|
مساعده - من يكسب أجري ؟؟ ادخلوا جميعا لاهنتم ...
السلام عليكم ورحمة الله وبركاته
أولا أنا(انثى ) تخصصي رياضيات ومعاي دورة حاسب الي ( ادخال بيانات ) لي 6 سنوات متخرجة وللأسف بدون وظيفه جربت كذا مدرسة اهليه وماتحملت بسبب الظلم وغير ان التدريس للأسف مو من طموحي طموحي هي البنوك واتمناها والله كنت اسكن الرياض لمدة 3 سنوات وسجلت بجميع صفحات التوظيف للبنوك ماخليت بنك ماقدمت عليه .! وللأسف ماعمرهم راسلوني او دقوا علي حاليا انا سكنت القصيم رحت لفرع الاهلي بدخل على الاداره لعل وعسى وللأسف الاستقبال طردوني والاغلب قالوا اذا ماعندك واسطه قشري بصل حاليا انا بحاجه ماسه جدا للوظيفه :( وما ادري من بيوظفني في البنوك خاصه الاهلي امنيتي والله وللأمانه انا نشيطه جدا وحابه هالشغله وراح ابدع فيها لكن ما باليد حيله فأنا داخله على الله ثم عليكم اللي يعرف أحد يساعدني بوظيفه ببنك بالقصيم او يتوسط لي بياخذ اجري وربي (متواجده على الخاص ) ساعدوني الله يخليكم ابي احد مضمون يوظفنني ووالله لأبيض وجهه :w:w:w |
رد: مساعده - من يكسب أجري ؟؟ ادخلوا جميعا لاهنتم ...
ياختي وش اقول انا متخرجه من زمان وبكالوريوس لغه عربيه ماحصلت وظيفه والله امنيتي لو مدرسه اهليه وحاليا كل شيء بواسطه وتمشي اموووورك انا ماحصلت واسطه بعد ومليت خلاص امنيتي اتوظف😭😭😭😭 وقالوها لك واسطه وتمشي اموركك ومافي احد يساعد لوجه الله الا من رحم ربي ويخاف الله غيرهم ياخذ مصلحته خليك حريصه وان شاء الله تحصلين اللي يتوسط لك ويوظفك ودعواتك
|
رد: مساعده - من يكسب أجري ؟؟ ادخلوا جميعا لاهنتم ...
بالتوفيق يارب
|
Re: مساعده - من يكسب أجري ؟؟ ادخلوا جميعا لاهنتم ...
أطبعي السيرة يا أختي ومري الإدارات الإقليمية للبنوك وقدمي عندهم يدوي أفضل من التقديم الألكتروني الأهلي ما يقبل يدوي جربت أنا من قبل لكن ساب والسعودي الهولندي والراجحي والرياض كلهم يقبلو التقديم يدوي ( أتكلم عن جدة ) جربي روحي الإدارات الإقليمية في الرياض او في منطقتك وإن شاء الله تتوفقين |
| الساعة الآن 12:56 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين