|
[الجزء الثالث ] قــوآت الأمــن آلخاصـة _ لعام 1436 _ دورة 45
السلام عليكم ورحمة الله اولا اقول الف مبروك للاخوان الي تم قبولهم مبدئي وانهو اجراءاتهم بالقوات والله يرزقهم القبول النهائي محدثكم احد افراد القوات من دورة 43 , نبدي ونقول بسم الله ... اولا فترة 45 وهي فتره لازمه وضروريه لكل دوره عسكريه مع اختلاف فترتها في كل قطاع له منهج معين فمثلا السجون والحرس الوطني ما يخذون 45 كامله ياخذون ما يقارب 21 الى 30 يوم فقط وبعض القطاعات تزود عن ال 45 مثل القوات الخاصه كان تخرجنا من الفرد الاساسي بعد 53 يوم ! الفتره ذي اصعب فتره وفيها النفسيه والتحويل من مدني الى عسكري وفيها فايده انها تعلمك الصبر ومع انها اصعب فتره الى انها اسسرع فتره مرت جدولك في 45 صحيان 2:30 تشد سريرك ونظافه وصلاةة فجر بعدها حصةة هروله ترجع تفطر وتتجهز للمشاه وتعليم وصلاة ظهر وغداء وتريح ساعه وتجهز لصلاة العصر وبعدها حصه العصر هروله ولياقه بعدها مغرب تصلي وتتعشاء وترجع تصلي العشا ونوم هذا جدول ال 45 يوم يوميا كذا مافيه اي تغيير ابد بعد 45 تكمل الفرد الاساسي وهو نفس الجدول بتجيكم شطحات مثلا يجي يوم تهرولون على السور وبس بعد فترة الفرد الاساسي تتعسكر رسمي وتتحول من طالب الى عسكري تجيك الدوره التخصصيه الي تسمى دورة اعمال قوات وهذي عليها صنف 400 ريال ومدتها 10 اسابيع واسبوعين لا منهجي بكذا تصير 3 شهور تاخذون فيها 4 اسابيع حماية شخصيات وهذي الدوره اسهل منها مافيه دوره تافه وسريعه وتروح بغض البصر ! جدولها صحيان 3:30 وترتيب ونظافه وبعدين صلاةة وبعدين حصة هروله وبعدها مشاه وبعدها حصة حماية شخصيات وبعدها صلاة ظهر وبعدين ميز غداء وتريح لما صلاة العصر تصلي العصر ويصصير عندك حصة دفاع عن النفس طبعا حصة الدفاع عن النفس مو يوميه يوم دفاع ويوم هروله تصير اجمالي الحصص خلال الاسبوع حصتين هروله وحصتين دفاع بس بعدين تصلي المغرب وتنزل حصه للياقه وتصلي العشاء بعدها وتتعشا ياخذون تكميل ونوم بعد الشخصيات عندك مكافحة ارهاب او عمليات خاصه ومدتها 4 اسابيع وجدولها نفس الشخصيات بدل حصة الشخصيات بلارهاب وضيف عليها انك ما راح تنزل الحصص المعتاده بشكل مستمر لان بيكون عندك بدال الحصص المعتداه كالمشاه مثلا بيجي مكانها في بعض الاوقات حصة حواجز والي يميز الدوره ذي انها متعه وفله واكشن فيها قفز من مبنى الصاعقه وفيها حواجز وفيها علوم جاكي شان بعدها دورة امن مواقع وهذي دوره اغلبها تعليم بتعليم وسهله جدا ولكن ممله خربشات بريطانيه / فترة الحصص كل حصه 45 دقيقه فترة الراحه بعد الغداء على حسب انضباط الدوره الجزاوات عندنا بريال لكن خلك منضبط قسم بالله محد يجيك هيبة القطاع تستاهل الصبر لانك وبكل فخر داخل قطاع من اولويات الامير محمد بن نايف وزير الداخليه وهذا بحاله شرف كبير الرواتب ممتازه الجندي 7500 والجندي اول 7900 هذا بالوحدات البسيطه مثل الكتائب اما امن الطائرات فتتجاوز 8 وتوصل 9000 تستلم راتب وليس مكافئه وقدر الراتب الشهري 4738 ريال الرتبه للمعلوميه القطاع الوحيد بداخليه الي يعطيك جندي اول بشهادة الثانوي حاف ! الدوره مدتها 9 اشهر الواقع هو 7 اشهر فقط 4 اشهر فرد اساسي و3 اشهر اعمال قوات يضيفون من شهر الى شهرين بروفات تخرج في بعض الدورات وبعضها يتخرج بدون بروفات نجي للمراجعات قبل الدوره الي خلص اوراقه يسلمها لا ياخر اخوياه ويخليها عنده لان اجراءاتكم معتمده على سرعت تخليصكم للاوراق بعد تسليم الاوراق كامله مع الكشف الطبي تنتظرون من شهر او حولها وبتجيكم رسائل التحليل حق السموم وبتجي رسائل مو اتصال طبعا مافيه اختبار للياقه , بعد السموم تروح اوراقكم لداخليه مسح امني وتاخذ من شهر ونص الى شهرين بعدها تحدد الدوره متى تكون ويتصلون عليكم بعد جاهزية المعهد لاستقبال الدوره أي سؤال او استفسار اتمنى طرحه بالموضوع للفائده للجميع وضمان عدم تكرار الاسئله وهذا وصل وسلم على نبينا محمد اتمنى ان اعجبك الموضوع تقيمني وان لم يعجبك ف لي شرف مرورك |
لو سمحت اخوي نزلت نتائج الأمن الخاص
|
بريطاني لو سمحت متي
يعدل الراتب بعد إنهاء الدوره وانت تعدل ولا وشكرا |
اقتباس:
|
اقتباس:
بس الحلو ان كل المستحقات بتنزل بشيك يعني ماراح يضيع لك شي وانت المستفيد اذا تجمعت |
بالتوفيق للجميع ان شاء الله
|
الحين الامن الخاص
مدة الدورة 6اشهر او كم ؟؟؟ الدوراه كرف كرف ااو مثل الامن العام سهالات الامن الخاص هو صقور نايف او لا |
اقتباس:
اكيد كرف هي دوره بعدها ترتاح |
التعب منسي
بالتوفيق لكم |
الله يعطيك العافية ويسعدك
|
| الساعة الآن 09:41 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين