السلام عليكم ورحمة الله

اخواني ابي استشيركم وابي رايكم لان احس اني ضااايع

اعرفكم بنفسي
ابراهيم البلوي 24 سنة

تخرجت نهايت الترم الماضي من جامعة تبوك بكالوريس انجليزي بمعدل 3.1 جيد
تخرجت ب 5 سنوات وترم من اصل 4 سنوات
والنسبة الموزونه مع القدرات والتحصيلي والثانوي 92%

وافكر انا بالعسكرية لان الوضايف المدنية تاخذ وقت وصبر وماعاد في وضايف مثل قبل

لغتي الانجليزية جيدة نوعا ما وعندي خبره كبيره بالحاسب لكن بدون شهادة

وكرهت الدراسه ماصدقت اتخرج مافحيلي ارجع ادرس او اخذ دورات

------


والكليات الامنية واغلب القطاعات تحتاج طول وطولي حوالي 164 وماعندي واسطة والرزق على الله


والمدني مثل ماقلت لغتي لكم عليها ممتازة كقرائة لكن كترجمة للاسف ماجمعت كلمات كثيرة وما اختبرته اختبار الكفايات وما اضن بعدي فيه

------

اخترت المظلات عشان الراتب الصراحه دامها كلها عسكرية ندخل وحدة رواتبها طيبة والتقديم لسى فاتح

والصراحة كل الي حولي معارض ويقولون جامعي وتروح المظلات وووو ومن هالكلام هي وظيفة وخلاص حسب الرغبة

وادري ان يبي لها تحمل وان شاء الله نكون قدها

ابي نصايحكم

المظلات راح يعطون رتبه رقيب لكن كيف طبيعت العمل للرقيب الجامعي هل بيكون ميدان او مكاتب ما ادري
ولسى في امور كثيره اجهلها



لاهنتم الي يعرف شي او عنده نصيحة او قطاع ثاني افضل يدلنا وجزاة الله الف خير وجعلها في ميزان حسناته


والله يوفق الجميع واعذرونا على الاطاله

المشاركة الأصلية كتبت بواسطة فرافيرو (المشاركة 8974101) انصحك أبعد عنها ..حاول تسجل بالشرطة عسكرية بالخدمات الطبية

المشاركة الأصلية كتبت بواسطة فرافيرو (المشاركة 8974101) انصحك أبعد عنها ..حاول تسجل بالشرطة عسكرية بالخدمات الطبية

المشاركة الأصلية كتبت بواسطة Mahdi8628 (المشاركة 8974646) ي حبيبي لا تستعجل سجل بمدرسة أهلية وطور نفسك لما شهر 8 وقدم بالكليات العسكرية احسن من رقيب. علما أن الكليات العسكرية الطول فيها 165 سم حتى الأمنية نزلوا فيها الطول 165 سم. وطولك 164 سم تقدر تشد شوي وتوصل طولك 165 بالراحة إن شاء الله. وبقولك معلومة مهمة الأمنية لو طولك 164.9 سم ماتمشي لكن الحرس الوطني مره مايهتمون بالطول برنامجهم بالمواعيد اول شي يختبروك تخصص إذا جبت درجة حلوة في اختبار التخصص أمورك بعدها سهلة جداً لو طولك 164 راح تمشي. ومثل ماقلت انت دام لغتك ممتازة يعني بإذن الله راح تمشي بالكليات العسكرية الشاطر له معاملة ميسرة وخاصة الحرس الوطني. وآخر شي بقوله لك جرب الكليات العسكرية ماتدري وين نصيبك الله كريم أما تقول مظليين لو معك كفاءة كان ممكن نقولك روح اما جامعي انجليزي..؟ أكثر من الإستغفار ولا تنسى أهم شي دعاء أبوك وامك والله يكتب اللي فيه الخير.