أفيدوني مشكورين
 

السلام عليكم ورحمة الله وبركاته

أتمنى إن الجميع في تمام الصحة والعافية ,


مشكلتي كالتالي /


أنا سعودية من ذوي الاحتياجات الخاصة ومتوظفة في قطاع خاص في الرياض من 4 سنوات لكن

ماكنت أداوم لإن المنشأة كانت على فيد الإفتتاح ومرت سنه وانا مااداوم وبعد هالسنه افتتحوا المنشأه ورحت للمدير وقلت له يعطيني عمل ومااهتم بالموضوع ولاعطاني شي
وطلبت منه بدال مااكون موجوده بالمكتب بدون عمل اني مااجي واجي بالاسبوع من مره الى مرتين ووافق على ذالك
وكلما جيت طالبت بعمل ولكن محد يستجيب لي لا المدير ولاالادارة

مرت 3 سنن على هالحالة استقال مديري وجا مدير جديد وقالي لازم اداوم يومياً بمقدار 8 ساعات وقلت ان شاء الله وبديت اداوم لكن ماعطاني مهام وظيفيه صرت احضر واجلس على المكتب 8 ساعات بدون عمل ولامهام وظيفيه ولما شافني اطالبه بعمل رفع علي افاده عند الHR انه مايبيني في قسمه ويتم نقلي لقسم اخر لكن انا رفضت لاني احب قسمي ولي خبره سابقه فيه قبل مااكون عندهم

وجلست بقسمي لكن رفض مديري يعطيني ايميل للعمل وصار يجلسني على المكتب بدون عمل
وكتبت ورقة الى HR طالبت فيها بالتدريب لكن مافيه استجابه
تعبت انا من الدوام بشكل يومي بدون عمل ولامهام وظيفيه بالعلم ان راتبي ينزل بدون نقص ولاتأخير

أتمنى تفيدوني وتوجهوني وش أسوي ؟؟



بالرغم إني انسانه أحب العمل وطموحه جداً ولو حصل ولقيت لي وظيفه أخرى قبلت بذالك لإني أحب التطوير الفكري والعمل بجديه لكن للأسف ماحصلت شيء

رد: أفيدوني مشكورين
 

انت ليش ما تغيري وظيفتك بعد الاستخارة أو تشتغلي في قسم اخر من باب الحصول على خبرة اخرى .

رد: أفيدوني مشكورين
 

لو أقدر أغير وظيفتي كان غيرتها من زمان لكن مافيه أحد يستقبل ويوظفني بنفس راتبي الحالي لأن الأن الوظايف جداً قليله أو صارت واسطات
لو بغير قسمي ماحصلت إلا اللي أقل منه وهذا الشي مايرضيني

رد: أفيدوني مشكورين
 

والله الحين الوضع صار يخوف الناس مو لاقية وظايف و الشركات قايمة تفصل وتقلص موظفين.. انصحك تستمري معهم حتى لو ما اعطوك عمل ولا تضغطي عليهم عشان ما يطفشوا منك دام راتبك ماشي اصبري عليهم و ما يمنع تدوري فرص عمل في شركات ثانية ممكن تجيك وظيفة افضل منها والله يوفقك

رد: أفيدوني مشكورين