اخواني الاعزآء مافي اي احد خلآل الايام الماضيه اي معلومه تتعلق بالمستشفى
السلام عليكم ورحمةة الله وبركاتةة شخباركم ي حلوين انا من اهل تبوك خلصت اوراقي في محافظه الوجةة حرس الحدود وابي استفسار عن كشف الطبي ارسلوني على معهد حرس الحدود بالرياض بتاريخ 19/3/1438 ابي اسالكم عن الكشف طبي يكون عندهم بالمعهد حرس الحدود او يرسلوني الى مستشفى قوى الامن بالرياض ------ مرحبـآ..~ اخواني الاعزآء مافي اي احد خلآل الايام الماضيه اي معلومه تتعلق بالمستشفى ونفيدكم بالذكر الفحص بدآ من السبت لحد يوم الاربعـآء علومنا وش صار علكيم في المستشفى وطريقة تعامل الدكاتره وهم اي جنسيه ؟ بالتفصيــــــــــــل الممـل ..........ٍ~ سبحان الله وبحمده سبحآن الله العظيـم الله يووفقكم يآرب بانتظار اجابتكم خــآص ( الرياض فقط معهد حرس الحدود ) المستشفى قوى الامن فقط لآن المستشفيات تختلف التعامللات فيهـآ وشكرآ للجميع وفالكم القبول يارب يقولون بعض الناس انهم متشددين وانا خايف روح وراسب بالمستششفى عندهم لاني تعبت من المشاوير وطفره ذبحتني والله كم مره ارجع للوجة واسوي اغراضي كامله بس باقي لي كشف الطبي بالرياض ومحتار تكفوووون اللي عنده علم يعلمني انا بصراحه محتاج الوظيفه وحالتي سئيه مرره الله يرزقكم ويرزقنا :c |
رد: اخواني الاعزآء مافي اي احد خلآل الايام الماضيه اي معلومه تتعلق بالمستشفى
انا سويت الكشف الطبي بمستشفى قوى الامن الرياض دورة امن المنشات
وكان مجموعة ممكن 30 واحد حرس الحدود المستشفى حق الرياض سهاله الحمدلله تكشف اهم شي تعدي طول ووزن والنظر ان شاء الله يعدونك سهالات الحمدلله |
رد: اخواني الاعزآء مافي اي احد خلآل الايام الماضيه اي معلومه تتعلق بالمستشفى
اقتباس:
الله يسعدك اخوي ماقصرت والله بس انا مستغرب يعني روح اول شي معهد حرس الحدود وبعدها اهم يرسلوني للاقوى الامن فحص بالرياض على طول والا وش القصه وكيف طريقة الفحص عندهم اتمنى تشرح لي بالتفصيل وش يسون معاكم وكذا ابي اعرررف :c وبعدين لازم البس رياضه او ثوب وشماغ ابيك تعلمني بالتفصيل |
رد: اخواني الاعزآء مافي اي احد خلآل الايام الماضيه اي معلومه تتعلق بالمستشفى
هلا والله يازميل اما موعدك 19 /3 حنا خلصنا الكشف قبل ثلاث اسابيع فالرياض والحمد لله وباقي نسلم وراق الاحوال وتصديق الشهايد ووراث طلب الالتحاق ان شاءلله بعد سبوعين
الكشف الطبي يكون بمستشفى قوى الامن حنا فالرياض رحنا مستشفى قوى الامن اول ماتدخل تحصل مندوب حرس الحدود بيعطيكم اوراق بقائمة امراض الله يكفينا وياك شرها يقولك حط صح عند كلمة لا بعدها فحص طول ووزن وبعدها انتظرنا لين جاء دكتور الاذن والحنجره يفحص اذنك وحنجرتك وفيه بعضهم قالهم تسوون تنظيف اذن عند مستوصف خاص وترجعون لي بكرا اكشف عليكم بعد الاذن والحنجره فحص الاسنان يقولك ابتسم ويشوف ضروسك اذكر فيه ثلاثه قالهم تسوون تنظيف سنون في مستشفى خاص ومتى ماخلصتوا تجون لي خلال هذا الاسبوع عشان اسوي لكم اعادة كشف وبعدها فحص نظر يغطي عينك بورقه وييخلي الثانيه مفتوحه وفيه شاشه قدامك حروف يقولك ذا وين وذا وين وبعدها يوريك دفتر فيه ارقام يقولك الرقم كم وهذا يسمونه اختبار عمى الوان وسهالات يارجل بعدين خلونا نفصخ ملابسنا ونبقى بالسناوي والي لابس بدله يرفع سرواله فوق الركبه ويفصخ الفانيله وتدخل تسوي كشف باطنيه وجلديه وبنفس الغرفه فيه ستارا وفيه ددكتور تروح عنده وتنزل السناوي يشيك اذا عندك دوالي او مسوي عمليه شي هههههههه وبعدها تروح تاخذ علبه وانت بكرامه تحليل بول تروح الدورات وتعبيه وتسلمه وبعدها تحليل دم يسحبون منك دم وبعدها تروح عند الاشعه جهاز توقف قدامه ويقولك خذ نفس واكتمه ويصور صدرك وجنبك بعدها قالولنا توكلوا على الله والفحص حنا نرسله للمعهد هذا من طقطق للسلام عليكم وسهالات يارجل والله ان شاءلله يوفقنا وننقبل كلنا لاتخاف من شي وتوكل على الله بس ابي اسئلك ماقالولكم متى تسلمون وراق العمده لان اعتقد الدوره شهر 4 |
رد: اخواني الاعزآء مافي اي احد خلآل الايام الماضيه اي معلومه تتعلق بالمستشفى
صح بالنسبه للبس عادي ثوب او بدله
انت قالولك عندك كشف طبي ولا قالولك وش عشان اعرف اجاوبك |
رد: اخواني الاعزآء مافي اي احد خلآل الايام الماضيه اي معلومه تتعلق بالمستشفى
جاتني رساله منهم انا من اهل تبوك حلو وبس انا ارسلو علي
مكتوب فيها عزيزي المتقدم عليك مراجعة معهد حرس الحدود بالرياض بتاريخ 19 /3 في الساعه 7 صباحا لاستكمال اجراءات الكشف الطبي ---------------------------------------------- احنا خلصنا الاوراق كلها وعطينهم كل شي بس باقي كشف الطبي وغريبه ارسلوني للرياض مخلصين والله كل شي |
رد: اخواني الاعزآء مافي اي احد خلآل الايام الماضيه اي معلومه تتعلق بالمستشفى
اجل بيعطونك ورقه مكتوب فيها متى تسوي الكشف ومتى تسلم جميع الاجراءات بالمعهد
انا بسلم اوراقي الاسبوع القادم ب اذن الله وراح اكتب لك وش يصير معي والله يوفقنا جميع ✌ |
رد: اخواني الاعزآء مافي اي احد خلآل الايام الماضيه اي معلومه تتعلق بالمستشفى
يعطيك العافيه
|
رد: اخواني الاعزآء مافي اي احد خلآل الايام الماضيه اي معلومه تتعلق بالمستشفى
ماقصرت الله يوفقككك
عوافففي اتمنى ترسل علي رقمك برسائل الخاصه ابي اكلم واتس اب او مكالمه |
اقتباس:
|
الساعة الآن 05:31 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين