صندوق الموارد البشريه
السلام عليكم ورحمه الله وبركاته
انا ياطويلين العمر رحت مقابله لشركه اليوم واتفاجأ في المقابله ان الموظف يقول لي انت مدعوم من الموارد البشريه ما نقبلك كيف كذا وماعمري وقعت عقد دعم وراجعت الموارد البشريه لقيت شركه عام 2012 مسجلتني 16 شهر مدعوم ولا عطوني حوافز ولا اي شي ولا بلغوني اصلا قال لي موظف الموارد البشريه ارجع للعقد اقراه ولله الحمد كحتفظ بنسخه للحين منه في البيت رجعت شيكت عليه ماحصلت اي بند من بنوده يخص الدعم من الصندوق قال لي الموظف حق الموارد البشريه حقك راح وماعاد لك دعم او اي شي قدم شكوى عن طريق فرع الرياض ونا في جده والشركه في جده بس ادارتها في الرياض الحين وش اسوي بالضبط اروح للرياض وايش احتاج اخذ معي واللي مرت عليه هالمشكله في فايده لو اراجع في اموري وارفع شكوى ولا اريح احسن لي علما بأن الشركه كاتبه تاريخ بدايه الدعم وماهي كاتبه تاريخ النهايه يعني انا الى الان على راس العمل ونا تارك الشركه من 2014 سحبت عليهم بدون استقاله وبدون اي شي لاحقوق ولا خبره ولا اي حاجه |
رد: صندوق الموارد البشريه
وعليكم السلام ورحمة الله وبركاته
صراحة كثير من الناس يتم توظيفهم عن الطريق الموارد وهم بدون علم ولكن بما انك تقول لديك عقد يثبت أنك موقع ولم يذكر أي شيء عن الموارد لك طريقتين : الاولى أنك تتواصل مع الشركة السابقة وتطلب منهم تعويضك ع هذا الخطأ وتبين لهم أن هذا عقدك ولم يشمل شيء فيه أسمه الموارد البشرية وتتفاهم معهم أين حقوقك من هذا الشيء وأين المكأفاة السنوية الخاصة بالموارد لكي تتنازل عن المووضوع الثانية تروح لأقرب فرع وتقدم شكوى عن هذا الموضوع لكي يتم دعمك في شركات أخرى وحقيقة ما عندي علم هل لو قدمت الشكوى مع الأثبات حينها يتم دعمك مرة أخرى أو لا والله يكون في العون ما ضيعنا الا ذا الدعم المحدد لو يكون مفتوح أعتقد كان رأيت الأغلب موظفين بدل البطالة هذه وجهة نظري وفق الله الجميع |
رد: صندوق الموارد البشريه
اذا انت موظف حاليا عندهم طالب برواتبك واجازاتك وكل شي
شيك ع حالتك في موقع التامينات واشتراكك وراتبك كم وهل مازلت معهم او تم انهاء خدماتك او فصلك.. الخ لو فصلوك قول وين مكافاة نهاية خدمة وين خطاب الفصل وين الانذارات انت اختفيت مفروض انذارات وفصل خلال اسبوعين ويوقف كل شي |
رد: صندوق الموارد البشريه
كم كان راتبك اول شيء بالعقد
و كم كانت الشركة تعطيك راتب هل بالعقد كان 1500 و كنت تأخذ 2500 او 2700 تأكد من راتبك و هل كانت الوظيفة سعودة ؟؟ اذا لا يفترض تراجع الموارد البشرية وتطلب صورة عقد اللي يقولون انك موقع عليه مع اني متأكد الموظف بيصرفك ماهو فاضي لوجع راس |
الساعة الآن 10:52 PM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين