مصنع البلوك !!.. الفزعه يا أهل الخبرة
 

السلام عليكم ورحمة الله وبركاتة

يا أخوان انا شخص عاطل عن العمل ومع شح التوظيف بحكم نهاية السنه لم يبقى عليها الا كم اسبوع

جاني اتصال اليوم من واحد من الشباب وقالي وش رايك !!

قلت سم .. قال فيه واحد يبغاله سجل تجاري لمصنع بلوك ولك شهرياً 7000 ريال !!

قلت ليه ما تاخذه انت قال انا فالخرج ويني و وين الديره هو عندك وتقدر تقابله وتتفاهم معه

المهم يا اخوان انا ما قابلت العامل ولا اتصلت عليه ولا سويت شوي

من بعد ما قفلت المكالمه ونا مخي يحوس حوس ولا عندي اي فكره عن المشروع وعن معداته ولا حتى 0%

لكن عندنا واللي اشوفه في ديرتنا مصانع صغيره أعتقد اللي يقولوا عليها بياضه

والعامل يقول عندي عمال وكل شي انت اعطني سجل تجاري ولك 7000 ريال

طبعاً بعد ما كلمني الرجال قلت انا لو فكرت و وافقت كلم العامل راح يكون على كفالتي هوه واللي معه

الآن يا أخوان كم تكلفة السجل التجاري ؟؟ وكم راس مال المشروع !!

كلمت اخوي الأكبر وقال ابشر بالدعم والسجل التجاري أنت فكر بالمشروع وادرسه صح ولا تشيل هم

لا يجيني واحد ويقول راس المال ملايين

ابغى مصنع صغير كم ممكن يكلف ؟؟

أدوشتكم بالموضوع لكن والله العظيم تفكيري شااااااااارد ومسرح في ذالمشروع

تعرفون العاطل اذا جته فرصه ينلحس ولا يدري وش يسوي

فزعتكم ولا تبخلون على أخوكم حتى لو بدعوة لعل الله يفرجها

كل الود لكم جميعاً

رد: مصنع البلوك !!.. الفزعه يا أهل الخبرة
 

بالتوفيق يارب
بحكم أني بنت ماعندي الخبره الكافيه بس واحد قريب لنا عنده مصنع بلوك تبارك الرحمن ماشي زي الفل ومحصل خير طبعا المصنع على قد الحال اهم شي عندك مكان مناسب وقلاب صغير علشان تشيل فيه البلوك على المشترين وبالنسبه لسعر الاله ماعندي معلومه وكمان حاول تبداء بشي بسيط واهم شي تودع الكسل وتكون مع العمال وحريص على متابعتهم وخليك شديد معاهم وإنشاء الله فالك التوفيق

رد: مصنع البلوك !!.. الفزعه يا أهل الخبرة
 

بالتوفيق يارب