الى اين سنصل؟؟
 

بخصوص اذا الفرد يمتلك سيارتين يسقط!!
لا معطينا اللي يكفينا ولا تاركينا نترزق حرام هالشي اللي يصير لو الواحد لاقي الي يكفيه هو وعائلته ماضطر طول يومه يفر بتكسي او يسترزق باي طريقة ثاني اذا التجار فتحوا لهم فرع وفرعين وثلاثة وهم بنعمة وبخير ليش التضييق على الايتام والارامل
6 أفراد مثلا 2000 ريال من الضمان تكفي ايجار كهرباء ماء مواصلات علاج من غير متطلبات الحياة الاخرى اللي حرمنا انفسنا منها وربي الشاهد ضيقتوا علينا في رزقنا الواحد صار يمشي ويحسب كل يوم هل يكفي مصروفي لااخر الشهر او لا !!!

اذا استمرينا على عالوضع انتضرنا باوزير التنمية في التأهيل سنحتاج ادوية نفسية
((اتقوا الله في الضعفاء والمساكين))
عذرا على كلامي بالعامية
تحياتي للجميع وبالاخص اخوي المنتصر بالله اسال الله له التوفيق

رد: الى اين سنصل؟؟
 

والله إني صرت أخاف اسقط بسبب تحويلات
بنكية الى حسابي مثلا مبلغ 3000 ريال او اكثر واعطيها لصاحبها لأن ماعنده حساب بالراجحي
عاد مايصدقون خبر ذا اصبح تاجر خلاص اقطعوه عنه

والله قراراتهم لاتخدم المستفيد يدورون إسقاطه

رد: الى اين سنصل؟؟
 

ماعمت الفوضى في البلاد التي فيها صراع
الا بسبب التضييق عليهم ومحاربتهم في مصادر ارزاقهم

لصالح فئه من الناس

رد: الى اين سنصل؟؟
 

من ضموا وزارة العمل مع الشؤون الاجتماعيه وللاسف مافيه اهتمام بالمستفيد قرارات ورا قرارات والله اعلم سبحانه عن تاليها

الشكوى لله وحده

رد: الى اين سنصل؟؟
 

ام عبدالرحمن حتى التاهيل ما راح يقبل لان أسقطو ناس واجد ولا يصرفون علاج للامراض النفسيه يعني بيهبلون بنا ولا راح يعالجونا والآن بدأ التلميحات ماشفتي المبتعثه اللي دراسه النانو تبيع شاورما على الرصيف وما شاء الله انفتح باب رزقها وشفتي اللي يطبخ الكبسه ماشاء الله على هالوظايف الزينه شهادات عليا وعلى الرصيف بالله هذي اخبار يطلعونها بالاعلام ما يدرون انها تفضحهم يعني انتم ياهل الضمان روحو على الرصيف وزينو الشاورما والكبسه مانتم باافضل من اللي يشتغلون على الرصيف فاهمين والله حركاتهم ماتمشي علينا زي هذاك اللي يقول الوظائف للكسالى اه بس والله قهر وماعندنا الا نفضفض والشكوى لله

رد: الى اين سنصل؟؟
 

ام عبد الرحمن بس قولي حسبي الله ونعم الوكيل فيهم انا ارمله وعندي ايتام ولي الان سنه وشهرين ولا نزلت المقطوعه وصاحب الشقه يبغى حق الايجار حسبي الله عليهم ونعم الوكيل اذا الواحد ماياخذ حقه الا بعد مذله .

رد: الى اين سنصل؟؟
 

السلام عليكم

هذا انا يتيمة الوالدين ومالي بهذي الدنيا الا الله ثم اختي الكبيرة مرة ابيع على الرصيف ومرة الف مساجد الاسواق وترزق الله
ابيع النقابات ويطلعلي آخر الشهر صافي 300 ريال وازودها على معاش الضمان 1300 وتكفي على الحفة

غير المواصلات وعلاج الصيدلية من كحة وزكام واخر شي اكون مديونة للبقالة الله يجزاه خير يصبرعلي ننتظر المقطوعة على ناااار
والحمدلله على كل حاااال الله يفرج همي وهم الضعوف آمين

رد: الى اين سنصل؟؟
 

لايمكن للمستفيد ان يتركه الفقر طالما وجدت بعض العقليات التي تحرم على المستفيد العمل سواء بامتلاكه سياره او عمل بقطاع خاص اقل الاشياء التي تقدم للمستفيد وعلى امل ان تتغير العقليه والاحساس بهذه الفئه هو تطبيق الحد المانع للمعاش فمثلا الحد المانع للشخص الواحد هو 2001 ريال فاذا سمح له بالعمل ووضع حدا مانعا له ليستطيع العمل لأستطعنا ان نجعله يعيش حياه كريمه مع المعاش الضماني اما ان نجعله ينتظر المعاش كل شهروهو لايكفي لعدة ايام ومن ثم يتجرع للجوع بقيه الايام فهذا هو قمه الظلم له
انظمه قديمه ولازال هؤلاء المسئولين متمسكين بها وللأسف اننا ندور بحلقه مفرغه فهل ياترى ستتغير النظره تجاه المستفيد ؟

رد: الى اين سنصل؟؟
 

لازم تتغير اذا غيرنا صمتنا ادخلوا تويتر سوو هاشتاق ناشدوا الملك ماراح يرضى علينا اللي قاعد يصير
قرارات ظالمة يانحط يد على يد ونرضى بالهالمهزلة او يسقط حقنا
الله يفرجها على الجميع ونفرح بوزير جديد

كل حياتنا مناشدات
ملينا من هالتوسلات اللي ماتقدم ولاتاخر