ادارتي اجنبيه ويطالبوني بشغل فوق طاقتي
 

السلام عليكم ورحمه الله وبركاته

موضوعي بشرحه لكم باختصار

انا موظف في شركه واداره الشركه كلهم اجانب مافيه الا انا الموضف السعودي
في منهم الي على كفاله الشركه وفي منهم الي مو على كفاله الشركه

موظفيني بشغله اداريه ويطالبونس باشياء ماهي من ضمن مهام عملي
ومعطيني مسوليه اشياء كثيره بالمكتب بحجه انك انت موظف في اداري

طبعا الاجانب رواتبهم اعلى مني بفرق كبير وكل ما طالبت براتب قالو انتظر واصبر
والمشكله ان الاشياء الي يطالبوني فيها يعطون الاجانب نسبه وبونص عليها وانا مالي شي
مع العلم ان كل شغل الاجانب يعتمد علي الشغل الي يطالبوني فيه يعني لو ما سويته لا بتجيهم
لا نسبه ولا بيجيهم زيادات

فكرت اني اشتكي عليهم في مكتب العمل بحكم انهم موظفين ناس بدون نقل كفاله ع الشركه
والشي هذا مخالف لانظمه مكتب العمل واي منشئه عنذها هالشي تتقفل

بس في ناس عندها عوائل ورزقهم هالوظيفه
وبنفس الوقت ااخاف احد يدري اني مشتكي ويفصلوني ولا ينهون خدماتي ولا
يبدون يطفشوني من العمل

وانا محتار مادري وش اسوي ابي شوركم في الموضوع ورايكم

رد: ادارتي اجنبيه ويطالبوني بشغل فوق طاقتي
 

موضوع الشكوى عليهم سهل من بوابة معاً عن طريق الهاتف ادخل على الموقع من خلال احد معارفك ثقة جداً واسمه غير اسمك وبلغ على هذه المخالفة وما يقفلوا الشركة كلها غرامة وبس ولك من المبلغ 10% للتبليغ حسب قيمة المخالفة 1000*10 / 100 = 100ريال من كل 1000 ريال وطبعاً الشكوى لاتكون على اشياء تعرفها ويكتبها بطريقته علشان ما تنكشف لانك السعودي الوحيد الشك سيكون عليك .
واطلب زيادة الراتب رسمياً با ايميل أو فاكس واشتكي من حالك شوية ولا تزودها علشان ما يفصولوك لان الحالة فصل وخرابيط وانتبه تطلب وبعدها الشكوى خلى الطلب اولاً ثم بعد ما ينسوا فترة شهرين اشتكي

رد: ادارتي اجنبيه ويطالبوني بشغل فوق طاقتي
 

امسك المدير الاجنبي برى واخرشه راح يمشي معك سيده

رد: ادارتي اجنبيه ويطالبوني بشغل فوق طاقتي
 

خذ راتبك و خلك ساكت

عن نفسي أتمنى رئيس اجنبي ابرك من سعودي
هذا انا رؤسائي سعوديين
قسم بالله أنواع التطفيش و يمسكون عليك الغلطة و يرفعون فيك اول بأول
عشان تنفصل
روحتي للدوام كأني رايح حرب مو دوام
لدرجه اني كرهت الدوام و صرت اجيب اجازات مرضيه عشان ما ادوام
و لا اقابل خششهم الشينة الأجنبي ما يستقوي عليك الا اذا وراه سعودي يدعمه
صدقني العله فينا حنا ماهي بالاجانب
انا ما اعمم
بس موظف لي الان 12 سنة اشتغلت خلالها في 5 شركات
فصلت من الأولى على يد سعودي بشكوى يمني
و تركت الثانية على حس سعودي و جماعته بالعمل رباطية :k
و تركت الثالثة على حس مدير الموارد البشرية
بحجه انا سعودي مبسوط والاجنبي مسكين ما عنده :b هذا قتلني
و الرابعة تركتها طواعية بسبب انها كانت حرب ما كانت وظيفة :mish:
و الخامسة كاره عمري فيها تطفيش بالعمل و تدقيق وتحشير و مؤامرات وتقارير ترفع
و تهديد وووو
بس اللي مصبرني و مخليني متمسك فيها الوضع في البلد وظائف صفر او رواتب متدنية

والمصيبة اني متزوج و عندي أطفال ولا كان تركتها
هذي حكايتي مع ابن بلدي
لا احد يجي يقول لي اجنبي فيه و فيه
ما في اجنبي بيستقوي على المواطن الا اذا فيه مواطن يدعم الأجنبي انتهى :court:

رد: ادارتي اجنبيه ويطالبوني بشغل فوق طاقتي
 

استحمل ولا تخلي ابن امه يخرجك من الشركة انا سبق وتركت وظيفة بسبب سعوديين والان افكر اترك وظيفتي الحالية بسبب مديري السعودي

لكن اكل العيش صعب وتعلم تعديها دام تتعدى

رد: ادارتي اجنبيه ويطالبوني بشغل فوق طاقتي
 

اذا بسبب سعودي معناه السعودي منضبط بالعمل ويطبق النظام
اجل وين راحو اللي يقولون السعودي ماعنده نظام
ولا يحب يشتغل وكسول وحق كبسات واستراحات ؟؟



تراك ياصاحب الموضوع اسمحلي تتكلم على هواك بس او انك ما انت سعودي !!

رد: ادارتي اجنبيه ويطالبوني بشغل فوق طاقتي
 

الادارة الاجنبية دائما تكون محمودة تصرفاتها اكيد في شيء من تصرفاتها شينة بس من جد المواطن الله يهديه ...سبب قطاع رزق ومن تجربة لي والى زوجي ...هذا قليل من القصص اللي تسمعها او تقراها

رد: ادارتي اجنبيه ويطالبوني بشغل فوق طاقتي
 

المدير السعودي اذا ما كان له شخصية يضيع حقوق كل الي تحته

انا كان مديري سعودي بس كانه واجهة بس ما عنده حزم وفالتها للجنسية عربية يتحكموا فينا

رد: ادارتي اجنبيه ويطالبوني بشغل فوق طاقتي