يدخل البيت فيه نا س كثير لاحظت عليهم هذا الشئ ويسمحون للاجنبي وكأنه من اهل البيت والله يشفي اخوانك يارب |
و الله يا خوي يعتبرون الاجنبي مو رجال يعني عادي
لكن السعودي فضيحه يعني السمعه تروح فيها على قار -------------------------------------------------------------------- الشي الثاني كنت مره اشتغل بمحل حاسب المهم كان جارانا ( محل طبعن ) عنده بنقالي و المحل اللي اشتغل فيه فيه سعوديين المهم كل ماجاء زبون ينظرنا نظره استحقاااااااااااااار و ياخذ جهازه و يوديه عند البنقالي بعد تحريااااات على المحل الثاني اكتشفنا ان السعوديين يثقون في البنقالي و لا يثقون بالسعودي و السلام عليكم ----------------------------- |
اقتباس:
وهذا اللي اقوله ياخوي للاسف فيه ناس تنظر ان الاجنبي عنده ذمه وامانة اكثر من السعودي:confused: والسعودي مايعرف يسوي اي شئ مهما كانت عنده من شهادات شاكر لك مرورك ويعطيك العافيه |
بصراحة
أنا فرحت كثير لسعودة التكاسي وبخصوص دخول العامل للبيت ومراقبته من قبل الزوجة او الام الحمدلله مو عندنا لا سعودي ولا أجنبي أتمنى البلد كلها تتسعود وتخف العمالة الأجنبيه ويستفيد شبابنا ويفيدونا. شكراً لك. |
اقتباس:
اولا اختي لانحط رؤوسنا في التراب ونقول مو موجود هذا الشئ عندنا اكيد الكل سمع بقصة السباك اللي كانت عنده صور سيده ما سألتوا انفسكم كيف اخذ الصور شاكر مشاركتك |
لي قصة بهذا الموضوع كنت بأحدى المواقف الخاصة بسوق تجاري وانا نازل بسياره وشخص اجنبي نزل مثلي (مسفط جنبي) وحدثة مشكله في سيارة عائليه دخان او عطال وبها بنات والسائق بالمحل ومحرك السيارة يعمل اذا بأحد البنات يقوموا بالتحدث الى الاجنبي ودخل سيارتهم الخاصة وقام بأطفاءه وانا انظر الى المنظر فقالت في نفسي والله ودي اخدمهم لكن عندهم حساسية من البيض والسمك والسعودي بكيفهم وسلامتكم........:mad:...... شكراً للموضوع محبكم متحدي البطالة |
اقتباس:
اذا على هذي السالفة وانا اخوك فيه عندي منها كثير وهذا يثبت ان بناتنا ما يثقون في السعودي مهما حاولوا انكار هذا الشئ |
لا ماهي السالفه عدم ثقه السالفه حياء من السعودي واستضعاف للاجنبي
ولكن انا من ناحيتي لو بركب ليموزين بروح مع السعودي واعطيه زياده بعد لاني ارحممممممممممهم حتى مساكين مايطلبون قيمه التوصيل الا بنفس ذليله واطلب من الله العلي القدير السميع المجيب انه يرفع الشعب السعودي ويرزقه وانا مع السعودة في كل شي بس لازم نبدا نحن بالتقبل نغير تفكيرنا الغلط |
| الساعة الآن 12:12 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين