بخصوص الكليه الامنيه ارجو افادتي الله يجزاكم خيير
 

السلام عليكم ي شباب اخباركم ان شاء الله بخير
اولا : الله يوفقك دورة 46 الامنيه وربي يكتب لنا دورة 47

اول موضوع لي في هذا المنتدى وكنت اتابع مواضيع جميييله ومهمه طول السنوات الماضيه .. :Thumbs:

ندخل فالموضوع: :d
انا طالب بكالوريوس كيمياء معدل جيدجدا 2,95 من 4
طولي 176 وزني 70 .
اللياقه عاااليه
درجتي 80 في اختبار قدرات جامعيين
انتظر اختبار قياس الكليه الامنيه يفتح علشان اختبر

والدي الله يطول بعمره يتمنى من اول سنه لي فالجامعه يشوف اليوم اللي انقبل فيه بالكليه الامنيه بحكم اني اكبر اخواني وابوي عسكري

المهم انا اتمنى احقق رغبته واوصل للشي اللي يتمناه بعد توفيق الله
ودايم اجيب اعلى الدرجات واجتهد لأوصل للهدف
واذا حسيت بيوم بالتعب والملل من الدراسه اتذكر هذا الشي ويتجدد فيني الحماس والنشاط والهمه ..:tsfiq:

ادري طولت عليكم بسس هذا والله اللي في قلبي بس دايم اكتم واسوي نفسي مو مهتم وانا افكر فيها بإستمرار ..:Looking:

نجي لزبدة الموضوع ::d
وشهي الاشياء اللي تزيد من فرصة قبولي بالكليه الامنييه ؟؟
والاشياء اللي تميز الشخص عن غيره من المتقدمين ؟
فيه بعض الشباب يقولو الدعوه حضوض والارزاق بيد الله وكل واحد بياخذ نصيبه من هالدنيا ..
انا ادري الرزق مكتوب للعباد وانا راضي سواء انقبلت او لا احمد الله واشكره ..

بس الواحد يبغى يبذل الجهد ويكمل المطلوب وبعدها يوكل الله
حتى لو لم اقبل اكون راضي عن نفسي اني اجتهدت وربي ماكتب نصيب.

اما لو تركت الشي وقلت الشغله ارزاق بقدم على نفس وضعي!!
هنا الندم لو ما انقبلت ..

اشكركم لأنكم اعطيتوني فرصه من وقتكم ..

ونسمع لآرائكم ونصايحكم واعتبروني اخوكم الصغير ولا تبخلون بمعلومه ..:h

رد: بخصوص الكليه الامنيه ارجو افادتي الله يجزاكم خيير
 

بما انه ابوك عسكري افضل واحد هو يجاوبك اسألتك ولا خليه يسألك زملاه الضباط والله يوففك

رد: بخصوص الكليه الامنيه ارجو افادتي الله يجزاكم خيير
 

بصراحه اخذت معلومات كويسه
بس اغلب الضباط اللي يعرفهم قدامى والامور والاحوال تتغير
نعرف اول كانت الامور ميسره وسهله بخلاف الوقت الحالي

رد: بخصوص الكليه الامنيه ارجو افادتي الله يجزاكم خيير
 

مشكلة العسكريه للجامعيين هي الاحتياج يعني متعرف حظك وين يمكن السنه ذي مكتفين من تخصص ذا وطالبين شخص او شخصين واحيانا يكون العكس يكون محتاجين التخصص ذا ... لكن القبول اكثر شي ممكن يساعدك هو معدلك كل مازاد زادت احتمالية قبولك وخاصه للقبول المبدئي لان القبول المبدئي يعتمد اكثر شي ع المعدل تقدر تقول 70% وفوق
وطبعا الامنيه حلوه لكن لاتنسى وزارة الدفاع والحرس الوطني برضو ممتازين اهم شي علق النجمه ولو انه رواتب الامنيه افضل وهي الكلية الوحيدة اللي متخصصه للجامعيين
لكن مشكلتها الوحيدة غالبا تكون بعيد عن التخصص
واحد من اخوياي تخصصه لغه فرنسيه وحطوه بحرس الحدود وهو ع حدود الشمال حاليا بعكس الدفاع تكون بتخصصك
عموما التوفيق لك وللجميع يرب موفق وفالك القبول ونصيحه كثر من الاستغار من الحين
فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا . يُرْسِلِ السَّمَاءَ عَلَيْكُمْ مِدْرَارًا . وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا

رد: بخصوص الكليه الامنيه ارجو افادتي الله يجزاكم خيير
 

الله يجزاك خير ورحم الله والديك
انا معدلي حول 80%
طيب وش رايكم في تطوير لغتي الانجليزيه
انا افكر اخذ لي دوره الايام الجايه
هل رح تفيدني فالقبول خاااصه بالمقابله الشخصيه .. ولا مالها اهميه

رد: بخصوص الكليه الامنيه ارجو افادتي الله يجزاكم خيير
 

متى راح تتخرج الترم هذا

رد: بخصوص الكليه الامنيه ارجو افادتي الله يجزاكم خيير
 

الترم الجاي اخر ترم

رد: بخصوص الكليه الامنيه ارجو افادتي الله يجزاكم خيير
 

ان شاء الله نقدم عليها انا وياك

على يديك الشهر الجاي نبدأ نفتتح تجمع دورة 47

رد: بخصوص الكليه الامنيه ارجو افادتي الله يجزاكم خيير
 

بإذن الله
وش تخصصك وكم معدلك ؟؟

رد: بخصوص الكليه الامنيه ارجو افادتي الله يجزاكم خيير
 

الله يرزقك ياشيخ بس لاتحط عينك عليها علشان اذا خسرتها ما تتأثر


انا أموري كلها تمام وفوق التمام ولا انقبلت بالفرز النهائي بدورة 46