|
استفسار عن الاسئله في مقابلة ريادة ؟
السلام عليكم ورحمة الله وبركاته .. كيفكم ايها الاعضاء .. طيبين ان شاء الله وعلى احسن حال ..
انا مقدم على مشروع قرطاسيه وخدمات طالب ومقابلتي في رياده يوم الاثنين القادم باذن الله .. وطبعا جمعت معلومات عن مشروعي قد ما اقدر .. واتمنى منكم تفيدوني بالاسئله المتوقعه في المقابله عشان نتجهز للاجابه عليه .. اتمنى من الجميع الرد والمشاركه ولكم تحياتي |
رد: استفسار عن الاسئله في مقابلة ريادة ؟
والله ماعندي فكره بس الله يسهل امرك وبالتوفيق يارب
|
رد: استفسار عن الاسئله في مقابلة ريادة ؟
المهم عندهم
وش خطتك بمشروعك ومدى نجاحهه قدمي لهم فكرتك بطريقة تجعلهم ينبسطون بالمشورع الزبدة لا انا ولا غيري يفيدك .... هذه مهمتك انتي وبطريقتك الخاصة كيف تقنعينهم |
رد: استفسار عن الاسئله في مقابلة ريادة ؟
السلام عليكم
كنت محتارة بمقابلتي مع ريادة وماحصلت أحد يفيدني ورحت مامعاي ألا هويتي الوطنية وماعندي أي معلومات :( والحمدلله تجاوزتها بسهولة كانت اسئلتهم عرفينا بنفسك ليش اخترتي هالمشروع؟ وش تعرفين عنه؟ وش بيميزك عن غيرك؟ كم مبلغ الدعم اللي طلبتيه؟ كم تتوقعين ارباحك بالسنة الأولى ؟؟! ووش اخطر شي ممكن تواجهينه بالسنة الأولى؟ وكيف بيعرفونك الناس وكيف بتعلنين لنفسك؟ كم ايجارات المحلات بمنطقتك؟ ولو رفضناك هالمره وش بتسوين؟ قلت برجع اقدم مره ثانية هههههههه قالت لنفس المشروع قلت ايوا طبعاً وكانوا اللي يسوون المقابلة بشوشات ولطيفات بصراحة والحمدلله قبلوني وكلها فترة واعزمكم على افتتاح مشروعي ان شاءالله :) هذا بالنسبة لريادة قسم النساء :) بس بالنسبة للرجال اخوي كان مقدم كمان وللأسف يقول مع كثرة الزحمة صارت نفسيات اللي يسوون المقابلات سيئة وماسألوه اسئلة كثيرة وللأسف ماتجاوز المقابلة :( اتمنى لك التوفيق اهم شي ثق بنفسك وبمشروعك و حضر كويس للأسئلة اللي ذكرتها لك وبشرنا وش يصير معاك :) |
رد: استفسار عن الاسئله في مقابلة ريادة ؟
الحائره 2017 والمدعي - العام شكرا لكم
|
رد: استفسار عن الاسئله في مقابلة ريادة ؟
اقتباس:
|
رد: استفسار عن الاسئله في مقابلة ريادة ؟
بقول لك كيف جاوبت مع اني مو محضره اي شي .. يمكن تستفيد :)
ليش اخترتي هالمشروع؟ (مشروعي محل جوالات) لأنه مافيه بمنطقتنا محلات اتصالات نسائية ابد , كل المحلات شرق وشمال الرياض واحنا جنوب وغرب الرياض مافيه وش تعرفين عنه؟ انه شي ناجح هالأيام والربح فيه جيد جداً وش بيميزك عن غيرك؟ أنا جاوبت بأنه بيميزني الاشغال اليدوية للأسر المنتجة مثل الكروشيه وغيره واني متفقه مع بنات يسوون لي جرابات واكسسوارات جوالات يدوياً :) كم مبلغ الدعم اللي طلبتيه؟ طالبه 200 ألف ريال .. انت اذكر لهم كم طلبت بالموقع كم تتوقعين ارباحك بالسنة الأولى ؟؟! بالسنة الأولى صعب تخمين الربح بس أعقتد انه 13000 بيكون كامل الربح ولو شلت منها 5000 حق القسط والكهرباء وماالى ذلك بيكون صافي الربح 8000 ريال في السنة الأولى وتزيد كل سنة ان شاءالله>>> لاتتقيد بأرقامي لأنها من رأسي وتخميني انت شوف وش تتوقع ووش اخطر شي ممكن تواجهينه بالسنة الأولى؟ اخطر شي ممكن اواجهه هو أني ماانعرف بسرعه ويكون الاقبال علي ضعيف في السنة الأولى وكيف بيعرفونك الناس وكيف بتعلنين لنفسك؟ عن طريق بنرات في المجمع اللي بفتح فيه واعلانات بانستقرام وسناب وغيره وعن طريق معارفي اللي راح يساندوني بالاعلان كم ايجارات المحلات بمنطقتك؟ اسأل عن الاجارات بمنطقتك وقول لهم رقم يارب أكون افدتك , وأهم شي حماسك للمشروع وتبين لهم انك اذا انرفضت بتقدم مره ثانية وبنفس المشروع لأنه هو هدفك وطمنا وش يصير معاك :) |
اقتباس:
|
رد: استفسار عن الاسئله في مقابلة ريادة ؟
لاتشيل هم المقابلة سهالات والاسلة جدا سهله وبسيطه
انا مقدم عليه وانقبلت الحمدلله بس اهم شي جهز كفيلك ومبروك مقدما |
اقتباس:
|
| الساعة الآن 01:34 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين