الفصل من العسكرية
 

السلام عليكم ورحمة الله
ي الربع انا رقيب صحي في القوات البريه ، متعيين لي سنة تقريبا
وابي افصل ، ايش افضل طريقة للفصل علشان اعدل المهنه بسرعه ؟!
ي ليت اللي عنده علم اكيد يعلمني ، وشكرا

رد: الفصل من العسكرية
 

وعليكم السلام الفصل إنك تغيب

Re: الفصل من العسكرية
 

يالغالي اتمنى لك التوفيق
استخر واستشر من حولك
اتمنى انك ما تستعجل في اتخاذ قرار الفصل
وغير كذا اسال واحد خبره في الانظمة خاصة مع الانظمة الجديدة
اسال الله لك الرزق الوفير

رد: الفصل من العسكرية
 

اذا ماني غلطان يسجلونك غيلب وتضل المهنه عسكري لين تنتهي فترة خدمتك

رد: الفصل من العسكرية
 

الاخ ( عاطل مقدما ) ، استخرت اكثر من مره ولله الحمد مرتاح للفصل ،
بالنسبه للاخ ( عوافيي ) متأكد م اقدر أغير المهنه ؟!

رد: الفصل من العسكرية
 

ايه متاكد ميه بالميه اذا فصلوك غياب ماتقدر تعدل مهنه لاكن اذا قدمت اوراق استقاله يفصلونك نظامي

رد: الفصل من العسكرية
 

غريبة بتفصل مع انه الراتب الصحيين طيب ! وأعتقد الان موقف الاستقالة الرسمية بسبب الحرب في الجنوب

رد: الفصل من العسكرية
 

وعليكم السلام ورحمه الله وبركاته
انا كنت عسكري وفصلت غبت 7 ايام ورفعو فصل فيني وراجعتهم كتبت معروض مالى رغبه بالرجوع وعطوني اوراق اخلاءات عهده لو ناقص عليك اخلاء واحد ماتعدل مهنه مثل بطاقه عسكريه صندوق عقاري بنك تسليف وغيره والله طلبات تشيب راس بعدها يرفعو لك انا انتظرت 3 اشهر لمي تعدلت واذا وصلت من الرياض تستلم ظرف مغلق من قياده المنطقه وتروح الاحوال وتعدل

رد: الفصل من العسكرية
 

لا تقدر تغير عادي بالتوفيق لك

لا مايقدر انا اعرف واحد في الحرس الوطني له 4 سنين يخدم تقريبا وفصل غياب وله حاليا سنه ماعطوه اخلاء طرف ومسجل عسكري

رد: الفصل من العسكرية
 

فيه واحد يقول ان النظام الجديد سنتين وتعدل
وفيه واحد يقول لا تعدل بعد م تنفصل بشهرين
ي ليت اللي فصل وعدل يعلمنا الطريقه الاكيده

رد: الفصل من العسكرية
 

لازم تخدم اربع سنوات بعدها تقدم استقاله نظاميه
وادا فصلت من راسك وجاك فصل غيابي راح تتحاكم ف المحكمه العسكريه
وشكرا

رد: الفصل من العسكرية
 

مثل ماقلت لك تعدل بكل سهوله ولو تبي اصور لك اخلاءات الطرف وثيقه الفصل وتاكد بنفسك والى فصل بنفسه غير الى سمع
والله يوفقك بعسكريه او مدنيه

رد: الفصل من العسكرية
 

ولاتسمع الى يقول نظام جديد او قديم اهم شي ماعليك قضايا

رد: الفصل من العسكرية
 

انا اختصاصي بتعديل المهنة والامور ذي تروح تعدل مهنتك عن طريق كاتب السريه يقدم معروض لقائد السريه او الوحدة يسجل عليك افاده بعدم العودة للسلك العسكري وبعدها اخلاء طرف داخلي وبعدها قضية منظوره وبعدها تزكيه امنيه وبعدها ولائحة إدعاء وبعدها وبعدها ختم رسمي من استخبارات الوحدة وبعدها تروح للافراد ومن الافراد يرسلونها الى المجلس العسكري وهم يقررون يمكن يجيك سجن 45 يوم وبعدها تتعدل مهنتك ويمكن مايسجنونك يعدلونها على طول شغلتها تطول حيل يبي لها 6 شهور على ماتخلص المعامله واذا صامل على الفصل غيب لين مايرفعون بك ويصدرون لك قرار فصل فرد متغيب بس تبي العلم انا اتمنى اوصل رقيب توي جندي لو اني رقيب والله مافكر ظ،ظھ‏ افصل يكفي ماتداقش خفارات

رد: الفصل من العسكرية
 

وعليكم السلام والرحمة
انا كاتب بالحرس الوطني
وطريقة الفصل غياب لمدة 7 ايام متواصلة
وبعدها يتم رفع طَي قيدك
وبكذا تكون مفصول
وعاد راجع الادارة وكمل اجرات الفصل بتسليم العهده